完整藏文原文 · 德格版页 当前仅加载第 52 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཕྱིར་ཡོངས་སུ་དག་པ་ཞེས་མི་བྱའོ། །ཡོངས་སུ་དག་པ་མ་ཡིན་པས་ན་འགྱོད་པའི་སེམས་དང་བཅས་སོ། །འགྱོད་པའི་སེམས་དང་བཅས་པས་ན་དགའ་བའི་སེམས་མེད་དོ། །དགའ་བའི་སེམས་མེད་པས་ཚིམ་པ་མེད། ཚིམ་པ་མེད་པས་
D119.052.0276a01.01བདེ་བ་མེད་དོ། །བདེ་བ་མེད་པས་མི་གཡོ་བའི་ཏིང་ངེ་འཛིན་མེད་དོ། །མི་གཡོ་བའི་ཏིང་ངེ་འཛིན་མེད་པས་ཤེས་པ་དང་ལྟ་བ་ཡང་དག་པ་མེད་དོ། །ཤེས་པ་དང་ལྟ་བ་ཡང་དག་པ་མེད་པས་འཁོར་བ་ལ་སྐྱོ་བ་མེད། འཁོར་བ་ལ་སྐྱོ་བ་མེད་པས་རྣམ་པར་གྲོལ་བར་མི་
D119.052.0276a02.01འགྱུར། རྣམ་པར་མ་གྲོལ་བས་ན་སངས་རྒྱས་ཀྱི་རང་བཞིན་མི་མཐོང་ངོ་། །སངས་རྒྱས་ཀྱི་རང་བཞིན་མི་མཐོང་བས་ཡོངས་སུ་མྱ་ངན་ལས་འདས་པ་ཆེན་པོ་མི་འཐོབ་སྟེ། དེ་ནི་འཇིག་རྟེན་གྱི་ཚུལ་ཁྲིམས་ཞེས་བྱའི་ཡོངས་སུ་དག་པ་མ་ཡིན་ནོ། །རིགས་ཀྱི་བུ་བྱང་
D119.052.0276a03.01ཆུབ་སེམས་དཔའ་སེམས་དཔའ་ཆེན་པོའི་ཡོངས་སུ་དག་པའི་ཚུལ་ཁྲིམས་ནི་ཚུལ་ཁྲིམས་ཉིད་ཀྱང་ཚུལ་ཁྲིམས་མ་ཡིན་པ། སྲིད་པ་དང་བཅས་པ་མ་ཡིན་པ་ངེས་པ། མཐར་ཕྱིན་པ། སེམས་ཅན་གྱི་དོན་དུ་འགྱུར་བ་སྟེ། དེ་ནི་བྱང་ཆུབ་སེམས་དཔའི་ཚུལ་ཁྲིམས་
D119.052.0276a04.01ཡོངས་སུ་དག་པ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ཡོངས་སུ་དག་པའི་ཚུལ་ཁྲིམས་ལ་འགྱོད་པ་མེད་པའི་སེམས་ཆེད་དུ་མ་བསྐྱེད་ཀྱང་། འགྱོད་པ་མེད་པའི་སེམས་རང་སྐྱེའོ། །རིགས་ཀྱི་བུ་དཔེར་ན་མི་ཞིག་མེ་ལོང་ཐོགས་ན་བཞིན་
D119.052.0276a05.01ཆེད་དུ་སྣང་བར་མ་བྱས་ཀྱང་བཞིན་རང་འབྱུང་ངོ་། །དཔེར་ན་ཞིང་པས་ཞིང་གཤིན་པ་ལ་ས་བོན་བཏབ་ན་མྱུ་གུ་ཆེད་དུ་མ་བསྐྱེད་ཀྱང་མྱུ་གུ་རང་སྐྱེའོ། །དཔེར་ན་མེ་མར་བཙུགས་ན་མུན་པ་ཆེད་དུ་མེད་པར་མ་བྱས་ཀྱང་མུན་པ་རང་མེད་པར་འགྱུར་རོ། །རིགས་ཀྱི་བུ་བྱང་ཆུབ་སེམས་
D119.052.0276a06.01དཔའ་སེམས་དཔའ་ཆེན་པོ་ཚུལ་ཁྲིམས་ཡོངས་སུ་དག་པར་བསྲུངས་པས་འགྱོད་པ་མེད་པའི་སེམས་རང་སྐྱེ་བ་ཡང་དེ་དང་འདྲའོ། །ཚུལ་ཁྲིམས་ཡོངས་སུ་དག་པས་རབ་ཏུ་དགའ་བའི་སེམས་ཐོབ་པར་འགྱུར་རོ། །རིགས་ཀྱི་བུ་དཔེར་ན་སྐྱེས་བུ་ངོ་བཞིན་བཟང་པོ་དང་ལྡན་
D119.052.0276a07.01