完整藏文原文 · 德格版页 当前仅加载第 52 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུའི་བྱེ་མ་སྙེད་ཀྱི་ནགས་ཚལ་ལ་དབང་བའི་ལྷ་དྲི་བསུང་ལ་དགའ་བ་ཞེས་བྱ་བས་ཐོག་མར་དྲངས་སོ། །གཞན་ཡང་ཀླུང་གང་གཱ་སྟོང་གི་བྱེ་མ་སྙེད་ཀྱི་རིག་འཛིན་གྱི་རྒྱལ་པོ་རྫུ་འཕྲུལ་ཆེན་པོ་ཞེས་བྱ་བས་ཐོག་མར་དྲངས་སོ། །གཞན་ཡང་ཀླུང་གང་གཱ་འབུམ་གྱི་
D119.052.0011a01.01བྱེ་མ་སྙེད་ཀྱི་མདངས་ཟ་བའི་རྒྱལ་པོ་ཤིན་ཏུ་མཐོང་ཞེས་བྱ་བས་ཐོག་མར་དྲངས་སོ། །གཞན་ཡང་ཀླུང་གང་གཱ་ཁྲི་ཕྲག་བརྒྱའི་བྱེ་མ་སྙེད་ཀྱི་ལྷའི་བུ་མོ་འདོད་ཆགས་ཅན་ལམ་པ་དང་། ཨུར་བ་ཤི་དང་། ཏི་ལོཏྟ་མ་དང་། ཕྱིར་ཤ་ཙི་ལ་སོགས་པས་ཐོག་མར་དྲངས་སོ། །གཞན་
D119.052.0011a02.01ཡང་ཀླུང་གང་གཱ་ཁྲི་ཕྲག་སྟོང་གི་བྱེ་མ་སྙེད་ཀྱི་ས་ལ་གནས་པའི་{ཡི་དགས་,ཡི་དྭགས་}ཀྱི་རྒྱལ་པོ་གཞོག་དཀར་ཞེས་བྱ་བས་ཐོག་མར་དྲངས་སོ། །གཞན་ཡང་ཀླུང་གང་གཱ་འབུམ་ཕྲག་བཅུའི་བྱེ་མ་སྙེད་ཀྱི་ལྷའི་སྲས་པོ་རྣམས་དང་། ལྷའི་རྒྱལ་པོ་ལ་ཕྱོགས་བཞིའི་མགོན་པོས་ཐོག་མར་དྲངས་སོ། །
D119.052.0011a03.01གཞན་ཡང་ཀླུང་གང་གཱ་འབུམ་ཕྲག་བཅུའི་བྱེ་མ་སྙེད་ཀྱི་ཀླུང་གི་ལྷས་ནི་ཕྱོགས་བཞི་ནས་ས་ལས་སྐྱེས་པའི་མེ་ཏོག་དུས་དང་དུས་མ་ཡིན་པ་རྣམས་སཱ་ལའི་ཤིང་དྲུང་དུ་ཆལ་པར་བཀང་ངོ་། །གཞན་ཡང་ཀླུང་གང་གཱ་འབུམ་ཕྲག་བཅུའི་བྱེ་མ་སྙེད་ཀྱི་རླུང་དང་ཆར་ལ་དབང་བའི་ལྷ་རྣམས་
D119.052.0011a04.01ནི་འདི་སྙམ་དུ་བདག་ཅག་གིས་དེ་བཞིན་གཤེགས་པ་མྱ་ངན་ལས་འདས་ནས་ཞུགས་ལ་བཞེན་པ་ན་ཆར་རབ་ཏུ་ཕབ་སྟེ་དུས་སུ་མེ་ཞི་བར་བྱ་བ་དང་། འཁོར་གྱི་དཀྱིལ་འཁོར་ལས་ཚ་བས་གདུངས་པ་རྣམས་ཀྱང་ཤིན་ཏུ་བསིལ་བར་བྱའོ་སྙམ་དུ་སེམས་སོ། །གཞན་ཡང་ཀླུང་གང་གཱ་
D119.052.0011a05.01ཉི་ཤུའི་བྱེ་མ་སྙེད་ཀྱི་སྤོས་ཀྱི་བལ་གླང་ཆེན་པོ་བལ་གླང་གི་རྒྱལ་པོ་ལ་ཧུ་དང་། བལ་གླང་གི་རྒྱལ་པོ་གསེར་ཅན་དང་། བལ་གླང་གི་རྒྱལ་པོ་མངར་བའི་རོ་དང་། བལ་གླང་གི་རྒྱལ་པོ་མཐོན་མཐིང་མིག་དང་། བལ་གླང་གི་རྒྱལ་པོ་བསུང་ཅན་ལ་སོགས་པས་ཐོག་མར་དྲངས་ཏེ།
D119.052.0011a06.01དེ་དག་ཐམས་ཅད་ཀྱང་ཐེག་པ་ཆེན་པོ་ལ་བསྟི་སྟང་བྱེད་པ། ཐེག་པ་ཆེན་པོ་ལ་མོས་པ་ཤ་སྟག་སྟེ། དེ་དག་གིས་ཀྱང་སངས་རྒྱས་བཅོམ་ལྡན་འདས་རིང་པོར་མི་ཐོགས་པར་མྱ་ངན་ལས་འདའ་བར་ཤེས་པས་སོ་སོ་ནས་པད་མོ་བཟང་པོ་ཚད་མེད་དཔག་ཏུ་མེད་པ་ཕྱུང་སྟེ་སངས་རྒྱས་
D119.052.0011a07.01