完整藏文原文 · 德格版页 当前仅加载第 52 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་ལ་བགྱི་ན། དེ་བཞིན་གཤེགས་པ་ལ་སོགས་པ་ག་ལ་ཞིག་མཆིས། སོགས་པ་ཞེས་བགྱི་བ་ནི་གསང་བའམ་སྦེད་པ་ལ་བགྱི་ན། དེ་བཞིན་གཤེགས་པ་ནི་གསུང་ལ་སེར་སྣ་མི་མངའ་བས་གསང་བ་ཞེས་བགྱིར་མི་རུང་ངོ་། །རྗེས་མི་ཆོད་ཅེས་བྱ་བ་ནི་འདི་ལྟ་
D119.052.0071b01.01སྟེ། མྱ་ངན་ལས་འདས་པའོ། །མྱ་ངན་ལས་འདས་པ་ཉི་ཟླ་དང་སྐར་མ་དང་། གཟའ་སྐར་དང་། གྲང་བ་དང་། ཚ་བ་དང་རླུང་དང་ཆར་པ་དང་། སྐྱེ་བ་དང་རྒ་བ་དང་། ན་བ་དང་འཆི་བ་དང་། སྲིད་པ་ཉི་ཤུ་ལྔ་པོ་ཡང་མ་མཆིས་ལ། མྱ་ངན་དང་སྡུག་བསྔལ་དང་། ཉོན་མོངས་པ་དང་བྲལ་བའོ། །
D119.052.0071b02.01དེ་ལྟར་མྱ་ངན་ལས་འདས་པ་ནི་དེ་བཞིན་གཤེགས་པའི་གནས་རྟག་པ་མི་འགྱུར་མི་འཕོ་བ་སྟེ། རྒྱུ་དང་རྐྱེན་དེ་ལྟ་བས་ན་དེ་བཞིན་གཤེགས་པ་ནི་ཤིང་སཱ་ལའི་དྲུང་དུ་ཡོངས་སུ་མྱ་ངན་ལས་འདའ་བ་ཆེན་པོས་ཡོངས་སུ་མྱ་ངན་ལས་འདས་སོ། །བཅོམ་ལྡན་འདས་ཀྱིས་བཀའ་
D119.052.0071b03.01སྩལ་པ། འོད་སྲུང་ཆེན་པོ་ཞེས་བྱ་བ་ནི་རང་བཞིན་ཉིད་ཡངས་ཤིང་རྒྱ་ཆེ་བའོ། །དཔེར་ན་གང་ཟག་གཅིག་ཚེ་ལོ་གྲངས་མེད་པར་ཐུབ་པས་ན་སྐྱེས་བུ་ཆེན་པོ་ཞེས་བྱའོ། །གལ་ཏེ་དམ་པའི་ཆོས་ལ་བདེ་བར་གནས་ན་མིའི་ནང་དུ་ཕུལ་དུ་གྱུར་པ་ཞེས་བྱའོ། །ངས་སྐྱེས་བུ་ཆེན་པོ་
D119.052.0071b04.01བརྒྱད་ཅེས་གསུངས་པ་གང་ཟག་གཅིག་འབའ་ཞིག་གིས་ཐོབ་པའམ། ཀུན་གྱིས་ཐོབ་པར་རུང་། གལ་ཏེ་མི་གཅིག་གིས་བརྒྱད་ཆར་ལྡན་ན། དེ་ནི་མཆོག་དང་ཕུལ་དུ་གྱུར་པ་ཞེས་བྱའོ། །མྱ་ངན་ལས་འདའ་བ་ཞེས་བྱ་བ་ནི་ཉེས་པའི་སྐྱོན་མེད་པ་སྟེ། རིགས་ཀྱི་བུ་དཔེར་ན་
D119.052.0071b05.01མི་ཞིག་དུག་མདས་ཕོག་ན། ན་བའི་སྡུག་བསྔལ་ཆེན་པོ་མྱོང་ངོ་། །དེ་གལ་ཏེ་སྨན་པ་མཁས་པ་དང་ཕྲད་ན། སྨན་པས་སྨན་བཟང་པོས་བསྐུས་པས་ན་བའི་སྡུག་བསྔལ་དང་བྲལ་ཏེ་རབ་ཏུ་བདེ་བར་འགྱུར་ལ། སྨན་པ་དེ་ཡང་གྲོང་དང་། གྲོང་ཁྱེར་དང་གྲོང་འདབ་ཏུ་རྒྱུ་ཞིང་གང་ན་
D119.052.0071b06.01རྨ་བྱུང་བའི་སྡུག་བསྔལ་བ་ཐམས་ཅད་གསོ་ཞིང་སྡུག་བསྔལ་དང་བྲལ་བར་བྱེད་དོ། །རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། མངོན་པར་སངས་རྒྱས་ནས་སྨན་པའི་རྒྱལ་པོར་གྱུར་ཏེ། འཛམ་བུའི་གླིང་ན་བསྐལ་པ་ཚད་མེད་པའི་བར་དུ་སྡུག་བསྔལ་གྱིས་རྣམ་པར་
D119.052.0071b07.01