完整藏文原文 · 德格版页 当前仅加载第 52 函德格 342b 版页；藏文 NFD、目录标记与异常页序保留在来源切片中，重复版页行以稳定序号区分。
བཅིངས་ཏེ་ཁྲི་མོན་གྱི་ནང་དུ་བཅུག་པ་ནི་རིང་མོ་ཞིག་ན་གདོད་ཐར་ཏེ་བྱུང་ནས། སླར་ཁྱིམ་དུ་ཕ་མ་དང་། ཕུ་ནུ་དང་། བུ་དང་། ཆུང་མ་དང་། གཉེན་བཤེས་མ་མཐོང་བ་བཞིན་དུ་མྱ་ངན་ལས་འདས་པ་ཡང་དེ་དང་འདྲའོ། །རིགས་ཀྱི་བུ་ཁྱོད་འདི་སྐད་དུ་རྟེན་ཅིང་འབྲེལ་བའི་ཕྱིར་མྱ་ངན་
D119.052.0342b01.01ལས་འདས་པའི་ཆོས་ཀྱང་མི་རྟག་གོ་ཞེས་བྱ་བ་དེ་ཡང་དེ་ལྟ་མ་ཡིན་ནོ། །དེ་ཅིའི་ཕྱིར་ཞེ་ན། རིགས་ཀྱི་བུ་རྒྱུ་ལ་རྣམ་པ་ལྔ་སྟེ། ལྔ་གང་ཞེ་ན། སྐྱེ་བའི་རྒྱུ་དང་། འདུས་པའི་རྒྱུ་དང་། གནས་པའི་རྒྱུ་དང་། སྐྱེ་ཞིང་འཕེལ་བའི་རྒྱུ་དང་། རིང་བའི་རྒྱུའོ། །དེ་ལ་ཇི་ལྟར་ན་སྐྱེ་བའི་རྒྱུ་
D119.052.0342b02.01ཞེ་ན། སྐྱེ་བའི་རྒྱུ་ཞེས་བྱ་བ་ནི་ལས་དང་ཉོན་མོངས་པ་ལ་སོགས་པ་དང་། ཕྱི་རོལ་གྱི་རྩི་ཤིང་རྣམས་ཀྱི་ས་བོན་ནི་སྐྱེ་བའི་རྒྱུ་ཞེས་བྱའོ། །ཇི་ལྟར་འདུས་པའི་རྒྱུ་ཞེ་ན། ཇི་ལྟར་དགེ་བ་དང་དགེ་བའི་སེམས་འདུས་པ་དང་མི་དགེ་བ་དང་མི་དགེ་བའི་སེམས་འདུས་པ་དང་། ལུང་མི་སྟོན་
D119.052.0342b03.01པ་དང་། ལུང་མི་སྟོན་པའི་སེམས་འདུས་པ་ནི་འདུས་པའི་རྒྱུ་ཞེས་བྱའོ། །ཇི་ལྟར་གནས་པའི་རྒྱུ་ཞེ་ན། འོག་ན་ཀ་བ་ཡོད་པའི་ཕྱིར་ཁང་པ་མི་ལྟུང་བ་དང་། རི་དང་། ཆུ་དང་། ཤིང་དང་། ནགས་ཚལ་ཐམས་ཅད་ས་ཆེན་པོའི་ཕྱིར་གནས་པར་འགྱུར་བ་དང་ནང་གི་ཆེན་པོ་བཞི་དང་
D119.052.0342b04.01ཉོན་མོངས་པ་ཚད་མེད་པ་སྙེད་ཡོད་པའི་ཕྱིར་སེམས་ཅན་གནས་པར་གྱུར་པ་ནི། གནས་པའི་རྒྱུ་ཞེས་བྱའོ། །ཇི་ལྟར་སྐྱེ་ཞིང་འཕེལ་བའི་རྒྱུ་ཞེ་ན། གོས་དང་། ཟས་ལ་སོགས་པ་ལ་བརྟེན་པའི་རྐྱེན་གྱིས་སེམས་ཅན་སྐྱེ་ཞིང་འཕེལ་བ་དང་ཇི་ལྟར་ཕྱི་རོལ་གྱི་ས་བོན་མེས་མ་ཚིག་ཅིང་། བྱས་
D119.052.0342b05.01མ་ཟོས་པས། སྐྱེ་ཞིང་འཕེལ་བར་འགྱུར་བ་དང་། ཇི་ལྟར་དགེ་སྦྱོང་དང་བྲམ་ཟེ་ལ་སོགས་པ་སློབ་དཔོན་དང་། དགེ་བའི་བཤེས་གཉེན་དག་ལ་བརྟེན་པས་སྐྱེ་ཞིང་འཕེལ་བ་དང་། ཇི་ལྟར་ཕ་མའི་རྒྱུས་བུ་སྐྱེ་ཞིང་འཕེལ་བར་འགྱུར་བ་ནི་སྐྱེ་ཞིང་འཕེལ་བའི་རྒྱུ་ཞེས་བྱའོ། །ཇི་
D119.052.0342b06.01ལྟར་རིང་བའི་རྒྱུ་ཞེ་ན། དཔེར་ན་སྔགས་ཀྱི་རྒྱུས་གདོན་གྱིས་འཆི་བར་མི་ནུས་ཤིང་དུག་གིས་གནོད་པར་མི་ནུས་པ་དང་། རྒྱལ་པོ་ལ་བརྟེན་ན་རྐུན་པོས་མི་ཚུགས་པ་དང་། ཇི་ལྟར་མྱུ་གུ་ས་དང་། ཆུ་དང་། མེ་དང་། རླུང་ལ་སོགས་པ་ལ་བརྟེན་པ་དང་། ཇི་ལྟར་ཆུ་དང་།
D119.052.0342b07.01