完整藏文原文 · 德格版页 当前仅加载第 52 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
འཕོ་བ་ཞེས་བྱའོ། །འོད་སྲུང་གིས་ཡང་གསོལ་པ། ཅིའི་སླད་དུ་དེ་བཞིན་གཤེགས་པ་ལ་རྟག་ཏུ་གནས་པའི་ཆོས་ཅན་ཞེས་བགྱི། བཅོམ་ལྡན་འདས་ཀྱིས་གསུངས་པ་ལྟར་ན་མེ་མར་གུམ་ནས་གནས་དང་ཕྱོགས་ཀྱང་མ་མཆིས་པ་དེ་བཞིན་དུ་དེ་བཞིན་གཤེགས་པ་ཡང་དེ་
D119.052.0068a01.01དང་འདྲ་སྟེ། མྱ་ངན་ལས་འདས་ནས་གནས་དང་ཕྱོགས་མ་མཆིས་པ་ཡང་དེ་བཞིན་ནོ་ཞེས་མ་གསུངས་སམ། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། རིགས་ཀྱི་བུ་ཁྱོད་འདི་སྐད་དུ་ཇི་ལྟར་མེ་མར་ཤི་ན་གནས་དང་ཕྱོགས་མེད་པ་བཞིན་དུ་དེ་བཞིན་གཤེགས་པ་ཡང་དེ་དང་འདྲ་
D119.052.0068a02.01སྟེ། མྱ་ངན་ལས་འདས་ནས་གནས་དང་ཕྱོགས་ཀྱང་མེད་དོ། །ཞེས་མ་ཟེར་ཅིག །རིགས་ཀྱི་བུ་འདི་ལྟ་སྟེ་དཔེར་ན། སྐྱེས་པ་འམ་བུད་མེད་གཅིག་མེ་མར་འཛུགས་ན། མར་གྱི་སྣོད་ཆེ་ཆུང་ལས་མར་གྱིས་བཀང་སྟེ་འཛུགས་སོ། །ཇི་སྲིད་མར་ཡོད་ཀྱི་བར་དུ་ནི་སྣང་བ་ཡང་ཡོད་དོ། །ཅི་སྟེ་མར་ཟད་
D119.052.0068a03.01ན་སྣང་བ་ཡང་མེད་པར་འགྱུར་རོ། །སྣང་བ་མེད་པར་གྱུར་པ་ནི་ཉོན་མོངས་པ་ཟད་པ་ལྟ་བུའོ། །སྣང་བ་ཟད་དེ་མེད་པར་སོང་ཡང་མེ་མར་གྱི་སྣོད་མེད་པར་འགྱུར་བ་མ་ཡིན་ཏེ། དེ་བཞིན་གཤེགས་པ་ཡང་དེ་དང་འདྲ་སྟེ། ཉོན་མོངས་པ་ཟད་དེ་མེད་ཀྱང་ཆོས་ཀྱི་སྐུ་ནི་རྟག་ཏུ་ཡོད་དོ། །རིགས་ཀྱི་བུ་
D119.052.0068a04.01དེ་ཁྱོད་ཀྱི་ཡིད་ལ་ཇི་སྙམ་སྣང་བ་དང་། མེ་མར་གྱི་སྣོད་ཅིག་ཅར་མེད་པར་འགྱུར་རམ། འོད་སྲུང་གིས་གསོལ་པ། མ་ལགས་སོ། །བཅོམ་ལྡན་འདས་ཅིག་ཅར་མ་མཆིས་པ་མ་ལགས་ཀྱང་མི་རྟག་པར་འདྲའོ། །ཅི་སྟེ་ཆོས་ཀྱི་སྐུ་མར་གྱི་སྣོད་དང་འདྲ་ན། མར་མེའི་སྣོད་ཀྱང་མི་
D119.052.0068a05.01རྟག་པས་ཆོས་ཀྱི་སྐུ་ཡང་དེ་དང་འདྲ་བར་མི་རྟག་པར་འགྱུར་རོ། །རིགས་ཀྱི་བུ་ཁྱོད་དེ་སྐད་ཅེས་མ་སྨྲ་ཤིག །འཇིག་རྟེན་ན་སྣོད་ཅེས་བྱ་བར་གྲགས་པ་དང་། སངས་རྒྱས་བཅོམ་ལྡན་འདས་ཀྱི་བླ་ན་མེད་པའི་ཆོས་ཀྱི་སྣོད་ཅེས་བྱ་བ་སྣོད་ནི་མི་རྟག་པ་ཡིན་ཡང་དེ་བཞིན་གཤེགས་པ་ནི་མ་ཡིན་
D119.052.0068a06.01ནོ། །ཆོས་ཐམས་ཅད་ལ་མྱ་ངན་ལས་འདའ་བ་ནི་རྟག་པ་སྟེ། དེ་བཞིན་གཤེགས་པའི་ངོ་བོ་ཉིད་ཡིན་པས་རྟག་པ་ཞེས་བྱའོ། །གཞན་ཡང་རིགས་ཀྱི་བུ་མེ་མར་ཟད་ཅེས་བྱ་བ་ནི་དགྲ་བཅོམ་པའི་མྱ་ངན་ལས་འདའ་བ་ལ་བྱའོ། །འདོད་པའི་ཉོན་མོངས་པ་ཐམས་ཅད་མེད་པར་བྱས་པས་ན་མེ་མར་
D119.052.0068a07.01