完整藏文原文 · 德格版页 当前仅加载第 52 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་ན་ནན་ཏན་དུ་སྤྱོད་པས་ན་ལམ་དང་བྱང་ཆུབ་དང་མྱ་ངན་ལས་འདའ་བ་མཐོང་བར་འགྱུར་ཏེ། དེ་ནི་བྱང་ཆུབ་སེམས་དཔས་ལམ་དང་། བྱང་ཆུབ་དང་། མྱ་ངན་ལས་འདའ་བ་ཐོབ་པ་ཞེས་བྱའོ། །ལམ་གྱི་མཚན་ཉིད་ནི་ཡང་དག་པར་སྐྱེ་བའམ་འགོག་པ་མ་ཡིན་ཏེ། དེ་བས་
D119.052.0272b01.01ན་གཟུང་དུ་མེད་དོ། །རིགས་ཀྱི་བུ་ལམ་དང་ཞེས་བྱ་བ་ནི་གཟུགས་དང་། དབྱིབས་ཀྱང་མེད། བལྟར་རུང་བའམ། དཔག་ཏུ་རུང་བའམ། ཤེས་པར་རུང་བ་མ་ཡིན་མོད་ཀྱི། ཡང་དག་པར་ན་དགོས་པ་ཡོད་དོ། །རིགས་ཀྱི་བུ་དཔེར་ན་སེམས་ཅན་གྱི་སེམས་ཀྱང་གཟུགས་
D119.052.0272b02.01མ་ཡིན། རིང་པོ་མ་ཡིན། ཐུང་ངུ་མ་ཡིན། སྦོམ་པོ་མ་ཡིན། ཕྲ་མོ་མ་ཡིན། བཅིངས་པ་མ་ཡིན། གྲོལ་བ་མ་ཡིན། མཐོང་བའི་ཆོས་མ་ཡིན་མོད་ཀྱི། མེད་པ་ནི་མ་ཡིན་ནོ། །དེ་བས་ན་ངས་ཁྱིམ་བདག་སྐྱབས་མེད་ཟས་སྦྱིན་ལ་སེམས་ནི་གྲངས་ཁྱེར་གྱི་བདག་པོ་དང་འདྲའོ། །
D119.052.0272b03.01ཁྱིམ་བདག་གལ་ཏེ་སེམས་མ་བསྲུངས་ན་ལུས་དང་ངག་ཀྱང་བསྲུངས་པར་མི་འགྱུར་གྱི། སེམས་བསྲུངས་ན་ལུས་དང་ངག་ཀྱང་བསྲུངས་པར་འགྱུར་རོ། །ལུས་དང་ངག་ལེགས་པར་མ་བསྲུངས་ན་སེམས་ཅན་དག་ངན་སོང་གསུམ་དུ་ལྟུང་བར་བྱེད་དོ། །ལུས་དང་ངག་བསྲུངས་ན་
D119.052.0272b04.01སེམས་ཅན་རྣམས་ལྷ་དང་མིའི་མྱ་ངན་ལས་འདས་པ་ཐོབ་པར་འགྱུར་རོ། །དེ་ལྟར་ཐོབ་པ་ནི་ཡང་དག་པ་ཞེས་བྱའི་མ་ཐོབ་པ་ནི་ཡང་དག་པ་ཞེས་མི་བྱའོ། །རིགས་ཀྱི་བུ་ལམ་དང་བྱང་ཆུབ་དང་མྱ་ངན་ལས་འདའ་བ་ཡང་དེ་དང་འདྲ་སྟེ། ཡོད་པ་ཡང་མ་ཡིན་རྟག་པ་ཡང་མ་ཡིན་
D119.052.0272b05.01ནོ། །ཇི་སྟེ་མེད་པ་ཞིག་ཡིན་ན་ཉོན་མོངས་པ་ཐམས་ཅད་ཅིས་ཆོད་པར་འགྱུར། དེ་ལྟར་ཡོད་པས་ན་བྱང་ཆུབ་སེམས་དཔའ་ཐམས་ཅད་ཀྱིས་ཀྱང་མངོན་སུམ་དུ་གསལ་བར་མཐོང་ཞིང་ཤེས་སོ། །རིགས་ཀྱི་བུ་མཐོང་བ་ལ་རྣམ་པ་གཉིས་ཏེ། མཚན་མས་མཐོང་བ་དང་།
D119.052.0272b06.01མངོན་སུམ་དུ་གསལ་བར་མཐོང་བའོ། །དེ་ལ་ཇི་ལྟར་ན་མཚན་མས་མཐོང་བ་ཡིན་ཞེ་ན། དཔེར་ན་རྒྱང་མ་ནས་དུད་པ་མཐོང་ན་མེ་མཐོང་བ་ཞེས་བྱ་སྟེ། ཡང་དག་པར་མེ་མ་མཐོང་སྟེ། མེ་མ་མཐོང་མོད་ཀྱི་{བརྫུན་,རྫུན་}ཡང་མ་ཡིན་ནོ། །ཆུ་བྱ་མཐོང་ན་ཆུ་མཐོང་བ་ཞེས་བྱ་སྟེ་ཆུ་
D119.052.0272b07.01