完整藏文原文 · 德格版页 当前仅加载第 52 函德格 320a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་སེམས་རྩེ་གཅིག་ཏུ་དངོས་པོ་རྣམ་པ་ཉི་ཤུ་པོ་དེ་དག་ལ་མ་བརྟགས་ན་ལེ་ལོ་དང་དྲེགས་པའི་སེམས་སྐྱེ་སྟེ། མི་དགེ་བ་ཐམས་ཅད་བྱེད་པར་འགྱུར་རོ། །རྒྱལ་པོ་མ་སྐྱེས་དགྲས་གསོལ་པ། ཇི་ལྟར་བཅོམ་ལྡན་འདས་ཀྱིས་གསུངས་པའི་དོན་བདག་གིས་འཚལ་བ་ལྟར་ན།
D119.052.0320a01.01བདག་སྔོན་དངོས་པོ་རྣམ་པ་ཉི་ཤུ་པོ་དེ་དག་ལ་མ་བརྟགས་པས་མི་དགེ་བ་མང་པོ་བགྱིས་སོ། །མི་དགེ་བ་མང་པོ་བགྱིས་པས་འཆི་བའི་འཇིགས་པ་དང་ངན་སོང་གསུམ་གྱི་འཇིགས་པ་མཆིས་པར་གྱུར་ཏོ། །བཅོམ་ལྡན་འདས་བདག་གིས་བདག་ལ་འཁུས་ཏེ། སྡིག་ལྕི་བ་འདི་ལྟ་བུ་བགྱིས་
D119.052.0320a02.01སོ། །ཡབ་རྒྱལ་པོ་ནོངས་པ་མ་མཆིས་པར་བཀུམ་མོ། །དངོས་པོ་ཉི་ཤུ་པོ་དེ་དག་རྟོགས་ཀྱང་རུང་། མ་རྟོགས་ཀྱང་རུང་སྟེ། གདོན་མི་འཚལ་བར་མཚམས་མེད་པའི་སེམས་ཅན་དམྱལ་བར་ལྟུང་བར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ཆོས་
D119.052.0320a03.01ཐམས་ཅད་ཀྱི་རང་བཞིན་དང་མཚན་ཉིད་ནི་མི་རྟག་པ་དང་མ་ངེས་པ་ཡིན་ན་ཅི་སྟེ་རྒྱལ་པོ་ཁྱོད་གདོན་མི་ཟ་བར་སེམས་ཅན་དམྱལ་བར་ལྟུང་བར་འགྱུར་ཞེས་སྨྲ། རྒྱལ་པོ་མ་སྐྱེས་དགྲས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གལ་ཏེ་ཆོས་ཐམས་ཅད་མ་ངེས་པའི་མཚན་
D119.052.0320a04.01ཉིད་ལགས་ན། བདག་གིས་བསད་པའི་ཁ་ན་མ་ཐོ་བ་ཡང་མ་ངེས་པ་ལགས་སམ། གལ་ཏེ་བསད་པ་ངེས་པ་ཞིག་ལགས་ན་ཆོས་ཐམས་ཅད་ཀྱང་མ་ངེས་པ་མ་ལགས་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ལེགས་སོ་ལེགས་སོ། །སངས་རྒྱས་
D119.052.0320a05.01བཅོམ་ལྡན་འདས་ཀྱིས་ཀྱང་ཆོས་ཐམས་ཅད་མ་ངེས་པའི་མཚན་ཉིད་དོ་ཞེས་གསུངས་ལ། རྒྱལ་པོ་ཉིད་ཀྱང་བསད་པ་ནི་མ་ངེས་པར་ཤེས་ཏེ། དེ་བས་ན་བསད་པ་ནི་མ་ངེས་པའི་མཚན་ཉིད་ཡིན་པར་རིག་པར་བྱའོ། །རྒྱལ་པོ་ཆེན་པོ་ཇི་ལྟར་ཁྱོད་ཀྱིས་སྨྲས་པ་ལྟར་ཡབ་རྒྱལ་པོ་ཉེས་པ་མེད་པར་
D119.052.0320a06.01བསད་དོ་ཞེས་བྱ་བ་དེ། དེ་ལ་ཕ་ཞེས་བྱ་བ་གང་ཡིན། སེམས་ཅན་གྱི་ཕུང་པོ་ལྔ་ལ་ཕའོ་ཞེས་འདུ་ཤེས་བསྐྱེད་དེ་ཐ་སྙད་དུ་བཏགས་པ་ཙམ་དུ་ཟད་ན། སྐྱེ་མཆེད་བཅུ་གཉིས་དང་། ཁམས་{བཅྭ་,བཅོ་}བརྒྱད་ལ་ཕ་ཞེས་བྱ་བ་གང་ཡིན། གལ་ཏེ་གཟུགས་ཕ་ཡིན་ན་ཕུང་པོ་བཞི་མ་གཏོགས་སོ། །
D119.052.0320a07.01