完整藏文原文 · 德格版页 当前仅加载第 52 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །འདི་ལྟ་སྟེ་དཔྱིད་ཉི་མ་ཚ་བ་ལ་འགྲོ་བ་དང་། དབྱར་མངར་པོ་ཟ་བ་དང་། དགུན་གྲང་བས་རེག་པའོ། །ཡང་དག་པར་རྣམ་པར་གྲོལ་བ་ལ་ནི་དེ་འདྲ་བའི་ཡིད་དུ་མི་འོང་བའི་དངོས་པོ་གང་ཡང་མེད་དོ། །ཡོངས་སུ་གདུང་བ་མེད་པ་ནི་ཡང་དག་པར་རྣམ་པར་གྲོལ་
D119.052.0075b01.01བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །ཡོངས་སུ་གདུང་བ་ནི་འདི་ལྟ་སྟེ། མི་ཞིག་ཉ་ཤ་འགྲངས་པར་ཟོས་པའི་འོག་ཏུ་འོ་མ་འཐུངས་ན་མི་དེ་ནི་ཤི་བ་ལས་རིང་བ་མ་ཡིན་ནོ། །ཡང་དག་པར་རྣམ་པར་གྲོལ་བ་ལ་ནི་དེ་ལྟ་བུའི་དངོས་པོ་མེད་
D119.052.0075b02.01དོ། །མི་དེས་གལ་ཏེ་སྨན་བདུད་རྩི་ལྟ་བུ་ཞིག་རྙེད་ན་ནི་ནད་དེ་ཡང་འཚོ་བར་འགྱུར་རོ། །ཡང་དག་པར་རྣམ་པར་གྲོལ་བ་ཡང་དེ་དང་འདྲའོ། །སྨན་བདུད་རྩི་ཞེས་བྱ་བ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་དེ་ནི་དེ་བཞིན་གཤེགས་པ་ཡིན་ན་དེ་ལ་
D119.052.0075b03.01གདུང་བ་དང་མི་གདུང་བ་ཞེས་ཇི་སྐད་བྱ། འདི་ལྟ་སྟེ་བྱིས་པ་མ་རབས་ང་རྒྱལ་གྱི་དབང་དུ་གྱུར་པ་དག་ནི་འདི་སྙམ་དུ་སེམས་སོ། །སེམས་ཅན་ཐམས་ཅད་ཀྱི་ནང་ན་བདག་ལ་གསོད་ནུས་པ་མེད་དོ་ཞེ་ནས་སྟག་དང་། སྦྲུལ་དང་། སྲིན་གདུག་པ་དག་འཛིན་ཏེ། མ་རབས་
D119.052.0075b04.01དེ་ནི་ཚེ་ཟད་པའི་མཐའ་ལས་མི་རིང་སྟེ། གློ་བུར་དུ་འཆི་བར་རིག་པར་བྱའོ། །ཡང་དག་པར་རྣམ་པར་གྲོལ་བ་ལ་ནི་དེ་ལྟ་བུའི་དངོས་པོ་མེད་དོ། །ཡོངས་སུ་མི་གདུང་བ་ནི་འདི་ལྟ་སྟེ། འཁོར་ལོས་སྒྱུར་བའི་རྒྱལ་པོའི་ནོར་བུ་རིན་པོ་ཆེ་ལྟ་བུ་སྦུར་བ་ལ་སོགས་པ་སྲིན་གདུག་པ་རྣམ་པ་
D119.052.0075b05.01དགུ་བཅུ་རྩ་དྲུག་སྙེད་འདུལ་ནུས་ཏེ། གང་ནོར་བུ་རིན་པོ་ཆེ་དེའི་དྲི་བྲོ་བ་ཙམ་གྱིས་གདུག་པ་ཐམས་ཅད་མེད་པར་འགྱུར་རོ། །ཡང་དག་པར་རྣམ་པར་གྲོལ་བ་ཡང་དེ་དང་འདྲ་སྟེ། སྲིད་པ་ཉི་ཤུ་རྩ་ལྔ་པོ་ལས་རིང་དུ་གྱུར་ཏོ། །གདུག་པ་མེད་པ་ཞེས་བྱ་བ་ནི་ཡང་དག་པར་རྣམ་
D119.052.0075b06.01པར་གྲོལ་བའི་དཔེའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་གདུག་པ་མེད་པ་ནི་ནམ་མཁའ་ལྟ་བུའོ། །རྣམ་པར་གྲོལ་བ་ཡང་དེ་དང་འདྲ་སྟེ། ནམ་མཁའ་ཞེས་བྱ་བ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་
D119.052.0075b07.01