完整藏文原文 · 德格版页 当前仅加载第 52 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་དག་ནི་ཏིང་ངེ་འཛིན་གྱི་རྒྱལ་པོ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་གྱི་རྒྱལ་པོ་འདི་དག་ལ་ཞུགས་ན། གལ་ཏེ་རི་རབ་རིའི་རྒྱལ་པོ་འདི་འཇིག་པར་འདོད་ན་ཡང་བསམས་པ་བཞིན་དུ་འཇིག་གོ། །གལ་ཏེ་སྟོང་གསུམ་གྱི་སྟོང་
D119.052.0225b01.01ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་ཐམས་ཅད་ཀྱི་བསམ་པ་ཤེས་པར་འདོད་ན་ཡང་ཡིད་བཞིན་དུ་ཤེས་པར་འགྱུར་རོ། །གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གནས་པའི་སེམས་ཅན་ཐམས་ཅད་ལུས་ཀྱི་བ་སྤུའི་ཁུང་གཅིག་ཏུ་ཞུགས་པར་འདོད་
D119.052.0225b02.01ན་ཡང་ཡིད་བཞིན་དུ་འགྱུར་ཏེ། དོག་པའམ་གཟེར་བའི་སེམས་མེད་དོ། །གལ་ཏེ་སེམས་ཅན་གྲངས་མེད་པར་སྤྲུལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་གང་བར་འདོད་ན་ཡང་ཡིད་བཞིན་དུ་འགྱུར་རོ། །ཅི་སྟེ་ལུས་གཅིག་ལས་ལུས་མང་པོར་འདོད་དམ།
D119.052.0225b03.01ལུས་མང་པོ་ལས་ལུས་གཅིག་ཏུ་འདོད་ན་ཡང་ཡིད་བཞིན་དུ་འགྱུར་ཏེ། དེ་ལྟ་བུར་འགྱུར་མོད་ཀྱི། པད་མོ་ལྟར་སེམས་ཅི་ལ་ཡང་མི་ཆགས་སོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་གྱི་རྒྱལ་པོ་དེ་ལ་ཞུགས་ནས་དབང་དུ་འགྱུར་བའི་ས་
D119.052.0225b04.01ལ་ཡང་གནས་པར་འགྱུར་རོ། །བྱང་ཆུབ་སེམས་དཔའ་དབང་དུ་འགྱུར་བའི་ས་ལ་གནས་པ་ནི་དབང་དུ་འགྱུར་བའི་མཐུ་དང་ལྡན་པས་གང་ནས་གང་དུ་སྐྱེ་བར་འདོད་པ་དེ་དང་དེ་དག་ཏུ་ཡིད་བཞིན་དུ་སྐྱེ་བར་འགྱུར་རོ། །རིགས་ཀྱི་བུ་དཔེར་ན་འཁོར་ལོས་སྒྱུར་བའི་རྒྱལ་པོ་གླིང་བཞིར་འགྲོ་
D119.052.0225b05.01འདོད་ན་ཡིད་བཞིན་དུ་ཕྱིན་ཏེ་བར་དུ་གཅོད་པ་མེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དེ་དང་འདྲ་སྟེ། གང་ནས་གང་དུ་སྐྱེ་བར་འདོད་པ་དེ་དང་དེ་དག་ཏུ་ཡིད་བཞིན་དུ་སྐྱེ་བར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་གལ་
D119.052.0225b06.01ཏེ་སེམས་ཅན་དམྱལ་བ་ན་གནས་པའི་སེམས་ཅན་དག་དགེ་བའི་རྩ་བ་ལ་འཇོག་པར་འགྱུར་ན་བྱང་ཆུབ་སེམས་དཔའ་དེར་སྐྱེ་སྟེ། བྱང་ཆུབ་སེམས་དཔའ་དེར་སྐྱེ་མོད་ཀྱི། སྔོན་གྱི་ལས་ཀྱི་འབྲས་བུ་ནི་མ་ཡིན་གྱི། བྱང་ཆུབ་སེམས་དཔའ་སེམས་དཔའ་ཆེན་པོ་དབང་དུ་
D119.052.0225b07.01