完整藏文原文 · 德格版页 当前仅加载第 52 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་ཆོས་གོས་ཀྱང་གྱོན་ལ་ཡོངས་སུ་མ་སྤངས། ཁྲེལ་ཞིང་འཛེམ་པ་དང་འཇིགས་པའི་སེམས་དང་ཡང་ལྡན། ཤིན་ཏུ་ཡང་འགྱོད་ལ་འདི་སྙམ་དུ་ཀྱི་ཧུད་བདག་གིས་ཅིའི་ཕྱིར་ཁ་ན་མ་ཐོ་བའི་ལས་ཆེན་པོ་འདི་བྱས། ཀྱི་ཧུད་བདག་གིས་ཅིའི་ཕྱིར་སྡུག་བསྔལ་དུ་འགྱུར་བའི་
D119.052.0161b01.01ལས་འདི་བྱས་སྙམ་དུ་ཤིན་ཏུ་འགྱོད་པའི་སེམས་སྐྱེས་ལ། ཆོས་བསྲུང་བའི་སེམས་དང་ཆོས་རྣམ་པར་གཞག་པའི་སེམས་ཀྱང་བསྐྱེད་དེ། ཆོས་བཟུང་ཞིང་འཛིན་པ་ལ་མཆོད་པར་བྱེད་པ་དང་། ཐེག་པ་ཆེན་པོའི་མདོ་སྡེ་འདོན་ཅིང་ཀློག་པ་ལ་ཞུ་བ་དང་། གསོལ་བ་འདེབས་པ་དང་།
D119.052.0161b02.01བདག་ཀྱང་འཆང་བ་དང་། འཛིན་པ་དང་། ཀློག་པ་དང་། འདོན་པ་དང་། ཁོང་དུ་ཆུད་པར་བྱེད་ལ། གཞན་ལ་ཡང་རྒྱས་པར་སྟོན་ཅིང་འཆད་པའི་གང་ཟག་དེ་ནི་ཚུལ་ཁྲིམས་ངན་པ་ཅན་ཞེས་མི་བྱའོ། །དེ་ཅིའི་ཕྱིར་ཞེ་ན། རིགས་ཀྱི་བུ་འདི་ལྟ་སྟེ་དཔེར་ན་ཉི་མ་ཤར་ན་ན་
D119.052.0161b03.01བུན་དང་། ཁུག་རྣ་མི་སྣང་བའི་མུན་པ་ཀུན་སེལ་བར་འགྱུར་རོ། །ཡོངས་སུ་མྱ་ངན་ལས་འདས་པའི་མདོ་སྡེ་ཆེན་པོ་འདི་འཇིག་རྟེན་དུ་བྱུང་བ་ཡང་དེ་དང་འདྲ་སྟེ། སེམས་ཅན་གྱིས་བསྐལ་པ་ཚད་མེད་པའི་ཁ་ན་མ་ཐོ་བའི་ལས་ཅི་བྱས་པ་ཐམས་ཅད་སེལ་བར་ནུས་སོ། །དེ་བས་
D119.052.0161b04.01ན་མདོ་སྡེ་འདི་ལས་དམ་པའི་ཆོས་ཀྱི་སྐྱབས་བྱས་པ་དག་འབྲས་བུ་ཆེན་པོ་ཐོབ་པར་འགྱུར་ཏེ། ཚུལ་ཁྲིམས་ངན་པ་ཅན་དག་རྣམ་པར་དགྲོལ་ནུས་སོ་ཞེས་བཤད་པ་ཡིན་ནོ། །དེ་ལ་གང་ཞིག་དམ་པའི་ཆོས་ལ་སྐུར་ཀྱང་ཤིན་ཏུ་འགྱོད་ཅིང་འཐོལ་ལ། ཆོས་ལ་སྐྱབས་སུ་སོང་ནས་མི་
D119.052.0161b05.01དགེ་བའི་ལས་བྱས་པ་ཐམས་ཅད་དྲན་པར་བྱས་ཏེ། དཔེར་ན་མི་ཞིག་གསད་པའི་ལས་བྱས་ན་ཤིན་ཏུ་འཇིགས་པའི་སེམས་སྐྱེ་བ་ལྟར་རམ། རབ་ཏུ་ངོ་ཚ་བ་དང་ཁྲེལ་བའི་སེམས་སྐྱེས་ཏེ། དམ་པའི་ཆོས་འདི་མ་གཏོགས་པར་གཞན་གུད་ན་སྐྱབས་དང་དཔུང་གཉེན་དུ་འགྱུར་བ་
D119.052.0161b06.01མེད་དོ་སྙམ་པའི་སེམས་སྐྱེས་ཏེ། དམ་པའི་ཆོས་ལ་སྐྱབས་སུ་འགྲོ་བ་ཇི་ལྟར་བསྟན་ཅིང་གསུངས་པ་བཞིན་དུ་སྐྱབས་སུ་སོང་བའི་གང་ཟག་དེ་ལ་སྦྱིན་པ་བྱིན་ན་བསོད་ནམས་དཔག་ཏུ་མེད་པ་འཐོབ་ཅིང་འཇིག་རྟེན་གྱི་མཆོད་པའི་གནས་སུ་འགྱུར་རོ། །གང་ཞིག་དེ་ལྟར་གང་དུ་སྨོས་པའི་ཁ་
D119.052.0161b07.01