完整藏文原文 · 德格版页 当前仅加载第 52 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཚེ་བཅོམ་ལྡན་འདས་ཀྱིས་མཁྱེན་བཞིན་དུ་བུད་མེད་ལ་འདི་སྐད་ཅེས་བཀའ་སྩལ་ཏོ། །ཁྱོད་བུ་སྡུག་པར་བསམས་ནས་མར་མང་དུ་བསྙོད་དེ། ཞུའམ་མ་ཞུ་རྟོགས་པའི་ཕྱིར་འོངས་སམ། དེ་ནས་བུད་མེད་དེས་བཅོམ་ལྡན་འདས་ལ་གསོལ་པ། ངོ་མཚར་ཆེའོ། །
D119.052.0056a01.01བཅོམ་ལྡན་འདས་བདག་གི་ཡིད་ལ་བསམས་པ་བཞིན་དུ་མཁྱེན་ཏོ། །བདག་གིས་མར་སྩལ་བ་{མངས་སམ་,མང་ངམ་}ཉུངས་པ། བཅོམ་ལྡན་འདས་ཀྱིས་བསྟན་དུ་གསོལ། བཅོམ་ལྡན་འདས་བདག་གིས་དེང་བུ་འདི་མར་ཞིག་སྩལ་ཏེ་མ་ཞུ་བས་ཚེའི་བར་ཆད་དུ་འགྱུར་གྱིས་དོགས་ན་དེ་བཞིན་
D119.052.0056a02.01གཤེགས་པས་བདག་ལ་བསྟན་དུ་གསོལ། དེ་ལ་བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱི་བུས་ཟོས་པའི་མར་ནི་དེ་མ་ཐག་ཏུ་ཞུ་སྟེ་ཚེ་དང་ལུས་ཀྱི་མཆོག་ཏུ་གྱུར་ཏོ། །བུད་མེད་དེས་དེ་སྐད་ཅེས་བཀའ་སྩལ་པ་ཐོས་ནས་རབ་ཏུ་དགའ་རངས་ཏེ་ཡང་འདི་སྐད་ཅེས་གསོལ་
D119.052.0056a03.01ཏོ། །བཅོམ་ལྡན་འདས་ཀྱིས་ཡང་དག་པར་གསུངས་པས་བདག་རབ་ཏུ་དགའ་བར་གྱུར་ཏོ། །བཅོམ་ལྡན་འདས་ཀྱིས་འདི་ལྟར་སེམས་ཅན་གདུལ་བའི་སླད་དུ་ཞུ་བ་དང་། མ་ཞུ་བ་རྣམ་པར་ཕྱེ་སྟེ་གསུངས་པ་དང་། གཞན་ཡང་ཆོས་ཐམས་ཅད་བདག་མེད་པ་དང་། མི་རྟག་པར་
D119.052.0056a04.01གསུངས་པ་ཤིན་ཏུ་ལེགས་སོ། །གལ་ཏེ་བཅོམ་ལྡན་འདས་ཀྱིས་རྟག་པ་སྔར་བཤད་ན། འདུལ་བའི་འཁོར་འདི་དག་འདི་སྐད་དུ་ཆོས་འདི་ནི་མུ་སྟེགས་ཅན་དང་འཐུན་ནོ་ཞེས་མཆི་སྟེ་སྤོང་བར་གྱུར་ཏོ། །བཅོམ་ལྡན་འདས་ཀྱིས་བུད་མེད་དེ་ལ་བཀའ་སྩལ་པ། ཁྱོད་ཀྱི་བུ་དེ་སྐྱེས་
D119.052.0056a05.01ཏེ་རྒྱུག་ནུས་ཙམ་ན་ཁ་ཟས་འཇུ་དཀའ་བ་ཡང་ཞུ་སྟེ་སྔར་བྱིན་པའི་མར་ཙམ་གྱིས་ནི་ཆོག་པ་མ་ཡིན་ནོ། །ངའི་ཉན་ཐོས་ཀྱི་ཉེ་གནས་ཀྱང་ཁྱོད་ཀྱི་བུ་ཆུང་ངུ་དེ་དང་འདྲ་སྟེ། རྟག་པའི་ཆོས་འདི་འཇུ་མི་ནུས་སོ། །དེ་བས་ན་ངས་སྔར་སྡུག་བསྔལ་བ་དང་། མི་རྟག་པ་ལ་སོགས་པ་
D119.052.0056a06.01བཤད་པ་ཡིན་ནོ། །ངའི་ཉན་ཐོས་ཀྱི་ཉེ་གནས་ཡོན་ཏན་དང་ལྡན་པ་ཐེག་པ་ཆེན་པོའི་མདོ་ལ་ནན་ཏན་དུ་སྤྱོད་བཟོད་པ་དག་ལ་ནི་ངས་མདོ་སྡེ་འདི་ཉིད་ཀྱི་རོ་རྣམ་པ་དྲུག་བསྟན་ཏོ། །རོ་རྣམ་པ་དྲུག་གང་ཞེ་ན། སྡུག་བསྔལ་ནི་སྐྱུར་བའི་རོ་ལྟ་བུའོ། །མི་རྟག་པ་ནི་ལན་
D119.052.0056a07.01