完整藏文原文 · 德格版页 当前仅加载第 52 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡོག་པ་ནི་གསུམ་མོ། །དགྲ་བཅོམ་པ་ནི་བཞིའོ། །གང་ཟག་རྣམ་པ་བཞི་པོ་འདི་དག་འཇིག་རྟེན་དུ་བྱུང་ན། འཇིག་རྟེན་དུ་བཅས་པ་ལ་སྙིང་བརྩེ་ཞིང་འཇིག་རྟེན་དུ་བཅས་པའི་རྟེན་དང་གནས་སུ་འགྱུར་ཏེ། ལྷ་དང་མི་མང་པོ་ལ་ཕན་པ་དང་བདེ་བའི་དོན་བྱེད་པར་འགྱུར་རོ། །
D119.052.0086b01.01དེ་ལ་ཉོན་མོངས་པའི་མཚན་ཉིད་དང་ལྡན་པ་གང་ཞེ་ན། དེ་ལ་གང་ཟག་གང་ཞིག་ཚུལ་ཁྲིམས་ཡོངས་སུ་སྡོམ་ཞིང་སྤྱོད་ལམ་མི་ཉམས་པས་ཡང་དག་པའི་ཆོས་རྣམ་པར་གཞག་ནས་སངས་རྒྱས་ལས་ཇི་སྐད་དུ་ཐོས་པ་བཞིན་དུ་ཡི་གེ་དང་དོན་ལ་མཁས་ཏེ་གཞན་ལ་ཡང་རྒྱས་པར་
D119.052.0086b02.01འཆད་ཅིང་སྟོན་པ་ནི་འདི་ལྟ་སྟེ། འདོད་པ་ཉུང་བ་དང་། འདོད་པ་མང་བ་དང་། བྱང་ཆུབ་ཡིན་པ་ལ་སོགས་པ་སྐྱེས་བུ་ཆེན་པོ་ཡ་བརྒྱད་ཀྱི་ཆོས་རྒྱས་པར་སྟོན་པའོ། །གང་ཉེས་པ་བྱུང་བ་རྣམས་ཀྱང་འཐོལ་ཞིང་འགྱོད་ཚངས་བྱེད་དུ་བཅུག་ནས། ཉེས་པ་བྱང་བར་བྱེད་པ་དང་། བྱང་
D119.052.0086b03.01ཆུབ་སེམས་དཔའ་རྣམས་ཀྱི་ཐབས་དང་སྤྱོད་པ་དང་། དགོངས་ཏེ་གསུངས་པའི་ཆོས་ལ་ཤིན་ཏུ་མཁས་པ་ནི་བྱིས་པ་སོ་སོའི་སྐྱེ་བོ་ཞེས་བྱའི་སྐྱེས་བུ་ཡ་བརྒྱད་པོ་མ་ཡིན་ནོ། །སྐྱེས་བུ་ཡ་བརྒྱད་པོ་ནི་བྱིས་པ་སོ་སོའི་སྐྱེ་བོ་ཞེས་མི་བྱ་སྟེ། བྱང་ཆུབ་སེམས་དཔའ་ཞེས་བྱའི་
D119.052.0086b04.01སངས་རྒྱས་ཞེས་བྱ་བ་ནི་མ་ཡིན་ནོ། །སྐྱེས་བུ་གཉིས་པོ་ནི་རྒྱུན་དུ་ཞུགས་པ་ཞེས་བྱའོ། །ལན་ཅིག་ཕྱིར་ལྡོག་པ་ནི་ཡང་དག་པའི་ཆོས་རྙེད་དམ། ཡང་དག་པའི་ཆོས་འཛིན་ཏམ། སངས་རྒྱས་ལས་ཆོས་ཐོས་ན་ཇི་ལྟར་ཐོས་པ་བཞིན་དུ་གླེགས་བམ་དུ་འདྲི་ཞིང་འཆང་བ་དང་།
D119.052.0086b05.01ཀློག་པ་དང་། འདོན་པ་དང་། གཞན་ལ་ཡང་རྒྱས་པར་སྟོན་ཅིང་འཆད་དོ། །དེ་ཆོས་ཐོས་ནས་མི་འདྲི་བ་དང་འཆང་བ་དང་། འཛིན་པར་མི་བྱེད་པ་དང་། གཞན་ལ་ཡང་མི་འཆད་དོ། །བྲན་ཕོ་དང་བྲན་མོ་ལ་སོགས་པ་མ་བརྟགས་པའི་དངོས་པོ་དག་སངས་རྒྱས་ཀྱིས་འཆང་དུ་
D119.052.0086b06.01གནང་ངོ་ཞེས་སྨྲ་བའི་གནས་མེད་དེ། དེ་ནི་གང་ཟག་གཉིས་པོ་ཞེས་བྱ་སྟེ། གང་ཟག་དེ་ནི་གཉིས་པོ་དང་གསུམ་པོའི་ས་ཐོབ་པ་ཡང་མ་ཡིན་ལ། བྱང་ཆུབ་སེམས་དཔའ་ལུང་བསྟན་པ་ཞེས་ཀྱང་མི་བྱའོ། །གང་ཟག་གསུམ་པོ་ནི་ལན་ཅིག་ཕྱིར་མི་ལྡོག་པ་ཞེས་བྱ་སྟེ། ལན་
D119.052.0086b07.01