完整藏文原文 · 德格版页 当前仅加载第 52 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འབྲས་ཕྱེའི་ཁ་དོག་ཅི་འདྲ་ཞེས་དྲིས་པ་ལས། ཕ་རོལ་པོས་ཁ་བ་འདྲའོ་ཞེས་སྨྲས་ན། དམུས་ལོང་དེས་འབྲས་ཕྱེ་མའི་ཁ་དོག་ལ་གྲང་བར་འཛིན་ཏོ། །ཁ་བའི་ཁ་དོག་ཀྱང་ཅི་འདྲ་ཞེས་དྲིས་པ་ལས་ཕ་རོལ་པོས་ངང་པའི་གཤོག་པ་འདྲའོ་ཞེས་སྨྲས་ཀྱང་
D119.052.0221a01.01དམུས་ལོང་དེས་དེ་ལྟར་དཔེ་བསྟན་པ་བཞིའི་སྒོ་ནས་ཀྱང་དམུས་ལོང་དེས་འོ་མའི་ཁ་དོག་ཡང་དག་པ་ཅི་འདྲ་བ་མི་ཤེས་སོ། །མུ་སྟེགས་ཅན་དེ་དག་ཀྱང་དེ་དང་འདྲ་སྟེ། རྟག་པ་དང་། བདེ་བ་དང་། བདག་དང་། ཡོངས་སུ་དག་པ་མི་ཤེས་སོ། །རིགས་ཀྱི་བུ་དེ་བས་ན་སངས་རྒྱས་ཀྱི་
D119.052.0221a02.01ཆོས་ལ་ནི་ཡང་དག་པའི་བདེན་པ་ཡོད་ཀྱི། མུ་སྟེགས་ཅན་རྣམས་ལ་མ་ཡིན་ནོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། བམ་པོ་བཅུ་དགུ་པ། འཇམ་དཔལ་གཞོན་ནུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ངོ་མཚར་
D119.052.0221a03.01ཆེའོ། །དེ་བཞིན་གཤེགས་པ་ནི་ཡོངས་སུ་མྱ་ངན་ལས་འདའ་ཀར་བླ་ན་མེད་པའི་ཆོས་ཀྱི་འཁོར་ལོ་བསྐོར་ཏེ་ཡང་དག་པའི་བདེན་པ་རྣམ་པར་ཕྱེ་སྟེ་བསྟན་ཏོ། །བཅོམ་ལྡན་འདས་ཀྱིས་འཇམ་དཔལ་ལ་བཀའ་སྩལ་པ། ཅི་ཁྱོད་དེ་བཞིན་གཤེགས་པ་ལ་མྱ་ངན་ལས་འདའ་
D119.052.0221a04.01བར་འདུ་ཤེས་སམ། རིགས་ཀྱི་བུ་དེ་བཞིན་གཤེགས་པ་ནི་ཡང་དག་པར་ན་རྟག་པ། གནས་པ། མི་འགྱུར་བ། ཡོངས་སུ་མྱ་ངན་ལས་མ་འདས་པའོ། །རིགས་ཀྱི་བུ་དེ་ལ་གང་ཞིག་བདག་ཏུ་འཛིན་ན་དེ་ནི་སངས་རྒྱས་ཀྱི་བདག་ཅེས་བྱ་སྟེ། བླ་ན་མེད་པ་ཡང་དག་པར་
D119.052.0221a05.01རྫོགས་པའི་བྱང་ཆུབ་ཏུ་མངོན་པར་འཚང་རྒྱའོ། །བདག་ཅེས་བྱ་བ་ནི་ཆོས་ཏེ་ཆོས་ནི་བདག་གི་བའོ། །བདག་ནི་ལམ་སྟེ་ལམ་ནི་བདག་གི་བའོ། །བདག་ནི་བཅོམ་ལྡན་འདས་ཏེ་བཅོམ་ལྡན་འདས་ནི་བདག་གི་བའོ། །བདག་ནི་ཉན་ཐོས་ཏེ་ཉན་ཐོས་ནི་བདག་གི་བའོ། །
D119.052.0221a06.01བདག་གི་བ་ནི་ཆོས་སྟོན་པར་འགྱུར་ཏེ་གཞན་དག་ཉན་པར་བྱེད་དོ། །བདག་ནི་ཆོས་ཀྱི་འཁོར་ལོ་བསྐོར་ཏེ་གཞན་གྱིས་ནུས་པ་མ་ཡིན་ནོ། །དེ་བཞིན་གཤེགས་པ་ནི་དེ་ལྟ་བུར་མི་འཛིན་ཏེ། དེ་བས་ན་དེ་བཞིན་གཤེགས་པ་ནི་ཆོས་ནི་འཁོར་ལོ་མི་སྐོར་རོ། །རིགས་ཀྱི་
D119.052.0221a07.01