完整藏文原文 · 德格版页 当前仅加载第 52 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་སུ་ཡི་རང་ངོ་ཞེས་བྱ་བའི་བར་དུ་ནི་མདོ་སྡེ་ཞེས་བྱའོ། །དབྱངས་ཀྱིས་བསྙད་པ་ཞེས་བྱ་བ་ནི་གང་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། བདག་ཅག་ཀྱང་ཤིན་ཏུ་གླེན་ཏེ། ཤེས་པ་མེད་པས་འཕགས་པའི་བདེན་པ་བཞི་ཡང་དག་པ་
D119.052.0233a01.01ཇི་ལྟ་བ་བཞིན་དུ་མི་ཤེས་ཏེ། དེ་བས་ན་འཁོར་བར་ཡོངས་སུ་འཁོར་ཞིང་སྡུག་བསྔལ་གྱི་རྒྱ་མཚོ་ཆེན་པོར་ནུབ་པར་གྱུར་ཏོ། །བདེན་པ་བཞི་ཡང་གང་ཞེ་ན། སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་མོ། །སྔོན་བཅོམ་ལྡན་འདས་ཀྱིས་དགེ་སློང་རྣམས་ལ་མདོའི་སྡེ་
D119.052.0233a02.01གསུངས་ནས། དེའི་ཚེ་ན་སྐྱེས་བུ་དབང་པོ་རྣོན་པོ་དག་དེའི་འོག་ཏུ་ཆོས་མཉན་པའི་ཕྱིར། སངས་རྒྱས་ཀྱི་སྤྱན་སྔར་ལྷགས་ཏེ། གཞན་དག་ལ་འདི་སྐད་དུ་བཅོམ་ལྡན་འདས་ཀྱིས་སྔར་འདིར་ཅི་ཞིག་མཛད་ཅེས་དྲིས་པ་དང་། བཅོམ་ལྡན་འདས་མཁྱེན་བཞིན་དུ་མདོའི་སྡེ་སྔར་གསུངས་པ་ལས།
D119.052.0233a03.01ཡང་ཚིགས་སུ་བཅད་དེ་འདི་སྐད་དུ་གསུངས་པ་ཡིན་ནོ། །ང་སྔོན་ཁྱོད་དང་འདྲ་བར་ནི། །བདེན་པ་བཞི་པོ་མ་མཐོང་སྟེ། །དེ་བས་འཁོར་བར་ཡོངས་སུ་འཁོར། །སྡུག་བསྔལ་ཆེན་པོའི་རྒྱ་མཚོར་ལྟུང་། །གང་གིས་བདེན་པ་བཞི་རྟོགས་ན། །འཁོར་བ་ཡོངས་སུ་གཅོད་པར་འགྱུར། །སྐྱེ་
D119.052.0233a04.01བའི་སྲིད་པ་ཀུན་ཟད་ན། །སྲིད་པ་ཐམས་ཅད་ལེན་མི་སྲིད། །ཅེས་བྱ་བ་དག་ནི་དབྱངས་ཀྱིས་བསྙད་པའི་སྡེ་ཞེས་བྱའོ། །ལུང་བསྟན་པའི་སྡེ་ཞེས་བྱ་བ་ནི་མདོ་སྡེའམ། འདུལ་བ་ལས་དེ་བཞིན་གཤེགས་པས་ཁ་ཅིག་ཏུ་ལྷ་དང་མི་རྣམས་ལ་སངས་རྒྱས་སུ་ལུང་སྟོན་པ་སྟེ། མ་ཕམ་
D119.052.0233a05.01པ་ཁྱོད་མ་འོངས་པའི་དུས་སུ་རྒྱལ་པོ་དུང་ཞེས་བྱ་བ་འབྱུང་སྟེ། དེའི་ཚེ་དེའི་དུས་ན་མངོན་པར་འཚང་རྒྱ་སྟེ། མཚན་ཡང་བྱམས་པ་ཞེས་བྱ་བར་འགྱུར་རོ། །ཞེས་སྨོས་པ་དག་ནི་ལུང་དུ་བསྟན་པའི་སྡེ་ཞེས་བྱའོ། །ཚིགས་སུ་བཅད་པའི་སྡེ་ཞེས་བྱ་བ་ནི་མདོ་སྡེ་དང་། འདུལ་བ་
D119.052.0233a06.01གང་ལས་ལྷག་པའི་ཚིགས་སུ་བཅད་པ་ཚིག་བཞི་པོ་འདི་དག་སྨོས་པ་སྟེ། སྡིག་པ་ཐམས་ཅད་ཡོངས་སུ་སྤང་། །དགེའོ་ཅོག་ནི་རྫོགས་པར་བྱ། །བདག་གི་སེམས་ཀྱང་ཤིན་ཏུ་གདུལ། །དེ་ནི་སངས་རྒྱས་བསྟན་པའོ། །ཞེས་སྨོས་པ་དེ་དག་ནི་ཚིགས་སུ་བཅད་པའི་
D119.052.0233a07.01