完整藏文原文 · 德格版页 当前仅加载第 52 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ལྟ་བུ་ཞེས་བྱའོ། །རིགས་ཀྱི་བུ་དེ་ལ་ཇི་ལྟར་ན་རྨའི་ཤ་རྨེན་ལྟ་བུ་ཞེ་ན། དཔེར་ན་མི་ཞིག་རྨ་བྱུང་སྟེ་ཤ་རྨེན་ཡོད་ན་གསོ་དགོས་ཏེ་གཏང་དུ་མི་རུང་ངོ་། །བཞག་སྟེ་མ་གསོས་ན་རྨ་ཡང་རེད་ལ་འབུ་ཡང་འཇུག་སྟེ། དེའི་རྐྱེན་གྱིས་ཚེའི་དུས་ཀྱང་
D119.052.0203a01.01བྱེད་པར་འགྱུར་རོ། །བྱིས་པ་གླེན་པའི་འདོད་པ་ལྔའི་འབྲས་བུ་ཡང་དེ་དང་འདྲ་སྟེ། འདོད་པ་ནི་རྨའི་ནང་ན་ཤ་རྨེན་ལྟ་བུ་ཡིན་པས་བརྩོན་འགྲུས་སུ་གསོ་དགོས་སོ། །འདོད་པའི་ཤ་རྨེན་མ་གསོས་ན། ཚེ་འཕོས་མ་ཐག་ཏུ་ངན་སོང་གསུམ་དུ་ལྟུང་སྟེ། བྱང་ཆུབ་
D119.052.0203a02.01སེམས་དཔའ་ནི་མ་གཏོགས་སོ། །རིགས་ཀྱི་བུ་དེ་ལ་ཇི་ལྟར་ན་རླུང་དྲག་པོ་ལྟ་བུ་ཞེ་ན། དཔེར་ན་རླུང་དྲག་པོ་ལངས་ན་རི་ཡང་རྙིལ། གད་པ་ཡང་རྡིག་ཤིང་ཡང་རྩ་བ་ནས་འདོན་ཏོ། །འདོད་པའི་རླུང་དྲག་པོ་ཡང་དེ་དང་འདྲ་སྟེ། ཕ་མ་ལ་ཡང་ངན་སེམས་སྐྱེད་
D119.052.0203a03.01ལ། ཤེས་རབ་ཆེན་པོའི་མཆོག་རི་བོ་ལ་སོགས་པའི་བླ་ན་མེད་པའི་བྱང་ཆུབ་ཀྱི་རྩ་བ་ཤིན་ཏུ་བརྟན་པ་ཡང་རྩ་ནས་འབྱིན་ཏེ། བྱང་ཆུབ་སེམས་དཔའ་ནི་མ་གཏོགས་སོ། །དེ་ལྟར་ན་རླུང་དྲག་པོ་ལྟ་བུ་ཞེས་བྱའོ། །དེ་ལ་ཇི་ལྟར་སྐར་མ་ཕོད་ལྟ་བུ་ཞེ་ན། དཔེར་
D119.052.0203a04.01ན་སྐར་མ་ཕོད་བྱུང་ན། གང་དུ་བྱུང་བའི་ཡུལ་དེར་མུ་གེ་དང་ནད་དང་འཁྲུག་པ་འབྱུང་ངོ་། །འདོད་པའི་སྐར་མ་ཕོད་ཀྱང་དེ་དང་འདྲ་སྟེ། དགེ་བའི་རྩ་བ་ཐམས་ཅད་ཀྱི་ས་བོན་གཅོད་ཅིང་བྱིས་པ་མ་རབས་དག་དབུལ་ཕོངས་པ་དང་། མུ་གེ་འབྱུང་བ་དང་། ཉོན་
D119.052.0203a05.01མོངས་པའི་ནད་སྐྱེ་བ་དང་། འཁོར་བར་འཁོར་ཞིང་སྡུག་བསྔལ་རྣམ་པ་སྣ་ཚོགས་མྱོང་བར་བྱེད་དེ། བྱང་ཆུབ་སེམས་དཔའ་ནི་མ་གཏོགས་སོ། །དེ་ལྟར་ན་སྐར་མ་ཕོད་ལྟ་བུ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་
D119.052.0203a06.01ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་ལ་གནས་པ་ན་འདོད་པའི་ཀུན་ནས་ཉོན་མོངས་པ་ལ་རྣམ་པ་འདི་དགུ་ལྟ་བུར་རྟོགས་སོ། །རིགས་ཀྱི་བུ་དེ་བས་ན་བྱིས་པ་མ་རབས་ནི་སྡུག་བསྔལ་ཡོད་ཀྱི་བདེན་པ་མེད་དོ། །ཉན་ཐོས་དང་རང་སངས་རྒྱས་ནི་
D119.052.0203a07.01