完整藏文原文 · 德格版页 当前仅加载第 52 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བའི་སེམས་བསྒོམས་པས་ནི་མི་བདེ་བ་ཡོངས་སུ་སྤོང་བར་འགྱུར། བཏང་སྙོམས་ཀྱི་སེམས་བསྒོམས་པས་ནི་འདོད་ཆགས་དང་། ཞེ་སྡང་དང་། སེམས་ཅན་དུ་འདུ་ཤེས་པ་ཡོངས་སུ་སྤོང་བར་འགྱུར་ཏེ། དེ་བས་ན་ཡང་དག་པའི་བསམ་པ་ཞེས་བྱའོ། །
D119.052.0241a01.01གཞན་ཡང་རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་ཚད་མེད་པ་བཞིའི་སེམས་ནི་དགེ་བའི་རྩ་བ་ཐམས་ཅད་ཀྱི་གཞིར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཅི་སྟེ། སེམས་ཅན་དབུལ་ཕོངས་པ་དག་མི་མཐོང་ན་བྱམས་པ་སྐྱེ་བའི་རྒྱུ་མེད་དེ།
D119.052.0241a02.01གལ་ཏེ་བྱམས་པ་མ་སྐྱེས་ན་སྦྱིན་པ་སྦྱིན་པའི་སེམས་མི་འབྱུང་ངོ་། །སྦྱིན་པ་བྱིན་པའི་རྐྱེན་གྱིས་སེམས་ཅན་མང་པོ་བདེ་བར་འགྱུར་བ་ནི་འདི་ལྟ་སྟེ། ཟས་དང་། སྐོམ་དང་། ཐེག་པ་དང་། གོས་དང་བདུག་པ་དང་། མེ་ཏོག་དང་། གདིང་བའི་ཁྲི་སྟན་དང་། ཁང་ཁྱིམ་དང་། སྣང་
D119.052.0241a03.01བའི་མར་མེ་ལ་སོགས་པ་སྦྱིན་པ་སྟེ། དེ་ལྟར་སྦྱིན་པ་བྱིན་པ་ན་དེ་སེམས་མ་བཅིངས་ཏེ་ཆགས་པ་མི་སྐྱེ་བ་དང་། གདོན་མི་ཟ་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བསྔོས་པའོ། །དེའི་ཚེ་ན་སེམས་ཅི་ལ་ཡང་མི་ཆགས་ཤིང་འདུ་ཤེས་གཅོད་པ་དང་། རྙེད་པ་དང་གྲགས་
D119.052.0241a04.01པས་འཇིགས་པ་དང་། ལྷ་དང་མིའི་བདེ་བ་མི་ཚོལ་བ་དང་། ང་རྒྱལ་མི་སྐྱེ་བ་དང་། ལན་མི་རེ་བ་དང་། ཕ་རོལ་པོ་ལ་བསླུ་བའི་ཕྱིར་སྦྱིན་པ་སྦྱིན་པ་མ་ཡིན་པ་དང་། ལོངས་སྤྱོད་འདོད་པའི་ཕྱིར་མ་ཡིན་པ་དང་། སྦྱིན་པ་བྱིན་པ་ན་ལེན་པར་མི་ལྟ། ཚུལ་ཁྲིམས་བསྲུང་བ་དང་ཚུལ་ཁྲིམས་
D119.052.0241a05.01ངན་པ་ཅན་དང་། བསོད་ནམས་ཀྱི་ཞིང་དང་བསོད་ནམས་ཀྱི་ཞིང་མ་ཡིན་པ་དང་། བཤེས་གཉེན་དང་བཤེས་གཉེན་མ་ཡིན་པར་མི་ལྟ། སྦྱིན་པ་བྱིན་པ་ན་སྣོད་དང་སྣོད་མ་ཡིན་པར་མི་ལྟ། ཉི་མ་དང་དུས་དང་གནས་དང་། གནས་མ་ཡིན་པར་མི་ལྟ། མུ་གེ་དང་ཤིན་ཏུ་སྐྱིད་པའི་དུས་
D119.052.0241a06.01ཀྱང་མི་ལྟ། རྒྱུ་དང་འབྲས་བུར་ཡང་མི་ལྟ། སེམས་ཅན་དང་སེམས་ཅན་མ་ཡིན་པ་དང་། བསོད་ནམས་དང་བསོད་ནམས་མ་ཡིན་པར་མི་ལྟ་སྟེ། དེ་ལྟར་སྦྱིན་པ་དང་ལེན་པ་དང་ནོར་གྱི་དངོས་པོར་མི་ལྟ་བ་ནས། བར་དུ་གཅོད་པ་དང་། འབྲས་བུ་སྨིན་པའི་བར་དུ་མི་ལྟ་མོད་ཀྱི། སྦྱིན་པ་རྟག་
D119.052.0241a07.01