完整藏文原文 · 德格版页 当前仅加载第 52 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚིགས་ནི་གཅིག་ལ་གཅིག་འབྲེལ་ཏོ། །མཐུ་བོ་ཆེའི་རུས་པའི་ཚིགས་ནི་ལུ་གུ་རྒྱུད་བཞིན་གཅིག་ལ་གཅིག་འབྲེལ་ཏོ། །བྱང་ཆུབ་སེམས་དཔའི་རུས་པའི་ཚིགས་ནི་འབྲུག་འཁྱིལ་པ་ལྟར་མདུད་པ་ཅན་དུ་མཆིས་པས་དེ་བས་ན་དེའི་སྟོབས་ནི་མཆོག་ཏུ་
D119.052.0172a01.01ཆེའོ། །འཇིག་རྟེན་ཐོག་མ་མངོན་པར་ཆགས་པ་ན་རྡོ་རྗེའི་མཐའ་ལ་བརྟན་ཏེ། རྡོ་རྗེའི་གདན་སྙིང་པོ་བྱང་ཆུབ་ཀྱི་དཀྱིལ་འཁོར་དུ་མངོན་པར་བྱུང་ནས་བྱང་ཆུབ་སེམས་དཔའ་གདན་དེ་ལ་བཞུགས་ཏེ། དེ་ཉིད་ཀྱི་ཚེ་ན་སྟོབས་བཅུ་རྙེད་པར་གྱུར་ཏོ། །དེ་བཞིན་གཤེགས་
D119.052.0172a02.01པ་ནི་བྱིས་པ་ཆུང་ངུ་ལྟ་བུ་མ་ལགས་ཏེ། བྱིས་པ་ཆུང་ངུ་ནི་གླེན་ཏེ་ཤེས་པ་མ་མཆིས་ལ། སྨྲ་ཡང་མི་ཤེས་པས་ན་ཡིད་བཞིན་དུ་འགྲེ་ཞིང་ཉལ་ཡང་སུ་ཡང་མི་འཕྱ་སྟེ། དེ་བཞིན་གཤེགས་པ་ནི་ཡེ་ཤེས་ཆེན་པོ་དང་ལྡན་པས་ཐམས་ཅད་ལ་འོད་ཀྱིས་གསལ་བར་མཛད་
D119.052.0172a03.01པ་ནི་མིའི་ནང་ན་ཀླུ་ལྟ་བུ་ལགས་པས་གཟི་བརྗིད་ཆེན་པོ་དང་ལྡན་ཏེ། རྫུ་འཕྲུལ་ཆེན་པོ་མངོན་པར་རྫོགས་ནས་བླ་ན་མེད་པའི་དྲང་སྲོང་ཆེན་པོ་ཐེ་ཚོམ་གྱི་དྲ་བ་ཡོངས་སུ་བཅད་པ། འདོད་པའི་ཟུག་རྔུ་ཕྱུང་བ། སྤྱོད་ལམ་ཤིན་ཏུ་མཛེས་པ། སྤྱོད་ལམ་གྱི་དབང་དུ་གྱུར་པ། བསྙེངས་
D119.052.0172a04.01པ་མི་མངའ་བ་ལགས་ན་ཅིའི་སླད་དུ་གློ་གཡས་པ་ཕབ་སྟེ་གཟིམས་པས་འཇིག་རྟེན་དུ་བཅས་པ་ལྷ་དང་མི་ཐམས་ཅད་མི་དགའ་ཞིང་སྡུག་བསྔལ་གྱིས་གདུངས་པར་མཛད། དེ་ནས་བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ཀྱི་སྤྱན་སྔར་ཚིགས་སུ་བཅད་དེ་
D119.052.0172a05.01གསོལ་པ། ཡོན་ཏན་ཆེན་པོ་གཽ་ཏ་མ། །བཞེངས་ཏེ་དམ་ཆོས་བསྟན་དུ་གསོལ། །ཇི་ལྟར་བྱིས་པ་ཆུང་ངུ་འམ། །ནད་པ་ཉལ་བ་ལྟ་བུ་མིན། །ལྷ་མི་སྟོན་པ་ཁ་ལོ་སྒྱུར། །ཤིང་དབང་དྲུང་དུ་གཟིམས་པ་འདི། །བྱིས་པ་མ་རབས་མཐོང་ནས་སུ། །ངེས་
D119.052.0172a06.01པར་མྱ་ངན་འདའ་ཞེས་མཆི། །ཤིན་ཏུ་རྒྱས་པའི་མདོ་སྡེ་ལས། །སངས་རྒྱས་སྤྱོད་ཡུལ་ཟབ་མོ་ཡི། །དགོངས་ཏེ་གསུངས་པ་མི་ཤེས་པ། །དམུས་ལོང་ལམ་མི་མཐོང་བ་བཞིན། །བྱང་ཆུབ་སེམས་དཔའ་ཆེན་པོ་དང་། །འཇམ་དཔལ་གཞོན་ནུ་ལ་སོགས་པ། །ཟབ་
D119.052.0172a07.01