完整藏文原文 · 德格版页 当前仅加载第 52 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་རྒྱུ་དང་རྐྱེན་གྱི་མཚན་ཉིད་གཞིག་ཏུ་རུང་བས་ན་མི་རྟག་པ་ཞེས་བྱའོ། །འདི་ལྟ་སྟེ་མིག་གི་དབང་པོ་དང་། གཟུགས་དང་། སྣང་བ་དང་། བསམས་པའི་རྐྱེན་ལས་མིག་གི་རྣམ་པར་ཤེས་པ་སྐྱེ་སྟེ། རྣ་བའི་རྣམ་པར་ཤེས་པ་སྐྱེ་བ་ན་ཡང་རྐྱེན་སོ་སོ་བས།
D119.052.0218a01.01མིག་གི་རྣམ་པར་ཤེས་པའི་རྐྱེན་གྱིས་མ་ཡིན་པ་ནས་ཡིད་ཀྱི་རྣམ་པར་ཤེས་པའི་བར་དུ་སོ་སོ་བ་ཡང་དེ་བཞིན་དུ་རིག་པར་བྱའོ། །གཞན་ཡང་རིགས་ཀྱི་བུ་འདུ་བྱེད་རྣམས་ཀྱི་རྒྱུ་དང་རྐྱེན་འཇིག་པས་ན་སེམས་ནི་མི་རྟག་གོ། །འདི་ལྟ་སྟེ་མི་རྟག་པ་སྒོམ་པའི་སེམས་ཀྱང་གཞན་ལ། སྡུག་
D119.052.0218a02.01བསྔལ་བ་དང་། སྟོང་པ་ཉིད་དང་། བདག་མེད་པ་བསྒོམ་པའི་སེམས་ཀྱང་གཞན་ནོ། །ཅི་སྟེ་སེམས་རྟག་པ་ཞིག་ཡིན་ན་མི་རྟག་པ་རྟག་ཏུ་བསྒོམ་པས་ན་སྡུག་བསྔལ་བ་དང་། སྟོང་པ་ཉིད་དང་། བདག་མེད་པ་རྟོགས་པར་ཡང་མི་འགྱུར་ན། རྟག་པ་དང་། བདེ་བ་དང་། བདག་དང་།
D119.052.0218a03.01ཡོངས་སུ་དག་པ་རྟོགས་པ་ལྟ་ཅི་སྨོས་ཏེ། དོན་དེ་ལྟ་བས་ན་མུ་སྟེགས་ཅན་གྱི་ཆོས་ཀྱི་ནང་དུ་རྟག་པ་དང་། བདེ་བ་དང་། བདག་དང་ཡོངས་སུ་དག་པ་བསྡུ་མི་ནུས་སོ། །རིགས་ཀྱི་བུ་དེ་བས་ན་སེམས་ཀྱི་ཆོས་ནི་ངེས་པར་མི་རྟག་གོ། །ཡང་ན་རིགས་ཀྱི་བུ་སེམས་ཀྱི་རང་བཞིན་ཐ་དད་
D119.052.0218a04.01པའི་ཕྱིར་ན་མི་རྟག་གོ། །འདི་ལྟ་སྟེ་ཉན་ཐོས་ཀྱི་སེམས་ཀྱི་རང་བཞིན་སོ་སོ། རང་སངས་རྒྱས་ཀྱི་སེམས་ཀྱི་རང་བཞིན་སོ་སོ། སངས་རྒྱས་རྣམས་ཀྱི་སེམས་ཀྱི་རང་བཞིན་ཡང་སོ་སོ་སྟེ། མུ་སྟེགས་ཅན་ཐམས་ཅད་ཀྱི་སེམས་ནི་རྣམ་པ་གསུམ་སྟེ། རབ་ཏུ་བྱུང་བའི་སེམས་
D119.052.0218a05.01དང་ཁྱིམ་ན་གནས་པའི་སེམས་དང་། ཁྱིམ་ན་གནས་པས་དབེན་པའི་སེམས་སོ། །དབེན་པ་དང་ལྡན་པའི་སེམས་ཀྱང་གཞན་ལ། སྡུག་བསྔལ་དང་ལྡན་པའི་སེམས་ཀྱང་གཞན། བདེ་བ་ཡང་མ་ཡིན་སྡུག་བསྔལ་བ་ཡང་མ་ཡིན་པ་དང་ལྡན་པའི་སེམས་ཀྱང་གཞན། འདོད་
D119.052.0218a06.01ཆགས་དང་ལྡན་པའི་སེམས་ཀྱང་གཞན། ཞེ་སྡང་དང་ལྡན་པའི་སེམས་ཀྱང་གཞན། གཏི་མུག་དང་ལྡན་པའི་སེམས་ཀྱང་གཞན་ཏེ། མུ་སྟེགས་ཅན་ཐམས་ཅད་ཀྱི་སེམས་ཀྱི་མཚན་ཉིད་ཀྱང་གཞན་ནོ། །འདི་ལྟ་སྟེ་གཏི་མུག་དང་ལྡན་པའི་སེམས་ཀྱང་གཞན་ལ།
D119.052.0218a07.01