完整藏文原文 · 德格版页 当前仅加载第 52 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
མི་སྟོན་ཏོ། །ཅི་སྟེ་སེམས་ཅན་རྣམས་སྡིག་པའི་ལས་ཡོངས་སུ་སྤངས་ན་ངན་སོང་གསུམ་དུ་ལྟུང་བར་འགྱུར་རོ་ཞེས་བྱ་བའི་གནས་མེད་དོ། །ཡོངས་སུ་སྤངས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་ཅིང་མྱ་ངན་ལས་འདས་པ་ཆེན་པོ་འཐོབ་པར་
D119.052.0283a01.01འགྱུར་བ་ནི་གནས་ཡོད་དོ། །དེ་བས་ན་སངས་རྒྱས་དང་བྱང་ཆུབ་སེམས་དཔའ་ནི་རྟག་ཏུ་ཆོས་འདི་ཉིད་སེམས་ཅན་རྣམས་ལ་སྟོན་ཏེ། ངག་དང་ཡིད་ཀྱང་དེ་བཞིན་དུ་རིག་པར་བྱའོ། །དེ་བས་ན་སངས་རྒྱས་བཅོམ་ལྡན་འདས་ནི་བླ་ན་མེད་པ་སྟོན་པའོ། །གཞན་ཡང་སྔོན་མ་ཐོབ་པ་ཐོབ་
D119.052.0283a02.01པར་གྱུར་ལ། ཐོབ་པ་རྣམས་སེམས་ཅན་ལ་སྟོན་པ་དང་། ཐོག་མ་ནས་ཚངས་པར་མ་སྤྱད་པ་ཚངས་པར་སྤྱོད་དེ། སྤྱོད་པ་རྣམས་ཀྱང་སེམས་ཅན་ལ་སྟོན་པ་དང་། བདག་ཉིད་མ་རིག་པ་བཅོམ་པས་སེམས་ཅན་གྱི་མ་རིག་པ་འཇོམས་པ་དང་། བདག་ཉིད་ཡོངས་སུ་དག་པའི་
D119.052.0283a03.01མིག་ཐོབ་པས་སེམས་ཅན་གྱི་ལྡོངས་པའི་རབ་རིབ་བསལ་ནས་ཡོངས་སུ་དག་པའི་མིག་ཐོབ་པར་བྱེད་པ་དང་། བདག་ཉིད་བདེན་པ་གཉིས་ཤེས་པས་སེམས་ཅན་རྣམས་ལ་ཡང་བདེན་པ་གཉིས་སྟོན་པ་དང་། བདག་ཉིད་རྣམ་པར་གྲོལ་བས་སེམས་ཅན་རྣམས་ལ་རྣམ་
D119.052.0283a04.01པར་གྲོལ་བའི་ཆོས་སྟོན་པ་དང་བདག་ཉིད་མཐའ་མེད་པའི་འཁོར་བའི་ཀླུང་ལས་རྒལ་བས་སེམས་ཅན་ཐམས་ཅད་ཀྱང་དེ་ལ་སྒྲོལ་བ་དང་། བདག་ཉིད་འཇིགས་པ་མེད་པར་གྱུར་པས་སེམས་ཅན་རྣམས་ལ་འཇིགས་པ་མེད་པ་སྟོན་པ་དང་། བདག་ཉིད་ཡོངས་སུ་མྱ་ངན་ལས་
D119.052.0283a05.01འདས་པས་སེམས་ཅན་རྣམས་ལ་མྱ་ངན་ལས་འདས་པ་ཆེན་པོ་སྟོན་པ་སྟེ། དེའི་ཕྱིར་ན་སངས་རྒྱས་བཅོམ་ལྡན་འདས་ནི་བླ་ན་མེད་པ་སྟོན་པ་ཞེས་བྱའོ། །ལྷ་ཞེས་བྱ་བ་ནི་ཉིན་མོ་ཞེས་བྱ་སྟེ། ལྷ་རྣམས་ལ་ཉིན་རིང་མཚན་ཐུང་བས་ནི་ལྷ་ཞེས་བྱའོ། །གཞན་ཡང་ལྷ་ཞེས་
D119.052.0283a06.01བྱ་བ་ནི་མྱ་ངན་མེད་པ་སྟེ། རྟག་ཏུ་བདེ་བའི་ཕྱིར་ན་ལྷ་ཞེས་བྱའོ། །གཞན་ཡང་ལྷ་ཞེས་བྱ་བ་ནི་སྣང་བའི་སྒྲོན་མ་ཞེས་བྱའོ། །མུན་པ་བཅོམ་ནས་སྣང་བ་ཆེན་པོར་འགྱུར་བའི་ཕྱིར་ལྷ་ཞེས་བྱའོ། །གཞན་ཡང་སྡིག་པའི་ལས་ནག་པོ་བཅོམ་ནས་དགེ་བའི་ལས་
D119.052.0283a07.01