完整藏文原文 · 德格版页 当前仅加载第 52 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
རྟག་པ་མི་འགྱུར་མི་འཕོ་བ་ནི་དབང་དང་བཅས་པ་ཞེས་བགྱི་སྟེ། དེ་ཡང་ཐེག་པ་ཆེན་པོ་ཡོངས་སུ་མྱ་ངན་ལས་འདས་པ་འདི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ནི་ཤིན་ཏུ་སྨྲ་བའི་སྤོབས་པ་དང་ལྡན་ཏེ། འོན་ཀྱང་སྐད་
D119.052.0164a01.01ཅིག་སྡོད་ལ་བརྟན་པོར་ཉོན་ཅིག །འཇམ་དཔལ་དཔེར་ན་ཁྱིམ་བདག་ནད་ཀྱིས་གཟིར་ཏེ་ཤིན་ཏུ་ཉམ་ཆུང་བ་ཞིག་སྨན་པ་མཁས་པ་དང་ཕྲད་ནས་སྨན་པ་དེས་སྨན་ཨ་གས་སྦྱར་ཏེ། ནད་པ་དེ་བརྐམ་པ་ཞིག་སྟེ་མང་དུ་ཟ་འདོད་ན་དེ་ལ་སྨན་པས་འདི་སྐད་ཟེར་རོ། །ནད་པ་ཁྱོད་སྨན་
D119.052.0164a02.01ཞུ་ན་ནི་མང་དུ་ཡང་གཏང་བ་ཞིག་ན། ཁྱོད་ཉམ་ཆུང་ཞིང་རིད་དེ་མི་འཇུ་བས་མང་དུ་གཏང་དུ་མི་རུང་ངོ་། །དེ་བས་ན་སྨན་ཨ་ག་ས་འདི་ནི་བདུད་རྩི་ཞེས་ཀྱང་བྱ་ལ། དུག་ཅེས་ཀྱང་བྱའོ། །གལ་ཏེ་མང་དུ་འཐུངས་ཏེ་མ་ཞུ་ན་དུག་ཅེས་བྱའོ། །རིགས་ཀྱི་བུ་ཁྱོད་སྨན་པ་མཁས་པ་
D119.052.0164a03.01དེས་སྨྲས་པ་དེ་ལ་དོན་འགལ་ཞིང་ནོར་བའམ། སྨན་གྱི་མཐུ་མེད་པར་གྱུར་ཏོ་སྙམ་དུ་མ་སེམས་ཤིག །རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། རྒྱལ་པོ་དང་། བཙུན་མོ་དང་། རྒྱལ་བུ་དང་། བློན་པོ་ཆེན་པོ་རྣམས་དང་། རྒྱལ་པོ་རབ་ཏུ་སྡེ་ཕམ་བྱེད་དང་། རྒྱལ་
D119.052.0164a04.01བུ་དང་། བཙུན་མོ་དང་། ཕོ་བྲང་གི་སླས་ང་རྒྱལ་ཅན་དག་གི་དབང་དུ་བྱས་ཏེ། དེ་དག་གདུལ་བའི་ཕྱིར་དེ་དག་འཇིགས་ཤིང་སྐྲག་པར་བྱ་བའི་ཕྱིར་སྨན་པ་མཁས་པ་དེ་དང་འདྲ་བར་ཚིགས་སུ་བཅད་པ་འདི་དག་གསུངས་སོ། །འབབ་པའི་ཆུ་ཀླུང་ཐམས་ཅད་ནི། །ངེས་པར་གྱ་
D119.052.0164a05.01གྱུ་ཡོད་ཡང་དག །ནགས་ཚལ་གཏོགས་པ་ཐམས་ཅད་ནི། །ངེས་པར་ཤིང་དུ་གདོན་མི་ཟ། །བུད་མེད་སྨོས་པ་ཐམས་ཅད་ནི། །ཀུན་ཀྱང་གཅམ་སྒྱུ་ཡོད་དུ་ངེས། །དབང་དང་ལྡན་པ་ཐམས་ཅད་ནི། །གདོན་མི་ཟ་བར་ལོངས་སྤྱོད་ལྡན། །འཇམ་དཔལ་ཁྱོད་
D119.052.0164a06.01ཀྱིས་འདི་ལྟར་རིག་པར་བྱ་སྟེ། དེ་བཞིན་གཤེགས་པས་གསུངས་པ་ལ་ནི་འཁྲུལ་པ་མེད་དོ། །ས་ཆེན་པོ་འདི་འགྱུར་ཞིང་ལྡོག་ཀྱང་སྲིད་ཀྱི། དེ་བཞིན་གཤེགས་པས་གསུངས་པ་ལ་འཁྲུལ་པ་མེད་དོ། །དེ་བས་ན་དེ་བཞིན་གཤེགས་པས་གསུངས་པ་ཐམས་ཅད་ལྷག་
D119.052.0164a07.01