完整藏文原文 · 德格版页 当前仅加载第 52 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
འཐོབ་ཅིང་། །ཀུན་གྱི་རྟེན་དང་གནས་སུ་འགྱུར། །དགྲ་བཅོམ་པ་ཉིད་མ་ཡིན་པར། །དགྲ་བཅོམ་པ་དང་མཉམ་པ་ལགས། །ཇི་ལྟར་ལྷ་ཡི་བདུད་རྣམས་ཀྱིས། །བར་ཆད་བགྱིད་པ་འཚལ་བར་བགྱི། །བཅོམ་ལྡན་གསུང་དང་བདུད་ཀྱི་ཚིག །
D119.052.0040b01.01ཇི་ལྟར་རྟོགས་ཤིང་འཚལ་བར་བགྱི། །ཇི་ལྟར་ཁ་ལོ་སྒྱུར་བ་དག །དགྱེས་བཞིན་དོན་དམ་བདེན་པ་གསུངས། །ཡང་དག་དགེ་དང་ལྡན་བཞིན་དུ། །ཕྱིན་ཅི་ལོག་བཞི་སྟོན་པ་ལགས། །ཇི་ལྟར་དགེ་བའི་ལས་བགྱིད་པ། །དྲང་སྲོང་ཆེན་པོས་བཤད་དུ་གསོལ། །ཇི་ལྟར་བྱང་ཆུབ་
D119.052.0040b02.01སེམས་དཔའ་རྣམས། །ལྟ་དཀའ་ཉིད་ཀྱང་མཐོང་བར་འགྱུར། །ཇི་ལྟར་རྫོགས་པའི་དོན་ཆུད་ཅིང་། །དོན་གྱི་ཕྱེད་ཙམ་རྟོགས་པ་ལགས། །ཇི་ལྟར་འཕགས་དང་འཐུན་སྤྱོད་ཅིང་། །ས་ལ་ས་ཞེས་བྱ་ལྟ་བུ། །ཀ་ལིང་ཏེ་དང་ཉི་ཟླ་དང་། །ཕོད་དང་སྐར་
D119.052.0040b03.01ཆེན་ལྟ་བུ་ལགས། །ཇི་ལྟར་སེམས་ནི་མ་བསྐྱེད་པར། །བྱང་ཆུབ་སེམས་དཔའ་ཞེས་སུ་གདགས། །ཇི་ལྟར་འཁོར་གྱི་དཀྱིལ་འཁོར་དུ། །མི་འཇིགས་པ་ཡི་སེམས་ཐོབ་ཅིང་། །འཛམ་བུ་ཆུ་ཀླུང་གསེར་ལྟ་བུར། །སྐྱོན་དང་རྣམ་པར་བྲལ་བ་ལགས། །
D119.052.0040b04.01ཇི་ལྟར་འཇིག་རྟེན་རྙོག་མ་འདིར། །པད་མོ་བཞིན་དུ་མི་ཆགས་འགྱུར། །ཇི་ལྟར་ཀུན་ནས་ཉོན་མོངས་ཀྱང་། །ཀུན་ནས་ཉོན་མོངས་ཆགས་མི་འགྱུར། །སྨན་པ་མཁས་པས་ནད་གསོས་པ། །ནད་མི་འགོ་བ་ལྟ་བུ་ལགས། །འཁོར་བའི་རྒྱ་མཚོ་ཆེན་པོར་
D119.052.0040b05.01ནི། །ཇི་ལྟར་དེད་དཔོན་ལྟ་བུར་འགྱུར། །ཇི་ལྟར་འཁོར་བ་ཡོངས་སྤངས་པ། །སྦྲུལ་ལྤགས་རྗེ་བ་ལྟ་བུ་ལགས། །ཇི་ལྟར་དཀོན་མཆོག་གསུམ་པོ་ལ། །ཡིད་བཞིན་ལྷ་ཡི་ཤིང་ལྟ་བུ། །ཐེག་པ་གསུམ་གྱི་རིགས་མེད་ན། །ཅི་ཡི་སླད་དུ་གསུངས་པར་གྱུར། །
D119.052.0040b06.01དཔེར་ན་བདེ་བ་མ་སྐྱེས་པར། །ཇི་ལྟར་བདེ་བ་མྱོང་ཞེས་བགྱི། །ཇི་ལྟར་བྱང་ཆུབ་སེམས་དཔའ་རྣམས། །མི་ཤིགས་པ་ཡི་འཁོར་ཡང་འཐོབ། །ཇི་ལྟར་མདོངས་ཤིང་འཐོམས་པ་ཡི། །འདྲེན་པ་ཡི་ནི་མིག་ཏུ་འགྱུར། །ཇི་ལྟར་མགོ་མང་སྟོན་པ་ཡང་། །
D119.052.0040b07.01