完整藏文原文 · 德格版页 当前仅加载第 52 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་བྱེད་དོ། །འདི་ལྟ་སྟེ་གདུ་བུ་དང་། སོར་གདུབ་དང་། རྣ་ཆ་དང་། ཅོད་པན་དང་། དཔུང་རྒྱན་ལ་སོགས་པ་རྣམ་པ་སྣ་ཚོགས་མི་འཐུན་མོད་ཀྱི་གསེར་ལས་གཞན་མ་ཡིན་ནོ། །རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། སངས་
D119.052.0206b01.01རྒྱས་ནི་ལམ་གཅིག་ལས་སེམས་ཅན་གྱི་རྗེས་སུ་རྣམ་པ་སྣ་ཚོགས་སུ་འབྱེད་ཅིང་སྟོན་ཏེ། བར་བར་ནི་རྣམ་པ་གཅིག་ཅེས་སྟོན་ཏོ། །འདི་ལྟ་སྟེ་སངས་རྒྱས་རྣམས་ཀྱི་བྱང་ཆུབ་ནི་གཅིག་སྟེ། གཉིས་སུ་མེད་དོ་ཞེས་གསུངས་པ། ཡང་རྣམ་པ་གཉིས་ཏེ།
D119.052.0206b02.01ཏིང་ངེ་འཛིན་དང་། ཤེས་རབ་བོ་ཞེས་ཀྱང་གསུངས། གཞན་ཡང་རྣམ་པ་གསུམ་དུ་གསུངས་ཏེ། ལྟ་བ་དང་། ཡེ་ཤེས་དང་། ཤེས་རབ་བོ། །གཞན་ཡང་རྣམ་པ་བཞི་སྟེ། མཐོང་བའི་ལམ་དང་། སྒོམ་པའི་ལམ་དང་། མི་སློབ་པའི་ལམ་དང་།
D119.052.0206b03.01སངས་རྒྱས་ཀྱི་ལམ་མོ། །གཞན་ཡང་རྣམ་པ་ལྔ་སྟེ། དད་པ་སྤྱོད་པའི་ལམ་དང་། ཆོས་སྤྱོད་པའི་ལམ་དང་། དད་པས་རྣམ་པར་གྲོལ་བའི་ལམ་དང་། མཐོང་བས་ཕྱིན་པའི་ལམ་དང་། ལུས་ཀྱིས་རིག་པའི་ལམ་མོ། །གཞན་ཡང་རྣམ་པ་དྲུག་སྟེ་རྒྱུན་
D119.052.0206b04.01དུ་ཞུགས་པའི་ལམ་དང་། ལན་ཅིག་ཕྱིར་ལྡོག་པའི་ལམ་དང་། ལན་ཅིག་ཕྱིར་མི་ལྡོག་པའི་ལམ་དང་། དགྲ་བཅོམ་པའི་ལམ་དང་། རང་སངས་རྒྱས་ཀྱི་ལམ་དང་། སངས་རྒྱས་ཀྱི་ལམ་མོ། །གཞན་ཡང་རྣམ་པ་བདུན་ཏེ། དྲན་པ་བྱང་ཆུབ་ཀྱི་ཡན་ལག་དང་།
D119.052.0206b05.01ཆོས་རྣམ་པར་འབྱེད་པ་བྱང་ཆུབ་ཀྱི་ཡན་ལག་དང་། བརྩོན་འགྲུས་བྱང་ཆུབ་ཀྱི་ཡན་ལག་དང་། དགའ་བ་བྱང་ཆུབ་ཀྱི་ཡན་ལག་དང་། ཤིན་ཏུ་སྦྱངས་པ་བྱང་ཆུབ་ཀྱི་ཡན་ལག་དང་། ཏིང་ངེ་འཛིན་བྱང་ཆུབ་ཀྱི་ཡན་ལག་དང་། བཏང་སྙོམས་བྱང་ཆུབ་ཀྱི་ཡན་
D119.052.0206b06.01ལག་གོ། །གཞན་ཡང་རྣམ་པ་བརྒྱད་དེ། ཡང་དག་པའི་ལྟ་བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་།
D119.052.0206b07.01