完整藏文原文 · 德格版页 当前仅加载第 52 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། བམ་པོ་ཉི་ཤུ་རྩ་དྲུག་པ། དེ་ནས་ཡང་བློན་པོ་བཀྲ་ཤིས་ཞེས་བྱ་བས་རྒྱལ་པོ་ཆེན་པོ་ལ་འདི་སྐད་ཅེས་གསོལ་ཏོ། །རྒྱལ་པོ་ཆེན་པོ་ཅིའི་ཕྱིར་འདི་ལྟར་ངོ་འཛུམ་གནག་ཅིང་མདོག་ཀྱང་མེད་པ་ནི་ཇི་ལྟར་ཉི་མ་ལ་མར་མེ་བཞག་པའམ། ཉིན་པར་
D119.052.0301b01.01གྱི་ཟླ་བའམ། སྲིད་སྟོར་བའི་རྒྱལ་པོའམ། ས་རུབ་པ་དང་འདྲ་བར་གྱུར། རྒྱལ་པོ་ཆེན་པོ་ལ་ནི་ད་ལྟར་ཕྱོགས་བཞི་ནས་ཕས་རྒོལ་བའི་དགྲ་ཡང་མེད་ན། ཅིའི་ཕྱིར་འདི་ལྟར་མྱ་ངན་བྱེད་ཅིང་སྡུག་བསྔལ་གྱིས་ནོན་པར་གྱུར། རྒྱལ་པོ་ཆེན་པོ་འོན་ཏེ་ལུས་སྡུག་བསྔལ་བར་གྱུར་ཏམ། འོན་ཏེ་སེམས་སྡུག་
D119.052.0301b02.01བསྔལ་བར་གྱུར། རྒྱལ་བུ་དག་རྟག་ཏུ་འདི་སྙམ་དུ་སེམས་ཏེ། བདག་ནམ་ཞིག་གི་དུས་ན་དབང་དུ་གྱུར་པའི་རྒྱལ་པོར་འགྱུར་ཞིང་ཐམས་ཅད་ལ་དབང་སྒྱུར་སྙམ་སེམས་སོ། །རྒྱལ་པོ་ཆེན་པོ་ནི་དེ་ལྟར་བསམས་པ་བཞིན་གྲུབ་སྟེ། དེ་ལྟར་ཡུལ་དབུས་གྱུར་འཆང་གི་རྒྱལ་པོར་ཡང་གྱུར་ལ།
D119.052.0301b03.01རིན་པོ་ཆེའི་གཏེར་མཛོད་མང་པོ་ཡང་དབང་བར་གྱུར་ཏེ། ཡིད་བཞིན་དུ་བདེ་བ་ལ་ལོངས་སྤྱོད་ན་འདི་ལྟར་མྱ་ངན་གྱིས་ནོན་ཅིང་སྡུག་བསྔལ་བར་མ་བྱེད་ཅིག །རྒྱལ་པོས་སྨྲས་པ། བདག་གིས་མྱ་ངན་མི་བྱ་བའི་གཏོལ་ག་ལ་ཞིག་ཡོད། བློན་པོ་ཆེན་པོ་དཔེར་ན་མི་གླེན་པ་མི་ཤེས་པ་ནི་ཟས་ལ་
D119.052.0301b04.01ཆགས་པའི་ཕྱིར་མཚོན་རྣོན་པོ་ཡང་མི་མཐོང་ངོ་། །ཟས་ཀྱི་ནང་དུ་དུག་བླུགས་ཀྱང་དུག་ཡོད་པར་མི་ཤེས་པ་དང་འདྲ་བར་བདག་ཀྱང་དེ་དང་འདྲའོ། །དཔེར་ན་ཤ་བ་རྩྭ་མཐོང་ན་རླུབས་མི་མཐོང་ངོ་། །དཔེར་ན་བྱི་བ་ཟས་ལ་ཆགས་ན་བྱི་ལ་མི་མཐོང་བ་དང་འདྲ་བར་བདག་ཀྱང་དེ་དང་འདྲ་སྟེ། ད་
D119.052.0301b05.01ལྟར་གྱི་བདེ་བ་འབའ་ཞིག་མཐོང་ནས་མ་འོངས་པའི་མི་དགེ་བའི་འབྲས་བུ་རྣམ་པར་སྨིན་པ་ནི་མ་མཐོང་ངོ་། །སྔོན་མཁས་པ་ཤེས་རབ་ཅན་ལས་འདི་སྐད་ཅེས་ཐོས་ཏེ། ཉིན་གཅིག་ཅིང་ལུས་ལ་མཚོན་ཤཀ་ཏི་སུམ་བརྒྱ་བཙུགས་ཀྱང་བླའི། ཕ་དང་མ་ལ་སྐད་ཅིག་ཙམ་ཡང་ངན་སེམས་མི་བསྐྱེད་
D119.052.0301b06.01དོ། །བདག་ནི་སེམས་ཅན་དམྱལ་བའི་མེ་ཤིན་ཏུ་འབར་བ་དང་རབ་ཏུ་ཉེ་བར་གྱུར་ན། མྱ་ངན་མི་བྱེད་པའི་གཏོལ་ག་ལ་ཞིག་ཡོད། བློན་པོ་དེས་ཡང་གསོལ་པ། སེམས་ཅན་དམྱལ་བ་ཡོད་དོ་ཞེས་རྒྱལ་པོ་ལ་སུ་ཞིག་གིས་འདི་སྐད་ཅེས་{བརྫུན་,རྫུན་}དུ་སྨྲས། དཔེར་ན་ཚེར་མ་རང་བཞིན་གྱིས་རྣོ་བ་
D119.052.0301b07.01