完整藏文原文 · 德格版页 当前仅加载第 52 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཡང་མ་ཡིན། ཕྱི་རོལ་ན་ཡང་མ་ཡིན་ནོ། །དེ་ཇི་ལྟ་ཞེ་ན། སངས་རྒྱས་ཀྱི་རང་བཞིན་ནི་རྟག་པ། གནས་པ། མི་འགྱུར་མི་འཕོ་བའི་ཕྱིར་རོ། །དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ནང་གི་སྟོང་པ་ཉིད་ལ་ཡོངས་སུ་རྟོག་པ་ཞེས་
D119.052.0260a01.01བྱའོ། །ཕྱི་རོལ་གྱི་སྟོང་པ་ཉིད་ཀྱང་དེ་དང་འདྲ་སྟེ། ནང་གི་ཆོས་ཅུང་ཟད་ཀྱང་མེད་པའོ། །ཕྱི་ནང་གི་སྟོང་པ་ཡང་དེ་དང་འདྲའོ། །རིགས་ཀྱི་བུ་དེ་བཞིན་གཤེགས་པ་དང་། སངས་རྒྱས་དང་། ཆོས་དང་དགེ་འདུན་དང་། སངས་རྒྱས་ཀྱི་རང་བཞིན་ནི་སྟོང་པ་
D119.052.0260a02.01གཉིས་པོ་འདི་ལ་མི་གནས་སོ། །དེ་ཅིའི་ཕྱིར་ཞེ་ན། དེ་ལྟར་རྟག་པ་དང་། བདེ་བ་དང་བདག་དང་། ཡོངས་སུ་དག་པ་དང་། ཆོས་རྣམ་པ་བཞི་པོ་འདི་དག་ནི་སྟོང་པ་ཉིད་ཅེས་མི་བྱ་སྟེ། ཕྱི་ནང་གཉིས་ཀ་སྟོང་པ་ཉིད་ཅེས་བྱའོ། །རིགས་ཀྱི་བུ་འདུས་བྱས་སྟོང་
D119.052.0260a03.01པ་ཉིད་ནི་ཇི་ཙམ་དུ་འདུས་བྱས་ཀྱི་ཆོས་ཐམས་ཅད་སྟོང་པ་ཉིད་དོ། །འདི་ལྟ་སྟེ་ནང་སྟོང་པ་ཉིད་དང་། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་དང་། རྟག་པ་དང་། བདེ་བ་དང་། བདག་དང་། ཡོངས་སུ་དག་པ་སྟོང་པ་ཉིད་དང་། སེམས་ཅན་དང་། འཚོ་བ་དང་།
D119.052.0260a04.01དེ་བཞིན་གཤེགས་པ་དང་། ཆོས་དང་དགེ་འདུན་དང་། དོན་དམ་པ་སྟོང་པ་སྟེ། དེ་ལ་སངས་རྒྱས་ཀྱི་རང་བཞིན་འདུས་བྱས་ཀྱི་ཆོས་མ་ཡིན་ཏེ། དེ་བས་ན་སངས་རྒྱས་ཀྱི་རང་བཞིན་ནི་འདུས་བྱས་ཀྱི་ཆོས་ཀྱི་སྟོང་པ་ཉིད་མ་ཡིན་པས་འདུས་བྱས་ཀྱི་སྟོང་པ་ཞེས་བྱའོ། །
D119.052.0260a05.01རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འདུས་མ་བྱས་པའི་སྟོང་པ་ལ་ཡོངས་སུ་རྟོག་པ་ཞེ་ན། འདུས་མ་བྱས་ཀྱི་ཆོས་དེ་ནི་ཐམས་ཅད་ཀྱང་སྟོང་པ་ཉིད་དོ། །འདི་ལྟ་སྟེ། མི་རྟག་པ་དང་། སྡུག་བསྔལ་བ་དང་། ཡོངས་སུ་མ་
D119.052.0260a06.01དག་པ་དང་། བདག་མེད་པ་དང་། ཕུང་པོ་དང་། ཁམས་དང་། སྐྱེ་མཆེད་དང་། སེམས་ཅན་དང་། འཚོ་བའི་མཚན་ཉིད་དང་། འདུས་བྱས་དང་། ཟག་པ་དང་བཅས་པ་དང་། ནང་གི་ཆོས་དང་། ཕྱི་རོལ་གྱི་ཆོས་སོ། །འདུས་མ་བྱས་པའི་
D119.052.0260a07.01