完整藏文原文 · 德格版页 当前仅加载第 52 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་པ། རྟག་ཏུ་ཐེག་པ་ཆེན་པོའི་མདོ་སྡེ་ཐོས་པར་མོས་ཤིང་། ཐོས་ནས་ཀྱང་གཞན་ལ་རྒྱས་པར་སྟོན་པ་དེ་ལྟ་བུའི་ཡོན་ཏན་དང་ལྡན་པ་ཤ་སྟག་ལ་འདི་ལྟ་སྟེ། ལིཙྪ་བཱིའི་བུ་རྣམ་དག་དྲི་མ་མེད་པའི་སྙིང་པོ་དང་། ལིཙྪ་བཱིའི་བུ་བག་ཡོད་རྣམ་པར་དག་པ་དང་། ལིཙྪ་བཱིའི་བུ་
D119.052.0007b01.01རྟག་ཏུ་དྲི་མེད་རྣམ་དག་ཡོན་ཏན་ལ་སོགས་ཏེ། དེ་དག་གཅིག་ལ་གཅིག་འདི་སྐད་དུ་ཀྱེ་གྲོགས་པོ་དག་མྱུར་བར་དེ་བཞིན་གཤེགས་པ་གང་ན་བ་དེར་སོང་སྟེ། མཆོད་པ་ཕུན་སུམ་ཚོགས་པ་རྣམ་པ་སྣ་ཚོགས་ཀྱིས་མཆོད་དུ་འདེང་ངོ་། །དེ་ནས་ལིཙྪ་བཱི་དེ་དག་རེ་རེས་ཀྱང་བལ་གླང་
D119.052.0007b02.01བརྒྱད་ཁྲི་བཞི་སྟོང་དང་། རིན་པོ་ཆེའི་ཤིང་རྟ་རྟ་བཞི་དང་བཅས་པ་བརྒྱད་ཁྲི་བཞི་སྟོང་དང་། ཡིད་བཞིན་གྱི་ནོར་བུ་རིན་པོ་ཆེ་བརྒྱད་ཁྲི་བཞི་སྟོང་དང་། གཞན་ཡང་ཤིང་ཙན་དན་དང་། ཨ་ག་རུ་སྦམས་པ་བརྒྱད་ཁྲི་བཞི་སྟོང་སྙེད་བཤམས་ཏེ། བལ་གླང་དེ་རེ་རེའི་མདུན་ན་རིན་པོ་
D119.052.0007b03.01ཆེའི་རྒྱལ་མཚན་དང་། བ་དན་དང་། གདུགས་ཀྱང་བཤམས་སོ། །གདུགས་ནང་གི་ཆུང་ངུ་ཡང་ཁོ་ར་ཁོར་ཡུག་ཏུ་དཔག་ཚད་གཅིག་ཁེབས་སོ། །བ་དན་ནང་གི་ཐུང་ངུ་ཡང་རིང་ཁྱད་དཔག་ཚད་སུམ་ཅུ་རྩ་གཉིས་སོ། །རིན་པོ་ཆེའི་རྒྱལ་མཚན་ནང་གི་ཆུང་བ་ཡང་མཐོ་ཁྱད་
D119.052.0007b04.01དཔག་ཚད་བརྒྱ་པ་སྟེ། དེ་ལྟ་བུའི་མཆོད་པའི་ཡོ་བྱད་བཤམས་ནས་སངས་རྒྱས་གང་ན་བ་དེར་ལྷགས་ཏེ་ཕྱིན་པ་དང་། སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ནས་ལན་བརྒྱ་སྟོང་དུ་བསྐོར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་
D119.052.0007b05.01གིས་སངས་རྒྱས་དང་། དགེ་སློང་གི་དགེ་འདུན་རྣམས་ལ་མཆོད་པའི་ཡོ་བྱད་འདི་དག་འབུལ་ན་དེ་བཞིན་གཤེགས་པས་བདག་ཅག་ལ་ཐུགས་བརྩེ་བའི་སླད་དུ་མཆོད་པ་འདི་དག་བཞེས་ཤིག་ཅེས་གསོལ་ཏོ། །དེ་ལ་དེ་བཞིན་གཤེགས་པ་ཅང་མི་གསུང་ནས་བཞེས་སུ་མ་གནང་ངོ་། །ལིཙྪ་
D119.052.0007b06.01བཱིའི་བུ་རྣམས་བསམས་པ་བཞིན་དུ་མ་གྱུར་ནས་ཤིན་ཏུ་མྱ་ངན་གྱིས་ནོན་ཏེ། བཅོམ་ལྡན་འདས་ཀྱི་བྱིན་གྱི་རླབས་ཀྱིས་ས་ལས་ཤིང་ཏ་ལ་བདུན་སྲིད་དུ་འཕགས་ནས་སྟེང་གི་ནམ་མཁའ་ལ་ཅང་མི་སྨྲ་བར་འཁོད་དོ། །དེའི་ཚེ་གཞན་ཡང་ཀླུང་གང་གཱ་ལྔའི་བྱེ་མ་སྙེད་ཀྱི་བློན་པོ་ཆེན་པོ་དང་།
D119.052.0007b07.01