完整藏文原文 · 德格版页 当前仅加载第 52 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དེ་དང་འདྲ་སྟེ། ཕྱིན་ཅི་ལོག་བཞིས་བསྐྱོད་མི་ནུས་སོ། །རིགས་ཀྱི་བུ་བྱང་ཆུབ་སེམས་དཔའ་དེའི་ཚེ་ན་བདག་གིས་ཚུལ་ཁྲིམས་བསྲུངས་པ་རྣམས་ཅིས་ཀྱང་བསྐྱོད་མི་ནུས་པར་ཤེས་སོ་མཐོང་ངོ་རྟོགས་སོ། །དེ་ནི་བྱང་ཆུབ་སེམས་དཔས་ཤེས་པ་དང་མཐོང་བ་རྟོགས་
D119.052.0275b01.01པ་ཞེས་བྱ་སྟེ། འཇིག་རྟེན་པས་ནི་མ་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཚུལ་ཁྲིམས་བསྲུངས་པ་རྣམས་ཤིན་ཏུ་བརྟན་ཞིང་མི་གཡོ་བར་མཐོང་བས་འགྱོད་པའི་སེམས་མེད་དེ། འགྱོད་པ་མེད་པས་སེམས་རབ་ཏུ་དགའ་བར་
D119.052.0275b02.01འགྱུར། རབ་ཏུ་དགའ་བར་གྱུར་པས་སེམས་ཤིན་ཏུ་ཚིམ་པར་འགྱུར་རོ། །ཤིན་ཏུ་ཚིམ་པར་གྱུར་པས་བདེ་བར་འགྱུར། སེམས་རབ་ཏུ་བདེ་བར་གྱུར་པས་མི་གཡོ་བའི་ཏིང་ངེ་འཛིན་འཐོབ་བོ། །མི་གཡོ་བའི་ཏིང་ངེ་འཛིན་འཐོབ་པས་ཤེས་པ་དང་ལྟ་བ་ཡང་
D119.052.0275b03.01དག་པར་འགྱུར་རོ། །ཤེས་པ་དང་ལྟ་བ་ཡང་དག་པར་གྱུར་པས་འཁོར་བ་ལས་ཡོངས་སུ་སྐྱོའོ། །འཁོར་བ་ལས་སྐྱོ་བས་ན་རྣམ་པར་གྲོལ་བར་འགྱུར་རོ། །རྣམ་པར་གྲོལ་བར་གྱུར་པས་ན་སངས་རྒྱས་ཀྱི་རང་བཞིན་གསལ་བར་མཐོང་སྟེ། དེ་ནི་བྱང་ཆུབ་
D119.052.0275b04.01སེམས་དཔས་ཤེས་པ་དང་མཐོང་བ་དང་། རྟོགས་པ་ཡིན་གྱི། འཇིག་རྟེན་པས་ཤེས་པ་ནི་མ་ཡིན་ནོ། །རིགས་ཀྱི་བུ་འདི་དག་ནི་འཇིག་རྟེན་པས་ནི་མི་ཤེས་མི་མཐོང་མི་རྟོགས་པ་ཡིན་གྱི། བྱང་ཆུབ་སེམས་དཔས་ནི་ཤེས་སོ་མཐོང་ངོ་རྟོགས་སོ། །འོད་སྲུང་
D119.052.0275b05.01གིས་ཡང་གསོལ་པ། ཇི་ལྟར་བྱང་ཆུབ་སེམས་དཔའ་ཚུལ་ཁྲིམས་ཡོངས་སུ་དག་པར་ནན་ཏན་བགྱིས་པས་འགྱོད་པའི་སེམས་མ་མཆིས་པ་ནས་སངས་རྒྱས་ཀྱི་རང་བཞིན་གྱི་བར་དུ་གསལ་བར་མཐོང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་
D119.052.0275b06.01ཀྱི་བུ་འཇིག་རྟེན་གྱི་ཚུལ་ཁྲིམས་ནི་ཡོངས་སུ་དག་པ་ཞེས་མི་བྱའོ། །དེ་ཅིའི་ཕྱིར་ཞེ་ན། འཇིག་རྟེན་གྱི་ཚུལ་ཁྲིམས་ནི་སྲིད་པ་དང་བཅས་པ། རང་བཞིན་གྱིས་མ་ངེས་པ། མཐར་ཕྱིན་པ་མ་ཡིན་ཏེ། སེམས་ཅན་ཐམས་ཅད་ཀྱི་དོན་དུ་རྒྱས་པར་འགྱུར་བ་མ་ཡིན་
D119.052.0275b07.01