完整藏文原文 · 德格版页 当前仅加载第 52 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་སེམས་དཔའ་ཆེན་པོ་ཡང་འདི་སྐད་ཅེས་དམ་འཆའ་སྟེ། གྲི་རྣོན་པོས་ལྕེ་བཅད་ཀྱང་བླའི། འདོད་ཆགས་ཀྱི་སེམས་ཀྱིས་རོ་ཞིམ་པོ་ལ་མི་ཆགས་སོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འདི་སྐད་ཅེས་དམ་འཆའ་
D119.052.0183a01.01སྟེ། གལ་ཏེ་སྟ་རེ་རྣོན་པོས་བདག་གི་ལུས་དུམ་བུ་དུམ་བུར་གཏུབས་ཀྱང་བླའི། འདོད་ཆགས་དང་བཅས་པའི་སེམས་ཀྱིས་རེག་བྱ་མང་པོ་ལ་མི་ཆགས་སོ། །དེ་ཅིའི་ཕྱིར་ཞེ་ན། དེའི་རྒྱུ་དེའི་རྐྱེན་གྱིས་རྣལ་འབྱོར་ཅན་དག་སེམས་ཅན་དམྱལ་བ་དང་། བྱོལ་སོང་གི་སྐྱེ་
D119.052.0183a02.01གནས་དང་། གཤིན་རྗེའི་འཇིག་རྟེན་དུ་སྐྱེ་བར་འགྱུར་རོ། །འོད་སྲུང་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཡོངས་སུ་སྲུང་བ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོས་ཚུལ་ཁྲིམས་ཤིན་ཏུ་བསྲུངས་ནས། སེམས་
D119.052.0183a03.01ཅན་ཐམས་ཅད་ལ་སྔོ་བར་བྱེད་དོ། །དེའི་རྒྱུ་དེའི་རྐྱེན་གྱིས་སེམས་ཅན་ཐམས་ཅད་ཚུལ་ཁྲིམས་ཤིན་ཏུ་བསྲུང་བ་དང་། རྣམ་པར་དག་པའི་ཚུལ་ཁྲིམས་དང་། ཤིན་ཏུ་དགེ་བའི་ཚུལ་ཁྲིམས་དང་། མི་ཉམས་པའི་ཚུལ་ཁྲིམས་དང་། མི་ཟློས་པའི་ཚུལ་ཁྲིམས་དང་། ཐེག་
D119.052.0183a04.01པ་ཆེན་པོའི་ཚུལ་ཁྲིམས་དང་། ཕྱིར་མི་ལྡོག་པའི་ཚུལ་ཁྲིམས་དང་། སེམས་དང་སྦྱོར་བའི་ཚུལ་ཁྲིམས་དང་། མཐར་ཕྱིན་པའི་ཚུལ་ཁྲིམས་དང་། ཕ་རོལ་ཏུ་ཕྱིན་པའི་ཚུལ་ཁྲིམས་རྫོགས་པར་གྱུར་ཅིག་ཅེས་སྨོན་ལམ་འདེབས་སོ། །རིགས་ཀྱི་བུ་བྱང་ཆུབ་སེམས་དཔའ་
D119.052.0183a05.01སེམས་དཔའ་ཆེན་པོ་དེ་ལྟར་ཚུལ་ཁྲིམས་ཡོངས་སུ་དག་པར་སྦྱོང་བ་ན། ཐོག་མ་མི་གཡོ་བའི་ས་ལ་གནས་པར་འགྱུར་རོ། །ཅིའི་ཕྱིར་མི་གཡོ་བའི་ས་ཞེས་བྱ་ཞེ་ན། བྱང་ཆུབ་སེམས་དཔའ་མི་གཡོ་བའི་ས་ལ་གནས་པ་ན། མི་གཡོ་མི་ལྟུང་མི་ལྡོག་མི་ཤིགས་པའི་ཕྱིར་རོ། །
D119.052.0183a06.01རིགས་ཀྱི་བུ་དཔེར་ན་རི་རབ་རིའི་རྒྱལ་པོ་ནི་རླུང་ཤིན་ཏུ་དྲག་པོ་རྫི་རླུང་ཡུག་གིས་ཀྱང་གཡོ་བའམ། ལྟུང་བའམ། འཇིག་པར་མི་ནུས་སོ། །བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལ་གནས་པ་ཡང་དེ་དང་འདྲ་སྟེ། གཟུགས་དང་། སྒྲ་དང་། དྲི་
D119.052.0183a07.01