完整藏文原文 · 德格版页 当前仅加载第 52 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
ཐག་ཏུ་ཚེ་འཕོས་ཏེ། མི་གཡོ་བ་དེ་བཞིན་གཤེགས་པའི་སངས་རྒྱས་ཀྱི་ཞིང་དུ་སྐྱེས་ནས་སངས་རྒྱས་དེའི་ཉེ་གནས་མཆོག་ཏུ་གྱུར་ཏོ། །རྒྱལ་པོ་དེའི་འཁོར་གཡུལ་དུ་ཞུགས་ཏེ་བརྒལ་བ་དང་། དགའ་སྟེ་རྗེས་སུ་ཡི་རང་བ་རྣམ་པ་ཐམས་ཅད་བྱང་ཆུབ་ཀྱི་
D119.052.0052a01.01སེམས་ལས་ཕྱིར་མི་ལྡོག་པར་གྱུར་ཏེ། ཚེ་འཕོས་ནས་ཐམས་ཅད་མི་གཡོ་བའི་སངས་རྒྱས་ཀྱི་ཞིང་དུ་སྐྱེས་སོ། །དགེ་སློང་ཡོན་ཏན་བློ་གྲོས་ཀྱང་ཕྱིས་ཚེ་འཕོས་ནས་དེ་བཞིན་དུ་མི་གཡོ་བ་དེ་བཞིན་གཤེགས་པའི་ཞིང་དུ་སྐྱེས་ཏེ། སངས་རྒྱས་བཅོམ་ལྡན་འདས་དེ་ནི་
D119.052.0052a02.01ཉན་ཐོས་ཀྱི་དགེ་འདུན་གྱི་ནང་ན་རབ་འོག་ཏུ་གྱུར་ཏོ། །དེ་བས་ན་དམ་པའི་ཆོས་ནུབ་ཅིང་ཟད་དུ་ཉེ་བ་ན་དེ་ལྟར་བསྲུང་ཞིང་བསྐྱབ་པར་བྱའོ། །འོད་སྲུང་དེའི་ཚེ་དེའི་དུས་ན་རྒྱལ་པོ་དེ་ནི་ང་ཡིན་ནོ། །ཆོས་སྨྲ་བའི་དགེ་སློང་དེ་ནི་སངས་རྒྱས་འོད་སྲུང་ཞེས་བྱ་བ་ཡིན་ནོ། །འོད་སྲུང་
D119.052.0052a03.01དམ་པའི་ཆོས་བསྲུངས་པས་དེ་ལྟ་བུ་ལ་སོགས་པ་ཚད་མེད་པའི་འབྲས་བུ་ཡང་ཐོབ་ལ། དེའི་རྒྱུ་དེའི་རྐྱེན་གྱིས་འདི་ལྟར་ང་ནི་རྣམ་པ་སྣ་ཚོགས་ཀྱི་མཚན་དང་དཔེ་བྱད་བཟང་པོ་རྣམ་པ་སྣ་ཚོགས་ཀྱིས་ཡོངས་སུ་བརྒྱན་པའི་ཆོས་ཀྱི་སྐུ་དང་། མི་ཤིགས་པའི་སྐུ་ལྷུན་གྱིས་གྲུབ་པར་
D119.052.0052a04.01གྱུར་ཏོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པའི་སྐུ་རྟག་པ་ནི་རྡོ་ལ་རི་མོ་བྲིས་པ་དང་འདྲའོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་འདི་སྐད་ཅེས་
D119.052.0052a05.01བཀའ་སྩལ་ཏོ། །རིགས་ཀྱི་བུ་དེ་ལྟ་བས་ན་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་ཤིན་ཏུ་བརྩོན་འགྲུས་བསྐྱེད་དེ། དམ་པའི་ཆོས་བསྲུང་བར་བྱའོ། །དམ་པའི་ཆོས་བསྲུངས་པའི་འབྲས་བུ་ནི་རྒྱ་ཆེ་སྟེ་ཚད་མེད་དོ། །རིགས་ཀྱི་
D119.052.0052a06.01བུ་དེ་བས་ན་ཆོས་སྲུང་བའི་དགེ་བསྙེན་དག་ལག་ན་མཚོན་ཆ་ཐོགས་ཏེ། ཆོས་སྲུང་བའི་དགེ་སློང་ལ་བསྲུང་ཞིང་བསྐྱབ་བྱའོ། །གང་ཚུལ་ཁྲིམས་ལྔ་སྲུང་བ་ཙམ་གྱིས་ཐེག་པ་ཆེན་པོའི་གང་ཟག་ཅེས་མི་བྱའི། ཚུལ་ཁྲིམས་ལྔ་མ་བསྲུངས་ཀྱང་དམ་པའི་ཆོས་སྲུང་ན་ཐེག་པ་ཆེན་
D119.052.0052a07.01