完整藏文原文 · 德格版页 当前仅加载第 52 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཞིག་དེ་བཞིན་གཤེགས་པ་ཐོག་མ་བལྟམས་ནས་ཕྱོགས་བཅུར་གོམ་པ་བདུན་བདུན་གཤེགས་པར་ཡིད་མི་ཆེས་ན་དེ་ནི་བདུད་ཀྱིས་བསྟན་པ་ལ་ཞུགས་པའོ། །དེ་ལ་གང་དེ་བཞིན་གཤེགས་པ་འཇིག་རྟེན་དུ་བྱུང་ནས་ཕྱོགས་བཅུར་
D119.052.0103a01.01གོམ་པ་བདུན་བདུན་གཤེགས་ཏེ། དེ་ནི་དེ་བཞིན་གཤེགས་པས་ཐབས་སུ་བསྟན་པ་ཡིན་ནོ། །ཞེས་སྨྲ་ན་དེ་ནི་དེ་བཞིན་གཤེགས་པས་བསྟན་པའི་མདོ་སྡེ་དང་འདུལ་བ་ཡིན་ནོ། །དེ་ལ་གང་བདུད་ཀྱིས་བསྟན་པའི་རྗེས་སུ་འཇུག་པ་ནི་བདུད་ཀྱི་རིས་སུ་
D119.052.0103a02.01གཏོགས་པ་ཞེས་བྱའོ། །སངས་རྒྱས་ཀྱིས་བསྟན་པའི་རྗེས་སུ་འཇུག་པ་ནི་བྱང་ཆུབ་སེམས་དཔའ་ཞེས་བྱའོ། །དེ་ལ་གང་ཞིག་བྱང་ཆུབ་སེམས་དཔའ་ཐོག་མ་བཙས་ནས་རྒྱལ་པོ་ཡབ་ཀྱིས་ལྷའི་རྟེན་ལ་ཕྱག་འཚལ་དུ་ཁྲིད་པ་ན་ཕྱིར་ལྷ་རྣམས་ཀྱིས་མཐོང་མ་
D119.052.0103a03.01ཐག་ཏུ་ཕྱག་བྱས་ཏེ། དེ་བས་ན་སངས་རྒྱས་ཞེས་བྱའོ། །དེ་ལ་གང་ཞིག་འདི་སྐད་དུ་ལྷ་ཞེས་བྱ་བ་སྔར་བྱུང་སྟེ། སངས་རྒྱས་ནི་འཕྱི་ན་ཅིའི་ཕྱིར་ལྷ་རྣམས་ཀྱིས་སངས་རྒྱས་ལ་བསྟི་སྟང་དང་། ཕྱག་བྱེད་ཅེས་དེ་སྐད་དུ་རྒོལ་ན་དེ་ནི་བདུད་སྡིག་ཏོ་ཅན་གྱིས་བསྟན་
D119.052.0103a04.01པ་ཡིན་པར་རིག་པར་བྱའོ། །དེ་ལ་གང་ཞིག་འདི་སྐད་དུ་སངས་རྒྱས་བཅོམ་ལྡན་འདས་ལྷའི་རྟེན་དུ་གཤེགས་པ་ན་དབང་སྒྱུར་ཆེན་པོ་དང་། ཚངས་པ་ཆེན་པོ་དང་། བརྒྱ་བྱིན་ལྷའི་དབང་ཕྱུག་ལ་སོགས་པ་ལྷ་ཐམས་ཅད་ཀྱིས་ཐལ་མོ་སྦྱར་ཏེ། བསྟི་སྟང་དང་
D119.052.0103a05.01བཅས་པས་ཞབས་ལ་ཕྱག་བྱས་སོ། །ཞེས་མདོ་སྡེ་དང་འདུལ་བ་ལས་བྱུང་ན་དེ་ནི་སངས་རྒྱས་ཀྱིས་བསྟན་པའོ། །དེ་ལ་གང་བདུད་ཀྱིས་བསྟན་པའི་རྗེས་སུ་འཇུག་ན་དེ་ནི་བདུད་ཀྱི་རིས་སུ་གཏོགས་པ་ཞེས་བྱའོ། །དེ་ལ་གང་སངས་རྒྱས་ཀྱིས་བསྟན་པའི་རྗེས་སུ་འཇུག་
D119.052.0103a06.01པ་ནི་བྱང་ཆུབ་སེམས་དཔའ་ཞེས་བྱའོ། །མདོ་སྡེ་དང་འདུལ་བ་གང་ལས་བྱང་ཆུབ་སེམས་དཔའ་རྒྱལ་ཚབ་མཛད་པ་ན་འདོད་པའི་སེམས་ཀྱིས་ཕྱོགས་བཞི་ནས་བཙུན་མོ་བཙལ་ཏེ། ཕོ་བྲང་གི་ནང་དུ་འདོད་པ་རྣམ་པ་ལྔ་བདེ་བར་སྤྱོད་དོ། །ཞེས་མདོ་སྡེ་དང་འདུལ་བ་
D119.052.0103a07.01