完整藏文原文 · 德格版页 当前仅加载第 52 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་བསྐལ་པ་ཚད་མེད་པ་མཐའ་ཡས་གྲངས་མེད་པའི་བར་དུ་ཀུན་རྫོབ་ཀྱི་བདེན་པ་ལ་ཤིན་ཏུ་ནན་ཏན་བྱས་སོ། །དེ་ལྟར་ཤིན་ཏུ་ནན་ཏན་བྱས་པས་ན་ཆོས་སོ་སོ་ཡང་དག་པར་ཤེས་པ་རྟོགས་པར་གྱུར་ཏོ། །གཞན་ཡང་
D119.052.0266b01.01བསྐལ་པ་ཚད་མེད་གྲངས་མེད་པའི་བར་དུ་དོན་དམ་པའི་བདེན་པ་ལ་ནན་ཏན་བྱས་པས་ན། དོན་སོ་སོ་ཡང་དག་པར་ཤེས་པ་ཐོབ་པར་གྱུར་ཏོ། །གཞན་ཡང་བསྐལ་པ་ཚད་མེད་མཐའ་ཡས་པའི་བར་དུ་གཙུག་ལག་བེའི་ཀ་ར་ན་ལ་ཤིན་ཏུ་ནན་ཏན་བྱས་པས་ཚིག་སོ་སོ་ཡང་དག་པར་ཤེས་པ་ཐོབ་པར་གྱུར་ཏོ། །
D119.052.0266b02.01གཞན་ཡང་བསྐལ་པ་ཚད་མེད་གྲངས་མེད་པའི་བར་དུ་འཇིག་རྟེན་གྱི་གཙུག་ལག་བསླབས་པས་སྤོབས་པ་སོ་སོ་ཡང་དག་པར་ཤེས་པ་ཐོབ་པར་གྱུར་ཏོ། །རིགས་ཀྱི་བུ་ཉན་ཐོས་དང་རང་སངས་རྒྱས་ཀྱིས་ནི་སོ་སོ་ཡང་དག་པར་ཤེས་པ་བཞི་པོ་འདི་དག་འཐོབ་པའི་གནས་མེད་དོ། །རིགས་ཀྱི་བུ་ངས་མདོ་སྡེ་དགུ་པོ་ལས།
D119.052.0266b03.01ཉན་ཐོས་དང་རང་སངས་རྒྱས་ཀྱི་སོ་སོ་ཡང་དག་པར་ཤེས་པ་བཞི་འཐོབ་པོ་ཞེས་གསུངས་ཏེ། ཉན་ཐོས་དང་རང་སངས་རྒྱས་ཀྱིས་ནི་ཡང་དག་པར་འཐོབ་པ་མེད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་ནི་སེམས་ཅན་གྱི་དོན་བྱེད་པས་སོ་སོ་ཡང་དག་པར་ཤེས་པ་བཞི་ལ་ནན་ཏན་
D119.052.0266b04.01བྱེད་དོ། །རང་སངས་རྒྱས་ལ་སོགས་པ་ནི་ཞི་བ་ཕྱོགས་གཅིག་པ་སྤྱོད་དེ་གཅིག་པུ་གནས་པ་ལ་དགའ་བས་གལ་ཏེ་སེམས་ཅན་གྱི་དོན་བྱེད་ན་ཡང་མངོན་པར་ཤེས་པ་འབའ་ཞིག་སྟོན་གྱི། རྟག་ཏུ་ཅང་མི་སྨྲ་བར་འདུག་པས་སྟོན་ཅིང་བཤད་པ་མེད་ན། སོ་སོ་ཡང་དག་པར་ཤེས་པ་བཞི་ལྟ་ཞིག་ག་ལ་ཡོད། ཅིའི་
D119.052.0266b05.01ཕྱིར་ཅང་མི་སྨྲ་བ་ལ་བསྟན་པ་མེད་ཅེ་ན། རང་སངས་རྒྱས་ཀྱིས་ཆོས་བཤད་པས་སེམས་ཅན་གྱི་དོན་བྱེད་པའམ་ཕ་རོལ་པོས་དྲོད་དང་། སྤྱི་བོ་དང་། འཇིག་རྟེན་པའི་ཆོས་ཀྱི་མཆོག་འཐོབ་པར་འགྱུར་བའམ། རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་ཕྱིར་མི་ལྡོག་པ་དང་། དགྲ་བཅོམ་པ་འཐོབ་པར་རམ། སངས་རྒྱས་འཐོབ་
D119.052.0266b06.01པར་རམ། བྱང་ཆུབ་སེམས་དཔའ་སེམས་དཔའ་ཆེན་པོ་འཐོབ་པར་བྱེད་ཀྱང་མི་ནུས་ལ། ཕ་རོལ་པོས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བྱེད་ཀྱང་མི་ནུས་སོ། །དེ་ཅིའི་ཕྱིར་ཞེ་ན། རིགས་ཀྱི་བུ་རང་སངས་རྒྱས་ལ་ནི་འཇིག་རྟེན་དང་འཇིག་རྟེན་ལས་འདས་པའི་མདོ་སྡེ་དགུ་པོ་མེད་དེ། དེ་བས་ན་རང་
D119.052.0266b07.01