完整藏文原文 · 德格版页 当前仅加载第 52 函德格 310a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པར་རབ་ཏུ་འབྱུང་བར་གསོལ་ཏོ། །དགེ་སློང་གི་དགེ་འདུན་རྣམས་ཀྱིས་མཚམས་མེད་པ་གསུམ་གྱི་ལས་བྱས་པར་ཤེས་པས་རབ་ཏུ་འབྱུང་དུ་མ་གནང་ངོ་། །དེ་ལྟར་རབ་ཏུ་འབྱུང་དུ་མ་གནང་བས་ཤིན་ཏུ་ཁྲོས་ནས། དེའི་ནུབ་མོ་མེ་ཐོགས་ཏེ་དགེ་འདུན་གྱི་གནས་
D119.052.0310a01.01ཁང་ལ་མེ་བཏང་ངོ་། །དེའི་འོག་ཏུ་རྒྱལ་པོའི་ཁབ་ཏུ་སོང་ནས་དེ་བཞིན་གཤེགས་པ་གང་ན་བར་ཕྱིན་པ་དང་། དེ་བཞིན་གཤེགས་པ་ལ་རབ་ཏུ་འབྱུང་བར་གསོལ་ནས། དེ་བཞིན་གཤེགས་པས་རབ་ཏུ་ཕྱུང་སྟེ། དེ་ལ་ཆོས་བསྟན་པས་བགས་ཀྱིས་ཁ་ན་མ་ཐོ་བའི་སྡིག་ལྕི་བ་ཡང་བྱང་ནས་བླ་ན་མེད་པ་
D119.052.0310a02.01ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་བས་ན་སངས་རྒྱས་བཅོམ་ལྡན་འདས་ནི་བླ་ན་མེད་པའི་སྟོན་པ་ཞེས་བྱ་སྟེ། སྟོན་པ་དྲུག་ལྟ་བུ་ནི་མ་ཡིན་ནོ། །རྒྱལ་པོ་ཆེན་པོ་རྒྱལ་པོ་ནི་རང་བཞིན་གྱིས་ཁྲོ་ཞིང་གཏུམ་ལ་སྡིག་པའི་བཤེས་གཉེན་ལ་ཡིད་ཆེས་པས་དེའི་ཚེ་
D119.052.0310a03.01ལྷ་སྦྱིན་གྱིས་བལ་གླང་སྨྱོས་པ་བཏང་ནས་སངས་རྒྱས་ཀྱི་ཐོག་ཏུ་མཆོངས་པ་ལས། བལ་གླང་དེ་དག་སངས་རྒྱས་མཐོང་མ་ཐག་ཏུ་རང་དུལ་ཏེ། དེ་ལ་སངས་རྒྱས་བཅོམ་ལྡན་འདས་ཀྱིས་ཕྱག་བརྐྱང་ནས་བལ་གླང་གི་སྤྱི་བོ་ལ་བྱུགས་ཏེ། ཆོས་བསྟན་པས་དེ་དག་བླ་ན་མེད་པ་ཡང་
D119.052.0310a04.01དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །རྒྱལ་པོ་ཆེན་པོ་བྱོལ་སོང་གི་སྐྱེ་གནས་སུ་གྱུར་པ་ཡང་སངས་རྒྱས་དང་ཕྲད་མ་ཐག་ཏུ་བྱོལ་སོང་གི་སྐྱེ་གནས་སུ་གྱུར་པའི་རྣམ་པར་སྨིན་པ་ཡང་ཡོངས་སུ་བཅོམ་ན། མིའི་རྒྱུད་དུ་སྐྱེས་པ་ལྟ་ཅི་སྨོས་ཏེ། རྒྱལ་པོ་ཆེན་པོ་འདི་
D119.052.0310a05.01ལྟར་རིག་པར་གྱིས་ཤིག །གལ་ཏེ་སངས་རྒྱས་དང་ཕྲད་ན་ཁ་ན་མ་ཐོ་བའི་སྡིག་ཡོངས་སུ་འབྱང་བར་འགྱུར་རོ། །རྒྱལ་པོ་ཆེན་པོ་སངས་རྒྱས་བཅོམ་ལྡན་འདས་སྔོན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་མ་རྒྱས་པ་ན། བདུད་ཀྱི་རིས་ཚད་མེད་གྲངས་
D119.052.0310a06.01མེད་པ་བྱང་ཆུབ་སེམས་དཔའི་དྲུང་དུ་ལྷགས་སོ། །དེའི་ཚེ་བྱང་ཆུབ་སེམས་དཔས་བཟོད་པའི་སྟོབས་ཀྱིས་བདུད་སྡིག་ཏོ་ཅན་གྱི་སེམས་རབ་ཏུ་བཏུལ་ཏེ། བདུད་རྣམས་ལ་ཆོས་བསྟན་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །སངས་རྒྱས་བཅོམ་ལྡན་འདས་ལ་
D119.052.0310a07.01