完整藏文原文 · 德格版页 当前仅加载第 52 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་རྒྱས་པར་ཕྱེ་ཞིང་བསྟན་པས་དེ་བས་ན་སྦྱིན་པ་རྣམ་པ་གཉིས་ལ་ཁྱད་པར་མེད་དོ། །རིགས་ཀྱི་བུ་དེ་བཞིན་གཤེགས་པའི་སྐུ་ནི་བསྐལ་པ་ཚད་མེད་གྲངས་མེད་པའི་བར་དུ་བསོད་སྙོམས་མི་གསོལ་མོད་ཀྱི་ཉན་ཐོས་རྣམས་ལ་འདི་སྐད་ཅེས་གསུངས་ཏེ། སྔོན་དེ་བཞིན་
D119.052.0020b01.01གཤེགས་པས་གནག་རྫི་མོ་ནན་ཏ་དང་། ནན་ཏ་པ་ལ་གཉིས་ཀྱིས་འོ་མའི་འཇམས་ཕུལ་བ་བཞེས་ནས་གདོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ། །ད་ནི་ཡང་དག་པར་བཤོས་མི་གསོལ་ཏེ། འཁོར་གྱི་དཀྱིལ་འཁོར་
D119.052.0020b02.01མང་པོ་འདི་དག་གི་ཕྱིར་ཁྱོད་ཀྱི་མཆོད་པ་ཐ་མ་འདི་བཞེས་མོད་ཀྱི། ཡང་དག་པར་ན་གསོལ་བ་མེད་དོ། །དེའི་ཚེ་ན་འཁོར་གྱི་དཀྱིལ་འཁོར་དེ་རྣམས་བཅོམ་ལྡན་འདས་ཀྱིས་ཙུན་དའི་མཆོད་པ་བཞེས་པ་མཐོང་ནས་ཐམས་ཅད་དགའ་མགུ་རངས་ཏེ་སྐད་འཐུན་པས་ཙུན་
D119.052.0020b03.01ད་ལ་ལེགས་སོ། །ཤིན་ཏུ་ལེགས་སོ་ཞེས་སྨྲས་ཏེ། ཁྱོད་ཀྱི་མིང་བཏགས་པ་ཐོག་ཏུ་བབ་བོ། །ཙུན་ད་ཞེས་བྱ་བ་ནི་དོན་དམ་པ་ལ་མཁས་པ་སྟེ། ཁྱོད་ཀྱིས་ཀྱང་དེང་འདིར་དོན་ཆེན་པོ་བརྩམས་པས་དེ་བས་ན་དོན་ལས་མིང་ཙུན་ད་ཞེས་བཏགས་ཏེ། ཁྱོད་ཀྱིས་ནི་ཚེ་
D119.052.0020b04.01འདི་ཉིད་ལ་གྲགས་པ་དང་ཕན་པའི་དོན་ཆེན་པོ་ཐོབ་ཅིང་སྨོན་པ་ཡང་ཡོངས་སུ་རྫོགས་པར་གྱུར་ཏེ། ངོ་མཚར་ཆེའོ། །ཙུན་ད་མིའི་ནང་དུ་སྐྱེས་ཀྱང་བླ་ན་མེད་པའི་བདེ་བ་ཤིན་ཏུ་རྙེད་དཀའ་བ་ཐོབ་བོ། །ལེགས་སོ། །ཙུན་ད་མེ་ཏོག་ཨུ་དུམ་བཱ་ར་ལྟར་འཇིག་རྟེན་ན་ཤིན་ཏུ་
D119.052.0020b05.01དཀོན་པ་སྟེ། སངས་རྒྱས་འཇིག་རྟེན་དུ་གཤེགས་པ་ཡང་ཤིན་ཏུ་རྙེད་དཀའ་ལ། སངས་རྒྱས་དང་ཕྲད་ནས་དད་པ་སྐྱེད་པ་ཡང་ཤིན་ཏུ་དཀའ། ཆོས་ཐོས་པ་ཡང་ཤིན་ཏུ་དཀའ། སངས་རྒྱས་ཡོངས་སུ་མྱ་ངན་ལས་འདའ་ཀར་མཆོད་པ་བཤམས་ཏེ་འབུལ་བ་ཡང་ཤིན་ཏུ་
D119.052.0020b06.01དཀའོ། །ཙུན་ད་ལ་ཕྱག་འཚལ་ལོ། །ཙུན་ད་ལ་ཕྱག་འཚལ་ལོ། །ཁྱོད་ནི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ། སྟོན་གྱི་ཚེས་{བཅྭ་,བཅོ་}ལྔའི་ཟླ་བ་ལྟར་རྒྱས་ཤིང་ཡོངས་སུ་དག་ལ། སྤྲིན་ནམ་ན་བུན་གྱིས་མཆོད་ན་ཐམས་ཅད་ཀྱིས་བལྟ་བ་དང་འདྲ་བར་ཁྱོད་
D119.052.0020b07.01