完整藏文原文 · 德格版页 当前仅加载第 52 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འབད་པ་ནི་རི་རབ་ལྷུན་པོ་ལྟ་བུ་སྟེ། མི་གཡོ་མི་ལྡེག་པའོ། །ས་ཞེས་བྱ་བ་ནི་འདུས་བྱས་ཀྱིས་རྣམ་པར་འདུ་བྱེད་པ་སྟེ། བྱིས་པ་མ་རབས་དག་ནི་ས་དེ་ལ་གནས་ནས་འདུས་བྱས་ལ་རྣམ་པར་འདུ་བྱེད་དོ། །མཁས་པ་ཤེས་རབ་ཅན་དག་ནི་
D119.052.0137a01.01མངོན་པར་སངས་རྒྱས་པ་སྟེ། ཡོད་པ་རྣམ་པར་སྤངས་ནས་རྟག་པའི་ཕྱིར་དེ་བཞིན་གཤེགས་པ་ཞེས་བྱའོ། །དེ་བཞིན་གཤེགས་པ་ནི་སོ་སོའི་སྐྱེ་བོ་ཚད་མེད་པ་དག་སྲིད་པའི་ཟུག་རྔུས་ཟུག་པ་ལ་ཐུགས་བརྩེ་བའི་ཕྱིར་དེ་བཞིན་གཤེགས་པ་ལ་མྱ་ངན་ཡོད་ཅེས་
D119.052.0137a02.01བྱའོ། །བྱང་ཆུབ་སེམས་དཔའ་འོད་སྲུང་གིས་གསོལ་པ། བཅོམ་ལྡན་འདས་གལ་ཏེ་དེ་བཞིན་གཤེགས་པ་ལ་མྱ་ངན་མངའ་ན། ཡང་དག་པར་རྫོགས་པའི་སངས་རྒྱས་ཞེས་གདགས་སུ་མི་རུང་བར་འགྱུར་རོ། །བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་
D119.052.0137a03.01པ། དེ་ཡང་དོན་མེད་པ་མ་ཡིན་ཏེ། སོ་སོའི་སྐྱེ་བོ་གང་དང་གང་གིས་འདུལ་བར་འགྱུར་བ་དེ་དང་དེ་དག་ཏུ་དེ་བཞིན་གཤེགས་པ་སྐྱེ་བ་སྟོན་ཏོ། །སྐྱེ་བ་སྟོན་མོད་ཀྱི་ཡང་དག་པར་སྐྱེ་བ་མེད་དེ། དེ་བས་ན་དེ་བཞིན་གཤེགས་པ་ནི་རྟག་པ་གནས་པའི་ཆོས་ཅན་ཏེ། ཀ་
D119.052.0137a04.01ལན་ད་ཀ་དང་བྱ་ངུར་པ་ལྟ་བུའོ། །རིགས་ཀྱི་བུ་གཞན་ཡང་འདི་ལྟ་སྟེ། དཔེར་ན་གང་ཟག་དག་ཟླ་བ་སྤྲིན་གྱིས་ཆོད་དེ་མི་སྣང་ན། ཟླ་བ་ནུབ་བོ་སྙམ་སེམས་ཏེ། ཡང་དག་པར་ན་ཟླ་བ་ལ་ནུབ་པ་མེད་དོ། །གླིང་གཞན་དུ་ཤར་བ་ན་དེ་ན་གནས་པའི་སེམས་ཅན་དག་ནི་ཟླ་
D119.052.0137a05.01བ་ཤར་ཏོ་སྙམ་སེམས་ཏེ། ཡང་དག་པར་ན་ཟླ་བ་ལ་ཤར་བ་མེད་དོ། །དེ་ཅིའི་ཕྱིར་ཞེ་ན། རི་རབ་ལྷུན་པོས་བསྒྲིབས་ཏེ་མི་སྣང་གི །ཟླ་བ་ལ་ཤར་བའམ་ནུབ་པ་ཞེས་བྱ་བ་མེད་དོ། །དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་ཀྱང་དེ་དང་འདྲ་
D119.052.0137a06.01སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་གཤེགས་པ་འཛམ་བུའི་གླིང་དུ་ཕ་དང་མ་ཡང་ཡོད་པར་བསྟན་ནས་སོ་སོའི་སྐྱེ་བོ་དག་ནི་དེ་བཞིན་གཤེགས་པ་འཛམ་བུའི་གླིང་དུ་བྱུང་ངོ་སྙམ་སེམས་སོ། །འཛམ་བུའི་གླིང་དུ་མྱ་ངན་ལས་འདས་པ་
D119.052.0137a07.01