完整藏文原文 · 德格版页 当前仅加载第 52 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཐོག་མ་མངལ་དུ་འཇུག་པ་ན་ཡང་འཇུག་པར་ཤེས། མངལ་ན་གནས་པའི་ཚེ་ཡང་གནས་པར་ཤེས། ཕྱིར་བྱུང་བའི་ཚེ་ཡང་བྱུང་བར་ཤེས་ཏེ། འདོད་ཆགས་དང་ཞེ་སྡང་གི་སེམས་ནམ་དུ་ཡང་མི་འབྱུང་མོད་ཀྱི་ས་
D119.052.0289b01.01ལ་གནས་པ་མ་ཡིན་པས་ན་བསམ་གྱིས་མི་ཁྱབ་པ་ཞེས་བྱའོ། །རིགས་ཀྱི་བུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་དཔེར་བྱར་མེད་དོ། །རིགས་ཀྱི་བུ་སེམས་ཀྱང་ཕྱོགས་དང་དཔེ་བསྐྲུན་ཅིང་བརྗོད་སླ་བ་མ་ཡིན་ནོ། །བྱང་ཆུབ་སེམས་དཔའ་སེམས་དཔའ་
D119.052.0289b02.01ཆེན་པོ་ནི་སྟོན་པའི་སློབ་དཔོན་དང་སློབ་མའི་གནས་མེད་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་གྱུར་ཏོ། །དེ་ལྟར་ཆོས་དེ་དག་ཐོས་ནས་འཇུངས་པ་མེད་པའི་སེམས་ཀྱིས་རྟག་ཏུ་སེམས་ཅན་ལ་སྟོན་ཅིང་འཆད་པས་ན་དེའི་ཕྱིར་ཡང་བསམ་གྱིས་མི་
D119.052.0289b03.01ཁྱབ་པ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལུས་ཀྱིས་ཡོངས་སུ་སྤོང་ལ་ངག་གིས་མ་ཡིན་པ་ཡང་ཡོད། ངག་གིས་ཡོངས་སུ་སྤོང་ལ་ལུས་ཀྱིས་མ་ཡིན་པ་ཡང་ཡོད། །ལུས་དང་ངག་མ་ཡིན་པས་ཡོངས་སུ་སྤོང་བ་ཡང་ཡོད་དོ། །ལུས་
D119.052.0289b04.01ཀྱིས་ཡོངས་སུ་སྤོང་བ་ཞེས་བྱ་བ་ནི་སྲོག་གཅོད་པ་དང་། མ་བྱིན་པར་ལེན་པ་དང་། མི་ཚངས་པར་སྤྱོད་པ་སྟེ། ངག་གིས་མ་ཡིན། ངག་གིས་ཡོངས་སུ་སྤོང་བ་ནི་{བརྫུན་,རྫུན་}དུ་སྨྲ་བ་དང་། ཕྲ་མ་དང་། ངག་རྩུབ་པོ་སྨྲ་བ་དང་། ཚིག་ཐུན་ཚགས་སྨྲ་བ་སྟེ། ངག་གིས་ཡོངས་སུ་སྤོང་བ་
D119.052.0289b05.01ཡིན་གྱི། ལུས་ཀྱིས་མ་ཡིན། ལུས་དང་ངག་མ་ཡིན་པས་ཡོངས་སུ་སྤོང་བ་ནི་འདོད་ཆགས་དང་ཞེ་སྡང་དང་ངན་པར་ལྟ་བའོ། །རིགས་ཀྱི་བུ་དེ་ནི་ལུས་ཀྱང་མ་ཡིན། ངག་ཀྱང་མ་ཡིན་པ་ཡོངས་སུ་སྤོང་བ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་
D119.052.0289b06.01ནི་ཆོས་གཅིག་ཙམ་ལ་ཡང་ལུས་ཀྱིས་སམ། ལས་ཀྱིས་སམ། བདག་པོས་ཡོངས་སུ་སྤོང་བར་མི་ལྟ་སྟེ། ཡོངས་སུ་སྤོང་བ་ཡང་ཡོད་པས་དེའི་ཕྱིར་ཡང་བསམ་གྱིས་མི་ཁྱབ་པ་ཞེས་བྱ་སྟེ། ངག་ཀྱང་དེ་བཞིན་དུ་རིག་པར་བྱའོ། །རིགས་ཀྱི་བུ་ལུས་ལས་ལུས་ཀྱིས་སྤོང་བ་དང་།
D119.052.0289b07.01