完整藏文原文 · 德格版页 当前仅加载第 52 函德格 330a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བ་དེ་དག་ཐམས་ཅད་ནི་ལོག་པ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོས་གལ་ཏེ་མྱ་ངན་ལས་འདས་པ་ཆེན་པོའི་མདོ་སྡེ་འདི་ཐོས་ཤིང་འཕགས་པའི་སྤྱད་པ་སྤྱོད་པ་ན། ལོག་པར་ལྟ་བ་དེ་དག་མེད་པར་འགྱུར་རོ། །ཇི་ལྟར་ན་ཉན་
D119.052.0330a01.01ཐོས་དང་རང་སངས་རྒྱས་དང་ལོག་པར་ལྟ་བ་ཞེ་ན། བྱང་ཆུབ་སེམས་དཔའ་དགའ་ལྡན་གྱི་གནས་ནས་བབས་པ་ན་བལ་གླང་ལ་བཅིབས་ཏེ་ཡུམ་གྱི་ལྷུམས་སུ་གཤེགས་པ་དང་། ཡབ་ནི་ཟས་གཙང་མ། ཡུམ་ནི་ལྷ་མཛེས་ཞེས་བྱ་བ་དང་། གྲོང་ཁྱེར་སེར་སྐྱར་ཡུམ་གྱི་
D119.052.0330a02.01ལྷུམས་སུ་ཟླ་བ་བཅུ་ཚང་ནས་བལྟམ་པ་དང་། བལྟམས་པའི་ཚེ་བརྒྱ་བྱིན་གྱིས་ས་ལ་མ་རེག་པར་བཟུང་སྟེ། ཀླུའི་རྒྱལ་པོ་དགའ་བོ་དང་། བསྙེན་དགའ་བོ་གཉིས་ཀྱིས་ཆུ་ཕབ་ནས་སྐུ་བསིལ་བ་དང་། གནོད་སྦྱིན་གྱི་རྒྱལ་པོ་ཆེན་པོ་མ་ནི་བ་རྟ་ཞེས་བྱ་བས་རིན་པོ་ཆེའི་
D119.052.0330a03.01གདུགས་ཐོགས་པ་དང་། སའི་ལྷས་པད་མོ་སྤྲུལ་ཏེ་ཞབས་བརྟེན་པ་དང་། ཕྱོགས་བཞི་ཀུན་ཏུ་གོམ་པ་བདུན་བདུན་བོར་བ་དང་། ལྷའི་འཇིག་རྟེན་དུ་གཤེགས་ནས་ལྷ་ཐམས་ཅད་ལངས་ཏེ་བསུས་པ་དང་། དྲང་སྲོང་ཨ་སི་ཏས་པང་དུ་བླངས་ཏེ་མཚན་བལྟས་པ་
D119.052.0330a04.01དང་། མཚན་བལྟས་ནས་བདག་ནི་ཚེའི་དུས་བྱེད་པར་འགྱུར་ཏེ། སངས་རྒྱས་མངོན་དུ་གཤེགས་པ་མི་མཐོང་ངོ་སྙམ་དུ་སྡུག་བསྔལ་ཆེན་པོ་སྐྱེས་ཏེ་ཡིད་ལ་རབ་ཏུ་གཅགས་པ་དང་། སློབ་དཔོན་ལས་ཡིག་རྩིས་དང་། འཕོང་དང་། ཁ་ལོ་སྒྱུར་བ་དང་། རི་མོ་
D119.052.0330a05.01དང་། ལུང་སྟོན་པ་དང་། སྒྱུ་རྩལ་སློབ་པ་དང་། ཕོ་བྲང་གི་ནང་དུ་བུ་མོ་དང་སླས་དྲུག་ཁྲི་དང་ལྷན་ཅིག་ཏུ་རྩེ་ཞིང་ལོངས་སྤྱོད་པ་དང་། ཁབ་ནས་བྱུང་སྟེ་འཆག་ཏུ་གཤེགས་པ་ལས་གྲོང་ཁྱེར་སེར་སྐྱའི་སྒོར་མི་རྒས་འཁོགས་པ་མཐོང་བ་ནས། དེ་བཞིན་དུ་དགེ་སྦྱོང་
D119.052.0330a06.01ཆོས་གོས་གྱོན་ཅིང་འགྲོ་བའི་བར་དུ་མཐོང་ནས་ཕྱིར་ཕོ་བྲང་དུ་ཕྱིན་ཏེ། བུ་མོ་དང་སླས་རྣམས་ཀྱི་ལུས་དང་གཟུགས་ལ་ཀེང་རུས་དང་འདྲ་བར་མཐོང་བ་དང་། ཕོ་བྲང་ཡང་དུར་ཁྲོད་དང་ཐ་མི་དད་པར་མཐོང་ནས། ཁྱིམ་ལ་སྐྱོ་བར་གྱུར་ཏེ་ནམ་གྱི་གུང་ལ་ཁབ་ནས་བྱུང་སྟེ།
D119.052.0330a07.01