完整藏文原文 · 德格版页 当前仅加载第 52 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་། སོ་སོའི་སྐྱེ་བོ་དག་ནི་ང་ལ་བུད་མེད་ཀྱི་དབང་བྱེད་དོ་སྙམ་སེམས་སོ། །ང་ཡང་འཛམ་བུའི་གླིང་འདིར་གོས་སྔོན་པོ་གྱོན་པའི་རིགས་སུ་འགྲོ་བ་བསྟན་ཏེ། དེ་ཡང་བྲན་མོར་གྱུར་པ་ཡང་དག་པའི་ཆོས་ལ་དགོད་པའི་ཕྱིར་གྱི། ང་ལ་ནི་ཡང་དག་པར་གོས་སྔོན་པོ་
D119.052.0067a01.01གྱོན་པའི་གནས་སུ་ལྷུང་བའི་ལས་མེད་པར་རིག་པར་བྱའོ། །ང་ཡང་འཛམ་བུའི་གླིང་འདིར་སློབ་དཔོན་ལྟ་བུར་བསྟན་ཏེ། བུས་པ་གཞོན་ནུ་ཤེད་མ་བྱེ་བ་ཡང་དག་པའི་ཆོས་ལ་དགོད་པའི་ཕྱིར་རོ། །ང་ཡང་འཛམ་བུའི་གླིང་འདིར་ཆང་འཐུང་བ་དང་། རྒྱལ་པོའི་གནས་དང་། ཕམ་རྒྱལ་གྱི་ཕྱིར་
D119.052.0067a02.01ཐབ་མོ་བྱས་པ་ཡང་བསྟན་ཏེ། དེ་ཡང་སེམས་ཅན་དེ་དག་གདུལ་ཞིང་བསྒྲལ་བའི་ཕྱིར་གྱི། ང་ལ་ནི་དེ་ལྟ་བུའི་ལས་ངན་པ་མེད་ཀྱང་། སོ་སོའི་སྐྱེ་བོ་དག་ནི་ང་ལ་དེ་ལྟ་བུའི་ལས་ཀྱང་བྱེད་དོ་སྙམ་སེམས་སོ། །ང་ཡང་ཡུན་རིང་པོར་དུར་ཁྲོད་ན་བྱ་རྒོད་ཀྱི་ལུས་སུ་བསྟན་ཏེ། དེ་ཡང་བྱ་ཐམས་
D119.052.0067a03.01ཅད་བསྒྲལ་བའི་ཕྱིར་གྱི། སོ་སོའི་སྐྱེ་བོ་དག་ནི་ང་ལ་ཡང་དག་པར་བྱ་རྒོད་ཀྱི་ལུས་སུ་སེམས་ཏེ། ང་ནི་ཡུན་རིང་པོ་ནས་ལས་དེ་ལྟ་བུ་དང་བྲལ་ཡང་བྱ་རྣམས་བསྒྲལ་བའི་ཕྱིར་དེ་ཡང་མངོན་པར་བསྟན་ཏོ། །ང་ཡང་འཛམ་བུའི་གླིང་འདིར་སེམས་ཅན་ཚད་མེད་པ། གདུལ་ཞིང་དམ་པའི་
D119.052.0067a04.01ཆོས་ལ་དགོད་པའི་ཕྱིར་ཁྱིམ་བདག་གི་ལུས་ཀྱང་བསྟན་ཏོ་གཞན་ཡང་རྒྱལ་པོ་དང་། བློན་པོ་དང་། རྒྱལ་བུ་དང་། བློན་པོ་ཆེན་པོར་གྱུར་ཏེ། དེ་དག་ཀུན་ཏུ་ཡང་གཙོ་བོ་དང་ཕུལ་དུ་གྱུར་ཅིང་། དམ་པའི་ཆོས་ལ་ནན་ཏན་བྱ་བའི་ཕྱིར་རྒྱལ་པོའི་ཐབས་སུ་ཡང་ཞུགས་སོ། །ང་ཡང་འཛམ་བུའི་གླིང་
D119.052.0067a05.01འདིར་ནད་ཀྱི་བསྐལ་པ་བྱུང་ནས། སེམས་ཅན་མང་པོ་ནད་ཀྱིས་རྣམ་པར་གཟིར་བ་དག་སྨན་གྱིས་གསོས་ཏེ། དེའི་འོག་ཏུ་དམ་པའི་ཆོས་བསྟན་ནས་བླ་ན་མེད་པའི་བྱང་ཆུབ་ལ་བཀོད་དེ། སོ་སོའི་སྐྱེ་བོ་དག་ནི་ནད་ཀྱི་བསྐལ་པ་བྱུང་སྙམ་སེམས་སོ། །གཞན་ཡང་འཛམ་བུའི་གླིང་འདིར་མུ་གེའི་
D119.052.0067a06.01བསྐལ་པ་བྱུང་བ་ན། དེ་དག་ཅི་འདོད་པ་བཞིན་བཟའ་བ་དང་བཏུང་བ་བྱིན་ནས་གདོད་དམ་པའི་ཆོས་བསྟན་ཏེ། བླ་ན་མེད་པའི་བྱང་ཆུབ་ལ་བཀོད་དོ། །གཞན་ཡང་འཛམ་བུའི་གླིང་འདིར་མཚོན་གྱི་བསྐལ་པ་བྱུང་བ་ན། དེ་ལ་དམ་པའི་ཆོས་བསྟན་ཏེ། དགྲར་འཁོན་དུ་འཛིན་པ་སྤངས་ནས། བླ་ན་མེད་
D119.052.0067a07.01