完整藏文原文 · 德格版页 当前仅加载第 52 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་ཏེ། ཅི་སྟེ་ཁང་པ་ནི་ནམ་མཁའ་ལ་མི་རྟེན་ཞེས་བྱ་བ་ཡང་གནས་མེད་དོ། །དེ་བས་ན་ཁང་པ་ནི་ནམ་མཁའ་ལ་གནས་ཞེའམ། ནམ་མཁའ་ལ་མི་གནས་ཞེས་བྱར་མི་རུང་ངོ་། །བྱིས་པ་སོ་སོའི་སྐྱེ་བོ་དག་ནི་ཁང་པ་ནམ་མཁའ་ལ་གནས་
D119.052.0135a01.01ཞེས་སྨྲ་མོད་ཀྱི། ནམ་མཁའ་ནི་ཡང་དག་པར་ན་གནས་མེད་དོ། །དེ་ཅིའི་ཕྱིར་ཞེ་ན། རང་བཞིན་གྱིས་གནས་པའི་ཕྱིར་རོ། །རིགས་ཀྱི་བུ་སེམས་ཀྱང་དེ་དང་འདྲ་སྟེ། ཕུང་པོ་དང་ཁམས་དང་སྐྱེ་མཆེད་ལ་གནས་ཞེའམ་མི་གནས་ཞེས་བྱར་མི་རུང་ངོ་། །
D119.052.0135a02.01འདུ་ཤེས་མེད་པའི་ལྷའི་ཚེ་ཡང་དེ་དང་འདྲ་སྟེ། དེ་བཞིན་དུ་དེ་བཞིན་གཤེགས་པའི་མྱ་ངན་ཡང་དེ་དང་འདྲའོ། །ཅི་སྟེ་མྱ་ངན་མེད་ན་ཅིའི་ཕྱིར་སེམས་ཅན་ལ་སྲས་སྒྲ་གཅན་འཛིན་དང་འདྲ་བར་གཟིགས་ཞེས་གསུངས། ཅི་སྟེ་ཡོད་ན་ཅིའི་ཕྱིར་རང་བཞིན་གྱིས་ནམ་
D119.052.0135a03.01མཁའ་དང་འདྲའོ་ཞེས་གསུངས། རིགས་ཀྱི་བུ་དཔེར་ན་སྒྱུ་མ་མཁན་ཞིག་ཁང་པ་དང་། གསོད་པ་དང་། གསོ་བ་དང་། འཆང་བ་དང་། བཏང་བ་དང་། གཞན་ཡང་གསེར་དང་། དངུལ་དང་། བཻ་དཱུརྱ་དང་། རིན་པོ་ཆེ་རྣམ་པ་སྣ་ཚོགས་
D119.052.0135a04.01དང་། ནགས་ཚལ་དང་། ཤིང་གེལ་པ་ལ་སོགས་པ་སྣ་ཚོགས་བྱས་ན་དེ་ལ་ནི་བདེན་པའི་རང་བཞིན་མེད་དོ། །དེ་བཞིན་གཤེགས་པ་ཡང་དེ་དང་འདྲ་སྟེ། འཇིག་རྟེན་པའི་རྗེས་སུ་མྱ་ངན་ལ་སོགས་པ་བསྟན་གྱི་བདེན་པ་ནི་མ་ཡིན་ནོ། །རིགས་ཀྱི་བུ་དེ་བཞིན་
D119.052.0135a05.01གཤེགས་པ་ནི་ཡོངས་སུ་མྱ་ངན་ལས་འདས་ན་དེ་ལ་མྱ་ངན་དང་སྡུག་བསྔལ་ག་ལ་ཞིག་ཡོད། གང་ཞིག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ཏེ་མི་རྟག་གོ་སྙམ་སེམས་ན་གང་ཟག་དེ་ཉིད་མྱ་ངན་དང་བཅས་པ་ཡིན་པར་རིག་པར་བྱའོ། །དེ་ལ་གང་ཞིག་དེ་
D119.052.0135a06.01བཞིན་གཤེགས་པ་མྱ་ངན་ལས་མ་འདས་ཞེའམ། རྟག་པ་གནས་པ་མི་འགྱུར་བར་སེམས་ན་གང་ཟག་དེ་ནི་མྱ་ངན་མེད་པ་སྟེ། དེ་བཞིན་གཤེགས་པ་ལ་མྱ་ངན་ཡོད་པར་རམ། མྱ་ངན་མེད་པར་ཤེས་པ་མེད་དོ། །གཞན་ཡང་རིགས་ཀྱི་བུ་དཔེར་ན་མི་མ་རབས་
D119.052.0135a07.01