完整藏文原文 · 德格版页 当前仅加载第 52 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་བྲལ་ཏེ། དེ་བཞིན་གཤེགས་པའི་རྡོ་རྗེའི་སྐུ་ཐོབ་པར་གྱུར་ཅིག །སེམས་ཅན་ཚད་མེད་པ་ཐམས་ཅད་ལ་སྨན་དམ་པའི་རྒྱལ་པོར་གྱུར་ཏེ་ནད་མ་རུངས་པ་ཐམས་ཅད་སེལ་བར་གྱུར་ཅིག །སེམས་ཅན་ཐམས་ཅད་སྨན་ཨ་ག་ཏ་ཐོབ་ཅིང་། སྨན་དེའི་མཐུས་གདུག་པ་
D119.052.0170b01.01ཐམས་ཅད་སེལ་བར་གྱུར་ཅིག །གཞན་ཡང་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་། མྱུར་དུ་བླ་ན་མེད་པའི་སངས་རྒྱས་ཀྱི་སྨན་རྙེད་དེ་ཉོན་མོངས་པའི་ཟུག་རྔུ་ཐམས་ཅད་བསལ་བར་གྱུར་ཅིག །གཞན་ཡང་སེམས་
D119.052.0170b02.01ཅན་ཐམས་ཅད་ཤིན་ཏུ་བརྩོན་འགྲུས་བརྩམ་པས་དེ་བཞིན་གཤེགས་པའི་རྡོ་རྗེ་ལྟ་བུའི་ཐུགས་དང་ལྡན་ཏེ་སྨན་དམ་པར་གྱུར་ནས་ནད་ཐམས་ཅད་གསོ་ཞིང་རྩོད་པའི་འདུ་ཤེས་མེད་པར་གྱུར་ཅིག །གཞན་ཡང་སེམས་ཅན་དག་སྨན་གྱི་སྡོང་པོ་ཆེན་པོར་གྱུར་ཏེ། ནད་མ་
D119.052.0170b03.01རུངས་པ་ཐམས་ཅད་བསལ་བར་གྱུར་ཅིག །གཞན་ཡང་སེམས་ཅན་ཐམས་ཅད་གདུག་པའི་ཟུག་རྔུ་ཕྱུང་ནས་དེ་བཞིན་གཤེགས་པའི་བླ་ན་མེད་པའི་འོད་ཟེར་ཐོབ་པར་གྱུར་ཅིག །གཞན་ཡང་སེམས་ཅན་ཐམས་ཅད་དེ་བཞིན་གཤེགས་པའི་ཡེ་ཤེས་ཀྱི་སྨན་ཆེན་
D119.052.0170b04.01པོའི་ཆོས་ཀྱི་གཏེར་ཤིན་ཏུ་ཟབ་མོ་ལ་འཇུག་པར་གྱུར་ཅིག་ཅེས་སྨོན་ལམ་འདེབས་སོ། །བཅོམ་ལྡན་འདས་བྱང་ཆུབ་སེམས་དཔའ་ཡང་དེ་ལྟར་བསྐལ་པ་ཚད་མེད་དཔག་ཏུ་མེད། བགྲང་དུ་མེད་པ་བརྒྱ་སྟོང་གི་བར་དུ་དེ་སྐད་ཅེས་སྨོན་ལམ་བཏབ་སྟེ། སེམས་ཅན་
D119.052.0170b05.01ཐམས་ཅད་ནད་མ་མཆིས་པར་བགྱིད་ན་ཅིའི་རྐྱེན་གྱིས་དེ་བཞིན་གཤེགས་པ་ང་ནའོ་ཞེས་བཀའ་སྩལ། བཅོམ་ལྡན་འདས་གཞན་ཡང་འཇིག་རྟེན་ན་ནད་པ་ཁ་ཅིག་ནི་འདུག་པ་དང་། ལྡང་བ་དང་། འགྲོ་བ་དང་། འགོག་ཀྱང་མི་ནུས། ཁ་ཟས་དང་། སྐོམ་ཡང་
D119.052.0170b06.01མི་ཆུད་དེ། བུ་ཚ་ལ་སྟོན་ཅིང་འཆོས་ཀྱང་མི་ནུས། འཚོ་ནམ་གྱི་ལས་བྱ་བའི་འདོམས་ཀྱང་མི་ནུས་ཏེ། དེའི་ཚེ་ན་དེའི་ཕ་མ་དང་། ཆུང་མ་དང་། བུ་དང་། འཁོར་དང་། གཉེན་བཤེས་ལ་སོགས་པ་ཐམས་ཅད་ཀྱིས་དེ་ནི་ངེས་པར་འཆི་བར་འདུ་ཤེས་སོ། །
D119.052.0170b07.01