完整藏文原文 · 德格版页 当前仅加载第 52 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལྟར་དཀོན་མཆོག་གསུམ་ལ་ཐ་དད་པའི་མཚན་ཉིད་དུ་མི་གཟུང་ངོ་། །ཁྱོད་ནི་ཐེག་པ་ཆེན་པོ་ལ་ཞུགས་པས་དབང་པོ་རྣོ་བ་ནི་རལ་གྲི་རྣོན་པོ་དང་འདྲའོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བདག་ནི་རྟོགས་བཞིན་དུ་བཅོམ་ལྡན་འདས་ལ་ཞུ་བ་
D119.052.0121b01.01ལགས་ཀྱི་མི་འཚལ་བ་ནི་མ་ལགས་ཏེ། བདག་གིས་བྱང་ཆུབ་སེམས་དཔའ་གང་དཔའ་ཞིང་དབང་པོ་རྟུལ་ཕོད་པ་རྣམས་ཀྱི་སླད་དུ་དྲི་མ་མ་མཆིས་པ་ཡོངས་སུ་དག་པའི་སྤྱོད་ཡུལ་དུ་ཞུགས་པ་ལགས་སོ། །གཞན་ཡང་དེ་བཞིན་གཤེགས་པས་བྱང་ཆུབ་སེམས་དཔའ་རྣམས་
D119.052.0121b02.01ལ་ངོ་མཚར་རྨད་ཀྱི་དངོས་པོ་འབྱེད་ཅིང་བསྟན་པ་དང་ཤིན་ཏུ་རྒྱས་པ་ཐེག་པ་ཆེན་པོའི་མདོ་སྡེ་བསྔགས་པའི་སླད་དུ་ཞུགས་ཏེ་དེ་བཞིན་གཤེགས་པས་ཐུགས་རྗེ་ཆེན་པོས་ལེགས་པར་གསུངས་པས་བདག་ཀྱང་དེ་ལ་གནས་པར་འཚལ་ལོ། །གང་ན་བྱང་ཆུབ་སེམས་དཔའི་སྤྱོད་
D119.052.0121b03.01ཡུལ་ལ་ཡོངས་སུ་དག་པ་སྟོན་པ་དེ་ནི་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་སྟོན་པ་ལགས་སོ། །བཅོམ་ལྡན་འདས་བདག་གིས་ཀྱང་དེ་བཞིན་གཤེགས་པའི་གསང་བའི་སྙིང་པོ་འདི་སེམས་ཅན་ཐམས་ཅད་ལ་རྒྱས་པར་བསྟན་ཅིང་དཀོན་མཆོག་གསུམ་ལ་སྐྱབས་སུ་འགྲོ་བའི་
D119.052.0121b04.01གནས་ཡང་དག་པར་རྟོགས་པར་བགྱིའོ། །དེ་ལ་སེམས་ཅན་གང་ཞིག་འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་འདི་ལ་དད་ཅིང་ཡིད་ཆེས་ན་སྐྱེས་བུ་དེ་ནི་དཀོན་མཆོག་གསུམ་ལ་སྐྱབས་སུ་འགྲོ་བའི་གནས་རྟོགས་ཤིང་ཁོང་དུ་ཆུད་པ་ལགས་སོ། །དེ་ཅིའི་སླད་དུ་ཞེ་ན། དེ་
D119.052.0121b05.01བཞིན་གཤེགས་པའི་གསང་བའི་སྙིང་པོ་ལ་སངས་རྒྱས་ཀྱི་རང་བཞིན་མཆིས་པའི་ཕྱིར་རོ། །གང་མདོ་སྡེ་འདི་སྟོན་ཅིང་འཆད་པ་དེའི་ལུས་ལ་སངས་རྒྱས་ཀྱི་རང་བཞིན་མ་མཆིས་པར་སྨྲ་སྟེ་སྐྱེས་བུ་དེ་ནི་དཀོན་མཆོག་གསུམ་ལ་སྐྱབས་སུ་འགྲོ་བ་མ་ཡིན་པ་གཞན་མི་ཚོལ་ལོ། །དེ་ཅིའི་སླད་དུ་ཞེ་
D119.052.0121b06.01ན། ཕྱི་མ་མ་འོངས་པའི་དུས་སུ་བདག་གི་ལུས་འདི་ཉིད་དཀོན་མཆོག་གསུམ་དུ་འགྱུར་ཏེ་ཉན་ཐོས་དང་རང་སངས་རྒྱས་དང་དེ་མ་ཡིན་པའི་སྐྱེ་བོ་གཞན་ཐམས་ཅད་ཀྱང་བདག་ལ་བརྟེན་ཏེ་རིམ་གྲོ་དང་བཀུར་སྟི་དང་། ཕྱག་འཚལ་བར་འགྱུར་བའི་ཕྱིར་རོ། །རིགས་ཀྱི་བུ་དོན་དེ་ལྟ་བས་ན་
D119.052.0121b07.01