完整藏文原文 · 德格版页 当前仅加载第 52 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བས་པའི་མཐར་ཕྱིན་པ་མ་ལགས་སོ། །བཅོམ་ལྡན་འདས་ཐུགས་བརྩེ་བའི་སླད་དུ་དེའི་རྒྱུ་དང་རྐྱེན་བསྟན་དུ་གསོལ། དེ་ཅིའི་སླད་དུ་ཞེ་ན། དཔེར་ན་ཁྱིམ་བདག་གི་བུ་དག་སློབ་དཔོན་ལ་སློབ་པའི་ཚེ་ན་སློབ་དཔོན་གྱི་དབང་དུ་གྱུར་པ་མ་ལགས་སམ། གལ་ཏེ་སློབ་དཔོན་གྱི་དབང་
D119.052.0166b01.01དུ་གྱུར་ན་ཡང་སློབ་པའི་དོན་མི་འགྲུབ་ལ། སློབ་དཔོན་གྱི་དབང་དུ་མ་གྱུར་ན་ཡང་མི་འགྲུབ། བདག་གི་དབང་དུ་གྱུར་ན་ཡང་སློབ་པ་ཡང་མི་འགྲུབ་སྟེ། དེ་བས་ན་དེ་བཞིན་གཤེགས་པས་གསུངས་པ་ནི་ལྷག་མ་དང་བཅས་པ་ལགས་སོ། །བཅོམ་ལྡན་འདས་གཞན་ཡང་འདི་
D119.052.0166b02.01ལྟ་སྟེ་དཔེར་ན་རྒྱལ་བུ་ཅི་ཡང་མི་སློབ་ཅི་ཡང་མི་ཤེས་པ་དག་བདག་གི་དབང་དུ་འགྱུར་བ་ལགས་མོད་ཀྱི། གླེན་ཞིང་མི་ཤེས་པས་རྟག་ཏུ་སྡུག་བསྔལ་ལོ། །དེ་ལྟར་ན་རྒྱལ་བུ་དེ་ནི་བདག་གི་དབང་དུ་འགྱུར་ཞེས་བགྱིར་ཡང་གྲུབ་པའི་དོན་མ་མཆིས་ལ། གཞན་གྱི་དབང་དུ་འགྱུར་
D119.052.0166b03.01ཞེས་བགྱིར་ཡང་གྲུབ་པའི་དོན་མ་མཆིས་པས། དེ་བས་ན་བཅོམ་ལྡན་འདས་ཀྱིས་གསུངས་པའི་དོན་འདི་ནི་ལྷག་མ་དང་བཅས་པ་ལགས་པས། དེ་བས་ན་ཐམས་ཅད་གཞན་གྱི་དབང་དུ་འགྱུར་བ་ལ་ཡང་ངེས་པར་སྡུག་བསྔལ་ཞེས་བགྱིར་མི་རུང་ལ། ཐམས་ཅད་བདག་གི་
D119.052.0166b04.01དབང་དུ་འགྱུར་བ་ལ་ཡང་ངེས་པར་བདེ་བ་ཞེས་བགྱིར་མི་རུང་ངོ་། །ང་རྒྱལ་གྱིས་དྲེགས་པ་ཐམས་ཅད་ཀྱང་ཁྲོ་གཏུམ་ཅན་ནོ་ཞེས་བགྱི་བ་ཡང་ལྷག་མ་དང་བཅས་སོ། །བཅོམ་ལྡན་འདས་དཔེར་ན་བུད་མེད་ཆུ་གང་ཅན་དག་ང་རྒྱལ་གྱི་དབང་གིས་རབ་ཏུ་བྱུང་སྟེ། སློབ་པ་ལ་ཞུགས་
D119.052.0166b05.01ན་ཚུལ་ཁྲིམས་ཡོངས་སུ་སྲུང་ཞིང་སྤྱོད་ལམ་ཤིན་ཏུ་སྡོམ་སྟེ། དབང་པོ་མི་གཡེང་བར་ནན་ཏན་བྱེད་དོ། །དེ་བས་ན་ང་རྒྱལ་གྱི་ཀུན་ནས་ཉོན་མོངས་པ་ཐམས་ཅད་ངེས་པར་ཁྲོ་གཏུམ་པའོ་ཞེས་བགྱིར་མི་རུང་ངོ་། །དེས་ཤིང་དགེ་བ་ཐམས་ཅད་ཀྱང་བྱམས་པ་དང་སྙིང་རྗེར་ལྡན་
D119.052.0166b06.01ནོ་ཞེས་བགྱི་བ་ཡང་ལྷག་མ་དང་བཅས་པ་ལགས་སོ། །དཔེར་ན་མི་ཞིག་ཕས་ཕམ་པ་ཞིག་བྱུང་ཡང་ཆོས་གོས་མ་སྤངས། ཕྱི་རོལ་གྱི་སྤྱོད་ལམ་ཤིན་ཏུ་སྡོམ་ཡང་ཆོས་སྲུང་བ་དག་མཐོང་ན་མི་འདོད་དེ་སྤོང་ངོ་། །དེ་ཚེ་འཕོས་ནས་ཀྱང་སེམས་ཅན་དམྱལ་བར་ལྟུང་ངོ་། །གལ་ཏེ་
D119.052.0166b07.01