完整藏文原文 · 德格版页 当前仅加载第 52 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་སེམས་ཅན་ཐམས་ཅད་ཀྱང་དེ་དང་འདྲ་སྟེ། དགེ་བའི་བཤེས་གཉེན་ལ་བསྙེན་བཀུར་མ་བྱས་པས་སངས་རྒྱས་ཀྱི་རང་བཞིན་ཡོད་ཀྱང་མཐོང་བར་མི་ནུས་སོ། །འདོད་ཆགས་དང་། ཞེ་སྡང་དང་། གཏི་མུག་གིས་བསྒྲིབས་ཏེ་ཟིལ་གྱིས་ནོན་པས་སེམས་ཅན་
D119.052.0117b01.01དམྱལ་བ་དང་། བྱོལ་སོང་དང་། {ཡི་དགས་,ཡི་དྭགས་}དང་། ལྷ་མ་ཡིན་དང་། གདོལ་པ་དང་། རིགས་ངན་དང་། རྒྱལ་རིགས་དང་། བྲམ་ཟེའི་རིགས་ལ་སོགས་པ་རྣམ་པ་སྣ་ཚོགས་སུ་སྐྱེ་ཞིང་ལྟུང་བར་གྱུར་ཏོ། །སེམས་ལ་རྣམ་པ་སྣ་ཚོགས་ཀྱི་ལས་བསྐྱེད་པས་མིའི་ལུས་
D119.052.0117b02.01ཐོབ་ཀྱང་འོན་པ་དང་། ལོང་བ་དང་། ལྐུགས་པ་དང་། ཞ་བོ་ལ་སོགས་པར་གྱུར་ཏེ། སྲིད་པ་ཉི་ཤུ་ལྔ་པོར་རྣམ་པར་སྨིན་པའི་འབྲས་བུ་མྱོང་བར་གྱུར་ཏོ། །འདོད་ཆགས་དང་། ཞེ་སྡང་དང་། གཏི་མུག་གིས་སེམས་བསྒྲིབས་པས་ན་སངས་རྒྱས་ཀྱི་རང་བཞིན་མི་ཤེས་པས་
D119.052.0117b03.01ནི་ཇི་ལྟར་གྱད་དེས་ནོར་བུ་རིན་པོ་ཆེ་ཤའི་ནང་དུ་ནུབ་པ་མི་ཤེས་ཏེ་སྟོར་སྙམ་སེམས་པ་ལྟར་སོ་སོ་སྐྱེ་བོ་ཡང་དེ་དང་འདྲ་སྟེ། དགེ་བའི་བཤེས་གཉེན་ལ་བསྙེན་བཀུར་བྱེད་པ་མི་ཤེས། དེ་བཞིན་གཤེགས་པའི་སྙིང་པོ་ཤིན་ཏུ་གསང་བ་མི་ཤེས་པས་བདག་མེད་པ་ལ་སྒོམ་ཞིང་
D119.052.0117b04.01ནན་ཏན་བྱེད་དོ། །དཔེར་ན་འཕགས་པ་མ་ཡིན་པ་དག་ནི་བདག་མེད་པ་སྨྲ་ཡང་བདག་ཅེས་བྱ་བའི་ཡང་དག་པའི་མཚན་ཉིད་མི་ཤེས་སོ། །ངའི་ཉེ་གནས་དག་ཀྱང་དེ་དང་འདྲ་སྟེ། དགེ་བའི་བཤེས་གཉེན་ལ་བསྙེན་བཀུར་བྱེད་པ་ཡང་མི་ཤེས་པས་བདག་མེད་པ་སྒོམ་
D119.052.0117b05.01པ་ཡང་མི་ཤེས་ཏེ། བདག་མེད་པའི་གནས་ཀྱང་མི་ཤེས་སོ། །བདག་མེད་པའི་མཚན་ཉིད་ཀྱང་མི་ཤེས་ན་བདག་གི་ཡང་དག་པའི་མཚན་ཉིད་ཤེས་པ་ལྟ་ཅི་སྨོས། རིགས་ཀྱི་བུ་དེ་ལྟར་དེ་བཞིན་གཤེགས་པས་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་
D119.052.0117b06.01ཡོད་པར་གསུངས་པ་ཡང་ཇི་ལྟར་སྨན་པ་མཁས་པས་གྱད་ཀྱི་རྡོ་རྗེའི་ནོར་བུ་བསྟན་པ་བཞིན་ནོ། །སོ་སོའི་སྐྱེ་བོ་དག་ནི་ཀུན་ནས་ཉོན་མོངས་པ་ཚད་མེད་པ་སྙེད་ཀྱིས་བསྒྲིབས་ཤིང་ཟིལ་གྱིས་ནོན་པས་སངས་རྒྱས་ཀྱི་རང་བཞིན་མི་ཤེས་སོ། །གལ་ཏེ་ནམ་ཉོན་མོངས་
D119.052.0117b07.01