完整藏文原文 · 德格版页 当前仅加载第 52 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
མཚམས་མེད་པ་ལྔ་དང་། ཕྱི་རོལ་དང་ནང་གི་མི་དགེ་བའི་ལས་ཐམས་ཅད་མེད་པར་བྱེད་དེ། གང་བྱང་ཆུབ་ཏུ་སེམས་མ་བསྐྱེད་པ་དག་ཀྱང་འདིའི་དབང་གིས་བྱང་ཆུབ་ཏུ་སེམས་བསྐྱེད་པར་འགྱུར་རོ། །དེ་ཅིའི་ཕྱིར་ཞེ་ན། མདོ་སྡེ་འདི་ཡང་མདོ་སྡེ་ཐམས་
D119.052.0143a01.01ཅད་ཀྱི་ནང་ན་རྒྱལ་པོ་ལྟ་བུ་སྟེ། ཇི་ལྟར་སྨན་གྱི་ནང་ན་སྨན་གྱི་རྒྱལ་པོ་ལྟ་བུའོ། །གང་ཞིག་མྱ་ངན་ལས་འདས་པ་ཆེན་པོ་འདི་ལ་ནན་ཏན་བྱེད་དམ་ནན་ཏན་མི་བྱེད་ཀྱང་རུང་། མདོ་སྡེ་འདིའི་མཚན་ཡོད་པ་ཐོས་ཏེ་ཐོས་མ་ཐག་ཏུ་དད་ཅིང་ཡིད་ཆེས་ན་ཉོན་མོངས་པའི་ནད་
D119.052.0143a02.01ཐམས་ཅད་མེད་པར་བྱེད་ཀྱང་ལོག་སྲེད་ཅན་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བདེ་བར་དགོད་མི་ནུས་སོ། །ཇི་ལྟར་སྨན་གྱི་རྒྱལ་པོ་དེ་ནད་ཐམས་ཅད་འཚོ་བར་བྱེད་མོད་ཀྱི། ངེས་པར་འཆི་བའི་དུས་ལ་བབ་པ་ནི་མ་ཡིན་ནོ། །རིགས་ཀྱི་བུ་གཞན་ཡང་
D119.052.0143a03.01འདི་ལྟ་སྟེ་དཔེར་ན་ལག་པ་ལ་རྨ་ཡོད་པ་དག་གིས་དུག་གཟུང་ན་དུག་ཁོང་དུ་འགྲོའོ། །རྨ་མེད་པ་ནི་གཟུང་ཡང་ཁོང་དུ་མི་འགྲོའོ། །ལོག་སྲེད་ཅན་ཡང་དེ་དང་འདྲ་སྟེ། བྱང་ཆུབ་ཀྱི་རྒྱུ་མེད་པས་རྨ་མེད་པས་དུག་གཟུང་བ་དང་མཚུངས་ཏེ་ཁོང་དུ་མི་འགྲོའོ། །རྨ་ཞེས་བྱ་བ་
D119.052.0143a04.01ནི་བླ་ན་མེད་པའི་བྱང་ཆུབ་ཀྱི་རྒྱུའོ། །དུག་ཅེས་བྱ་བ་ནི་དོན་དམ་པའི་སྨན་ལྟ་བུའོ། །རྨ་མེད་པ་ནི་ལོག་སྲེད་ཅན་ལྟ་བུའོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་རྡོ་རྗེ་ནི་ཅིས་ཀྱང་མི་ཆོགས་ཏེ། ཐམས་ཅད་ཕིགས་ཤིང་གཅོག་ནུས་ཀྱང་རུ་སྦལ་གྱི་ཁོག་པ་དང་ར་རུས་
D119.052.0143a05.01ཆོགས་སོ། །མྱ་ངན་ལས་འདས་པ་ཆེན་པོའི་མདོ་སྡེ་འདི་ཡང་དེ་དང་འདྲ་སྟེ། ཚད་མེད་པའི་སེམས་ཅན་བྱང་ཆུབ་ཀྱི་ལམ་ལ་བདེ་བར་བཙུད་ཀྱང་ལོག་སྲེད་ཅན་དག་ནི་བྱང་ཆུབ་ཀྱི་རྒྱུ་སྐྱེད་མི་ནུས་སོ། །རིགས་ཀྱི་བུ་གཞན་ཡང་འདི་ལྟ་སྟེ་རྩྭ་དན་ཐུ་ལི་ཀ་དང་། ཤིང་སྦ་ལི་
D119.052.0143a06.01ཤི་དང་། ལི་ཀ་ལྟ་བུ་སྡོང་བུ་དང་ཡལ་ག་བཅད་ཀྱང་དེ་མ་ཐག་ཏུ་ཕྱིར་སྐྱེས་ཏེ། ཤིང་ཏ་ལ་ལྟར་བཅད་ནས་ཕྱིར་མི་སྐྱེ་བ་ནི་མ་ཡིན་ནོ། །སེམས་ཅན་དེ་དག་ཀྱང་དེ་དང་འདྲ་སྟེ། གལ་ཏེ་མྱ་ངན་ལས་འདས་པ་ཆེན་པོའི་མདོ་སྡེ་ཐོས་ན་ཕས་ཕམ་པ་བཞི་བྱུང་ངམ། མཚམས་
D119.052.0143a07.01