完整藏文原文 · 德格版页 当前仅加载第 52 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་དུལ་ཞིང་འཚོ་བའི་ས་ཡང་རི་མཐོན་པོའི་སྟེང་མ་ཡིན་ནགས་ཁྲོད་མ་ཡིན་པ་ན་འཚོ་ཞིང་། ཆུ་ཡང་འབབ་ཆུ་དངས་མ་ལ་བླུད་དེ། དྲག་ཏུ་མི་བདའ། ཁྱུ་མཆོག་དང་ཁྱུ་གཅིག་ཏུ་མི་འཚོ་བར་བག་ཡངས་སུ་ཟ་ཞིང་འཐུང་ལ། འགྲོ་བ་དང་སྡོད་པ་ཡང་བག་
D119.052.0037b01.01ཡངས་སུ་འགྱུར་བའི་བའི་འོ་མ་ནི་ནད་རྣམས་ལ་ཕན་པས་བདུད་རྩི་ཞེས་བྱའོ། །འོ་མ་དེ་མ་ཡིན་པ་ནི་ཐམས་ཅད་ཀྱང་གདུག་པ་དང་བཅས་པ་ཞེས་བྱའོ། །དེའི་ཚེ་ན་རྒྱལ་པོ་ཆེན་པོས་དེ་སྐད་ཅེས་སྨྲས་པ་ཐོས་ནས་སྨན་པ་ལེགས་སོ། །ཤིན་ཏུ་ལེགས་པར་
D119.052.0037b02.01སྨྲས་སོ། །ད་སླན་ཆད་འོ་མ་བཟང་ངན་དང་རུང་མི་རུང་ཡང་ཤེས་སོ། །དེ་ནས་སྨན་དུ་འོ་མ་བཏང་ནས་ནད་ཀྱང་བྱང་བར་གྱུར་ཏེ། ཡུལ་མི་ཐམས་ཅད་ལ་ད་ཕྱིན་ཆད་སྨན་དུ་འོ་མ་ཐོང་ཤིག་ཅེས་བཀར་བཏགས་སོ། །ཡུལ་མི་རྣམས་ཀྱིས་དེ་སྐད་ཅེས་ཐོས་
D119.052.0037b03.01ནས་ཐམས་ཅད་གཤེ་སྟེ། རྒྱལ་པོ་ཆེན་པོ་འདི་ནི་{ཡི་དགས་,ཡི་དྭགས་}ཀྱིས་བརླམས་སམ། སྨྱོས་སམ་ཅི་ཉེས་ན། བདག་ཅག་བསླུས་ཏེ། སྨན་དུ་འོ་མ་ཐོང་ཤིག་ཅེས་གསུང་། ཡུལ་མི་ཐམས་ཅད་ཁྲོས་བཞིན་དུ་རྒྱལ་པོའི་སྤྱན་སྔར་ལྷགས་སོ། །དེ་ལ་རྒྱལ་
D119.052.0037b04.01པོས་བཀའ་སྩལ་པ། ཁྱེད་ང་ལ་མ་གཤེ་ཤིག །སྨན་དུ་འོ་མ་བཏང་དུ་རུང་ངམ་མི་རུང་བ་ནི་སྨན་པ་འདིའི་དཔྱད་ཡིན་གྱི། ངས་ནི་མ་ཉེས་སོ། །དེའི་ཚེ་རྒྱལ་པོ་ཆེན་པོ་དང་། ཡུལ་མི་ཐམས་ཅད་ཀྱང་ཤིན་ཏུ་དགའ་ཞིང་མགུ་བར་གྱུར་ནས། སྨན་པ་དེ་ལ་ལྷག་
D119.052.0037b05.01པར་རིམ་གྲོ་དང་བཀུར་སྟི་བསྐྱེད་དེ། ནད་པ་ཐམས་ཅད་ལ་སྨན་འོ་མ་བཏང་བས་ནད་ཀྱང་བྱང་བར་གྱུར་ཏོ། །དགེ་སློང་ཁྱེད་ཀྱང་དེ་ལྟ་བུའི་ཚུལ་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། མཁྱེན་པ་དང་ཞབས་སུ་ལྡན་པ།
D119.052.0037b06.01བདེ་བར་གཤེགས་པ། འཇིག་རྟེན་རིག་པ། བླ་ན་མེད་པ། སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ལ་དེ་ལྟར་རིག་པར་བྱ་སྟེ། སྨན་པ་ཆེན་པོ་ལྟ་བུར་འཇིག་རྟེན་དུ་གཤེགས་ནས། མུ་སྟེགས་
D119.052.0037b07.01