完整藏文原文 · 德格版页 当前仅加载第 52 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལྔ་ཞེས་བྱ་སྟེ། བྱང་ཆུབ་སེམས་དཔའ་ནི་ལྟ་བ་ལྔ་ཡོངས་སུ་བཅད་དེ་དོན་དམ་པའི་སྟོང་པ་ཉིད་འཐོབ་པས་ན་བྱང་ཆུབ་སེམས་དཔའ་ནི་ཅི་ཡང་འཐོབ་པ་མེད་པ་ཞེས་བྱའོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། བམ་པོ་ཉི་ཤུ་རྩ་གསུམ་པ། རིགས་ཀྱི་བུ་གཞན་ཡང་ཅི་ཡང་འཐོབ་
D119.052.0269a01.01པ་མེད་པ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཅེས་བྱ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་པ་ནི་ཅི་ཡང་འཐོབ་པ་མེད་པས་བྱང་ཆུབ་སེམས་དཔའ་ནི་ཅི་ཡང་འཐོབ་པ་མེད་པ་ཞེས་བྱའོ། །འཐོབ་པ་དང་བཅས་པ་ནི་ཉན་ཐོས་དང་རང་སངས་རྒྱས་
D119.052.0269a02.01ཀྱི་བྱང་ཆུབ་སྟེ། བྱང་ཆུབ་སེམས་དཔའ་ནི་ཐེག་པ་ཆུང་ངུ་གཉིས་ཀྱི་བྱང་ཆུབ་ཡོངས་སུ་བཅད་པས་བྱང་ཆུབ་སེམས་དཔའ་ནི་ཅི་ཡང་འཐོབ་པ་མེད་པ་ཞེས་བྱའོ། །རིགས་ཀྱི་བུ་ཁྱོད་ཀྱིས་དྲིས་པ་ཡང་འཐོབ་པ་མེད་ལ། ངས་བཤད་པ་ལ་ཡང་འཐོབ་པ་མེད་དོ། །ཇི་ཙམ་དུ་ཐོབ་པར་ཡོད་པ་དེ་ནི་བདུད་ཀྱི་རིས་ཡིན་ཏེ་
D119.052.0269a03.01ངའི་ཉེ་གནས་མ་ཡིན་ནོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའི་ཐོབ་པ་མ་མཆིས་པ་བདག་ལ་བསྟན་པ་ན་སེམས་ཅན་ཚད་མེད་པ་རྣམས་མཚན་མ་དང་བཅས་པའི་སེམས་ཡོངས་སུ་སྤངས་པར་གྱུར་ཏེ། དེ་བས་ན་
D119.052.0269a04.01བདག་གིས་ཐོབ་པ་མ་མཆིས་པའི་དོན་ཞུས་པས་ཚད་མེད་པའི་སེམས་ཅན་དེ་དག་བདུད་ཀྱི་འཁོར་དུ་འགྱུར་བ་སྤངས་ནས་སངས་རྒྱས་ཀྱི་ཉེ་གནས་སུ་གྱུར་ཏོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྔར་ཤིང་སཱ་ལའི་དྲུང་ན་བཞུགས་
D119.052.0269a05.01པ་ན་ཙུན་ད་ལ་ཚིགས་སུ་བཅད་དེ་བཀའ་སྩལ་པ། །སྔོན་ནི་ཡོད་ལ་ད་ནི་མེད། །སྔོན་ནི་མེད་ལ་ད་ནི་ཡོད། །དུས་གསུམ་སྲིད་པའི་ཆོས་ཐམས་ཅད། །དེ་ལྟ་བུ་ཡི་གནས་མི་སྲིད། །ཅེས་བཅོམ་ལྡན་འདས་ཀྱིས་གསུངས་པའི་དོན་ཇི་ལྟ་བུ་ལགས། བཅོམ་ལྡན་འདས་
D119.052.0269a06.01ཀྱིས་བཀའ་སྩལ་པ། རིགས་ཀྱི་བུ་ངས་སེམས་ཅན་མང་པོ་གདུལ་བའི་ཕྱིར་ཡང་དེ་སྐད་ཅེས་གསུངས་པ་ཡིན། གཞན་ཡང་ཉན་ཐོས་དང་རང་སངས་རྒྱས་ཀྱི་ཕྱིར་ཡང་དེ་སྐད་ཅེས་གསུངས་པ་ཡིན། གཞན་ཡང་འཇམ་དཔལ་གཞོན་ནུའི་ཕྱིར་དེ་སྐད་ཅེས་གསུངས་པ་ཡིན་གྱི། ཙུན་ད་གཅིག་
D119.052.0269a07.01