完整藏文原文 · 德格版页 当前仅加载第 52 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
ན་དེའི་རྒྱུ་དེའི་རྐྱེན་གྱིས་སྔར་ངས་འདི་སྐད་ཅེས་གསུངས་སོ། །གངས་ཀྱི་རི་ལ་རྩྭ་སྣུམ་པ་ཞེས་བྱ་བ་ཡོད་དེ་བས་ཟོས་ན། ཐམས་ཅད་མར་གྱི་སྙིང་པོར་འགྱུར་བ་དང་འདྲ་བར་སངས་རྒྱས་ཀྱི་རང་བཞིན་ཡང་དེ་དང་འདྲའོ། །རིགས་ཀྱི་བུ་སེམས་ཅན་བསོད་ནམས་
D119.052.0125a01.01ཆུང་བས་རྩྭ་སྣུམ་པ་ཞེས་བྱ་བ་མི་མཐོང་བ་དང་འདྲ་བར་སངས་རྒྱས་ཀྱི་རང་བཞིན་ཡང་དེ་དང་འདྲ་སྟེ། ཀུན་ནས་ཉོན་མོངས་པས་ཁེབས་པས་སེམས་ཅན་རྣམས་ཀྱིས་མི་མཐོང་ངོ་། །འདི་ལྟ་སྟེ་དཔེར་ན་རྒྱ་མཚོའི་རོ་གཅིག་ཏུ་ལན་ཚྭ་བྲོ་བ་ཡིན་ཡང་དེའི་ནང་ན་ཆུའི་རོ་དམ་པ་འོ་མའི་རོ་བྲོ་བ་ཡང་
D119.052.0125a02.01ཡོད་དོ། །དཔེར་ན་གངས་ཀྱི་རི་ནི་ཡོན་ཏན་སྣ་ཚོགས་དང་ལྡན་ཏེ། སྨན་བཟང་པོ་ཤ་སྟག་སྐྱེ་ཡང་དེ་ལ་དུག་ཀྱང་མི་སྐྱེ་བ་མ་ཡིན་ནོ། །སོ་སོའི་སྐྱེ་བོའི་ལུས་ཀྱང་དེ་དང་འདྲ་སྟེ་སྦྲུལ་གདུག་པ་བཞི་དང་བཅས་པ་ཡིན་མོད་ཀྱི། དེ་ལ་སྨན་བཟང་པོ་རྒྱལ་པོ་ལྟ་བུ་ཡང་ཡོད་པ་ནི་འདི་ལྟ་སྟེ། སངས་
D119.052.0125a03.01རྒྱས་ཀྱི་རང་བཞིན་འདུས་བྱས་པའི་ཆོས་མ་ཡིན་པ་སྟེ། ཀུན་ནས་ཉོན་མོངས་པས་བསྒྲིབས་པར་གྱུར་ཏོ། །དེ་ལ་གང་རྒྱལ་རིགས་སམ། བྲམ་ཟེའམ། རྗེའུ་རིགས་སམ། དམངས་རིགས་ཀྱིས་ཉོན་མོངས་པ་ཀུན་བསལ་ན། སངས་རྒྱས་ཀྱི་རང་བཞིན་མཐོང་ཞིང་། བླ་ན་མེད་
D119.052.0125a04.01པའི་བྱང་ཆུབ་ཏུ་མངོན་པར་འཚང་རྒྱ་བར་འགྱུར་རོ། །འདི་ལྟ་སྟེ། དཔེར་ན་སྟེང་གི་ནམ་མཁའ་ལ་སྤྲིན་ཆགས་ཏེ་འབྲུག་གྲགས་ན་བལ་གླང་གི་མཆེ་བ་ཀུན་ལ་མེ་ཏོག་སྐྱེའོ། །ཅི་སྟེ་འབྲུག་མ་གྲགས་ན་མེ་ཏོག་ཀྱང་མི་སྐྱེ་ལ། བཏགས་པ་ཡང་མེད་དོ། །སེམས་ཅན་རྣམས་ཀྱི་སངས་
D119.052.0125a05.01རྒྱས་ཀྱི་རང་བཞིན་ཡང་དེ་དང་འདྲ་སྟེ། གལ་ཏེ་ཀུན་ནས་ཉོན་མོངས་པས་ཁེབས་ན་མཐོང་བར་མི་འགྱུར་རོ། །དེ་བས་ན་སེམས་ཅན་ལ་བདག་མེད་ཅེས་ངས་གསུངས་ཏེ། གང་གིས་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་འདི་ཐོས་ན་སངས་རྒྱས་ཀྱི་རང་བཞིན་འདི་མཐོང་བར་འགྱུར་
D119.052.0125a06.01ཏེ། བལ་གླང་གི་མཆེ་བའི་མེ་ཏོག་བཞིན་ནོ། །མདོ་སྡེ་གཞན་གྱིས་ཏིང་ངེ་འཛིན་ཐམས་ཅད་ཐོས་ཀྱང་མདོ་སྡེ་འདི་མ་ཐོས་ན་དེ་བཞིན་གཤེགས་པའི་སྙིང་པོ་དམ་པ་མི་མཐོང་སྟེ། ཇི་ལྟར་འབྲུག་མ་གྲགས་ན། བལ་གླང་གི་མཆེ་བའི་མེ་ཏོག་མི་མཐོང་བ་བཞིན་ནོ། །མདོ་སྡེ་འདི་
D119.052.0125a07.01