完整藏文原文 · 德格版页 当前仅加载第 52 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་གནས་མ་ཡིན་ནོ། །དེ་ནི་རྡོ་རྗེ་ལྟ་བུའི་སྐུ་ཡིན་ན་ཅིའི་ཕྱིར་མི་རྟག །དེ་བས་ན་དེ་བཞིན་གཤེགས་པ་ལ་ནི་ཚེ་ཟད་པ་ཞེས་མི་བྱའོ། །དེ་བཞིན་གཤེགས་པ་ནི་ཡོངས་སུ་དག་པ་དྲི་མ་མེད་པའོ། །དེ་བཞིན་གཤེགས་པའི་སྐུ་ནི་མངལ་གྱིས་མ་གོས་པ་
D119.052.0074a01.01སྟེ། མེ་ཏོག་པུན་ད་རཱི་ཀ་ལྟར་རང་བཞིན་གྱིས་རྣམ་པར་དག་པའོ། །དེ་བཞིན་གཤེགས་པའི་རྣམ་པར་གྲོལ་བ་ཡང་དེ་དང་འདྲའོ། །རྣམ་པར་གྲོལ་བ་དེ་ཉིད་དེ་བཞིན་གཤེགས་པའོ། །དེ་བས་ན་དེ་བཞིན་གཤེགས་པ་ནི་ཡོངས་སུ་དག་ཅིང་དྲི་མ་མེད་པའོ། །གཞན་
D119.052.0074a02.01ཡང་རྣམ་པར་གྲོལ་བ་ཞེས་བྱ་བ་ནི་ཟག་པའི་རྨ་ཐམས་ཅད་ལྷག་མ་མ་ལུས་པར་ཟད་པའོ། །དེ་བཞིན་གཤེགས་པ་ཡང་དེ་དང་འདྲ་སྟེ། ཟག་པའི་རྨ་ཐམས་ཅད་མེད་དོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་རྩོད་པ་མེད་པ་སྟེ། དཔེར་ན་མི་ལྟོགས་པ་ཞིག་ཁ་
D119.052.0074a03.01ཟས་མཐོང་ན་ཤིན་ཏུ་ཆགས་པར་འགྱུར་རོ། །རྣམ་པར་གྲོལ་བ་ནི་དེ་ལྟ་མ་ཡིན་ནོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་བདེ་བ་ཞི་བའོ། །བུས་པ་མ་རབས་དག་ནི་དབང་སྒྱུར་ཆེན་པོ་ལ་བདེ་ཞིང་ཞི་བ་ཞེས་ཟེར་བ་ཚིག་དེ་ནི་{བརྫུན་,རྫུན་}ཏེ་བདེན་པ་མ་ཡིན་ནོ། །ཡང་དག་
D119.052.0074a04.01པར་བདེ་ཞིང་ཞི་བ་ནི་མཐར་རྣམ་པར་གྲོལ་བའོ། །མཐར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་རབ་ཏུ་བདེ་བའོ། །དཔེར་ན་དགྲ་མང་པོའི་གནས་ནི་བདེ་བ་མ་ཡིན་ནོ། །དགྲ་མེད་པའི་གནས་ནི་རབ་ཏུ་བདེ་བ་ཞེས་བྱའོ། །རྣམ་
D119.052.0074a05.01པར་གྲོལ་བ་ཡང་འཇིགས་པ་མེད་པས་ན་རབ་ཏུ་བདེ་བ་ཞེས་བྱའོ། །དེ་བས་ན་རབ་ཏུ་བདེ་བ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །དེ་བཞིན་གཤེགས་པ་ཞེས་བྱ་བ་ནི་ཆོས་སོ། །གཞན་ཡང་རྣམ་པར་
D119.052.0074a06.01གྲོལ་བ་ཞེས་བྱ་བ་ནི་མཉམ་པའི་ཟླ་མེད་པའོ། །མཉམ་པའི་ཟླ་མེད་པ་ཞེས་བྱ་བ་ནི་དཔེར་ན་རྒྱལ་པོ་དག་ནི་ཡུལ་ས་མཉམ་པའི་ཟླ་ཡོད་པས་མཉམ་མོ། །རྣམ་པར་གྲོལ་བ་ལ་ནི་དེ་ལྟ་བུ་མེད་དོ། །མཉམ་པའི་ཟླ་མེད་པ་ནི་དཔེར་ན་འཁོར་ལོས་སྒྱུར་བའི་རྒྱལ་པོ་ལ་ནི་མཉམ་
D119.052.0074a07.01