完整藏文原文 · 德格版页 当前仅加载第 52 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བ་མྱོང་བར་འགྱུར། །སངས་རྒྱས་རྣམས་ཀྱི་ཆོས་ཉིད་ཡིན། །དེ་བས་ངུ་བར་མི་བྱའོ། །དེ་ནས་ཙུན་དས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེ་དེ་བཞིན་ཏེ། དེ་དེ་བཞིན་ནོ། །བཅོམ་ལྡན་འདས་ཀྱིས་གསུངས་པ་བཞིན་ཏེ། བདག་
D119.052.0023a01.01འཚལ་བའི་ཤེས་རབ་ཤིན་ཏུ་ཆུང་བ་ནི་དཔེར་ན་སྦྲང་བུ་དང་འདྲ་བ་བདག་གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་གཤེགས་པའི་དོན་ཟབ་མོ་ག་ལ་རིག །བཅོམ་ལྡན་འདས་བདག་ནི་ཀླུང་ཆེན་པོ་དང་འདྲ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་
D119.052.0023a02.01ཀུན་ནས་ཉོན་མོངས་པ་དང་ཟག་པ་ཐམས་ཅད་བས་པ་འཇམ་དཔལ་གཞོན་ནུར་གྱུར་པ་ལ་སོགས་པ་དང་མཉམ་པར་གྱུར་ཏོ། །བཅོམ་ལྡན་འདས་དཔེར་ན་གསར་བུ་རབ་ཏུ་བྱུང་བ་བསྙེན་པར་མ་རྫོགས་མོད་ཀྱི། དགེ་འདུན་གྱི་གྲངས་སུ་མཆི་བ་དང་འདྲ་བར་བདག་ཀྱང་སངས་
D119.052.0023a03.01རྒྱས་དང་བྱང་ཆུབ་སེམས་དཔའ་རྣམས་ཀྱི་བྱིན་གྱི་རླབས་ཀྱིས་དེ་ལྟར་བྱང་ཆུབ་སེམས་དཔའ་ཆེན་པོ་དེ་དག་གི་གྲངས་སུ་གཏོགས་པར་གྱུར་ཏེ། དེ་བས་ན་བདག་ནི་དེ་བཞིན་གཤེགས་པ་ཡུན་དུ་འཇིག་རྟེན་ན་བཞུགས་ཤིང་། མྱ་ངན་ལས་མི་འདའ་བར་གསོལ་ལོ། །
D119.052.0023a04.01བཅོམ་ལྡན་འདས་དཔེར་ན་མི་བཀྲེས་པ་དེ་ནི་སླར་སློན་མི་གདའ་བ་སྟེ། བཅོམ་ལྡན་འདས་བདག་ཀྱང་དེ་དང་འདྲ་ན་མྱ་ངན་ལས་མི་འདའ་བར་འཇིག་རྟེན་ན་ཡུན་དུ་བཞུགས་པར་གསོལ་ལོ། །དེ་ནས་འཇམ་དཔལ་གཞོན་ནུར་གྱུར་པས་ཙུན་ད་ལ་འདི་སྐད་ཅེས་སྨྲས་སོ། །ཙུན་
D119.052.0023a05.01ད་ཁྱོད་འདི་སྐད་དུ་དེ་བཞིན་གཤེགས་པ་འཇིག་རྟེན་ན་ཡུན་དུ་བཞུགས་ཤིང་ཡོངས་སུ་མྱ་ངན་ལས་མི་འདའ་བར་གསོལ་བ། ཇི་ལྟར་མི་ཤིན་ཏུ་བཀྲེས་པ་དེ་སྐྱུག་བྲོ་མི་སྲིད་དོ་ཞེས་དེ་སྐད་མ་ཟེར་བར་ཁྱོད་འདུ་བྱེད་རྣམས་ཀྱི་མཚན་ཉིད་ལ་ཤིན་ཏུ་རྟོགས་ཤིག །དེ་ལྟར་འདུ་བྱེད་ལ་
D119.052.0023a06.01བརྟགས་ན་སྟོང་པ་ཉིད་ཀྱི་ཏིང་ངེ་འཛིན་དང་ལྡན་པར་འགྱུར་གྱིས། ཡང་དག་པའི་ཆོས་འདོད་པ་དག་དེ་ལྟ་བུའི་ཚུལ་དུ་བསླབ་པར་བྱའོ། །ཙུན་དས་འཇམ་དཔལ་ལ་སྨྲས་པ། དེ་བཞིན་གཤེགས་པ་ཞེས་བྱ་བ་ནི་ལྷ་དང་མིའི་ནང་ན་མཆོག་ཏུ་གྱུར། ཕུལ་དུ་གྱུར་ན་ཅི་དེ་བཞིན་གཤེགས་
D119.052.0023a07.01