完整藏文原文 · 德格版页 当前仅加载第 52 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་པས་ཕྱོགས་གཅིག་ཏུ་འཁོད་དོ། །དེའི་ཚེ་གཞན་ཡང་ཀླུང་གང་གཱ་གཉིས་ཀྱི་བྱེ་མ་སྙེད་ཀྱི་དགེ་བསྙེན་ཕ་ཁྲིམས་ལྔ་ཡོངས་སུ་སྲུང་བ་ལ་འདི་ལྟ་སྟེ། དགེ་བསྙེན་གཟི་བརྗིད་དྲི་མ་མེད་པར་གྲགས་པའི་རྒྱལ་པོ་དང་། དགེ་བསྙེན་ལེགས་པའི་ཡོན་ཏན་ལ་སོགས་པས་ཐོག་མར་དྲངས་
D119.052.0004a01.01ཏེ། ཐམས་ཅད་ཀྱང་གཉེན་པོར་གྱུར་པའི་ཆོས་ལ་ཤིན་ཏུ་མོས་པ་ནི་འདི་ལྟ་སྟེ། སྡུག་བསྔལ་དང་། བདེ་བ་དང་། རྟག་པ་དང་མི་རྟག་པ་དང་། ཡོངས་སུ་དག་པ་དང་། མ་དག་པ་དང་། བདག་དང་བདག་མེད་པ་དང་། ངེས་པ་དང་མ་ངེས་པ་དང་། སྐྱབས་སུ་འགྲོ་བ་དང་སྐྱབས་སུ་མི་འགྲོ་བ་དང་།
D119.052.0004a02.01སེམས་ཅན་དང་སེམས་ཅན་མ་ཡིན་པ་དང་། ཐེར་ཟུག་དང་ཐེར་ཟུག་མ་ཡིན་པ་དང་། བདེ་བ་དང་བདེ་བ་མ་ཡིན་པ་དང་། འདུས་བྱས་པ་དང་འདུས་མ་བྱས་པ་དང་། ཆད་པ་དང་ཆད་པ་མ་ཡིན་པ་དང་། མྱ་ངན་ལས་འདའ་བ་དང་། མྱ་ངན་ལས་འདའ་བ་མ་ཡིན་པ་དང་། ལྷག་པ་དང་ལྷག་པ་མ་ཡིན་པ་ལ་
D119.052.0004a03.01སོགས་ཏེ། གཉེན་པོར་གྱུར་པའི་ཆོས་འདི་དག་ལ་རྟོག་པར་ཤིན་ཏུ་མོས་པ་ཤ་སྟག་གོ། །གཞན་ཡང་བླ་ན་མེད་པའི་ཐེག་པ་ཆེན་པོ་ལ་ཐོས་པར་མོས་པ། ཇི་ལྟར་ཐོས་པ་བཞིན་དུ་གཞན་ལ་ཡང་སྟོན་ནུས་པ། ཚུལ་ཁྲིམས་ཡོངས་སུ་སྲུང་བ། ཐེག་པ་ཆེན་པོ་ལ་སྐོམ་པས་གདུངས་པ་ལྟར་མོས་པ།
D119.052.0004a04.01བདག་ཀྱང་ཤིན་ཏུ་ངོམས་ལ། སྐོམ་པས་གདུངས་པ་གཞན་ཡང་ངོམས་པར་བྱེད་པ། བླ་ན་མེད་པའི་ཡེ་ཤེས་ལ་ཤིན་ཏུ་འཇུག་པ། ཐེག་པ་ཆེན་པོ་ལ་མོས་པ། ཐེག་པ་ཆེན་པོ་ལ་ཤིན་ཏུ་སྲུང་བ། འཇིག་རྟེན་པ་ཐམས་ཅད་ཀྱི་སེམས་དང་ཤིན་ཏུ་སྦྱོར་བ། མ་རྒལ་བ་སྒྲོལ་བ། མ་གྲོལ་བ་འགྲོལ་བ།
D119.052.0004a05.01དཀོན་མཆོག་གསུམ་གྱི་གདུང་རྒྱུན་མི་འཆད་པར་འཚོབ་པ། མ་འོངས་པའི་དུས་སུ་ཆོས་ཀྱི་འཁོར་ལོ་ཤིན་ཏུ་བསྐོར་བ། རྒྱན་ཆེན་པོས་རྣམ་པར་བརྒྱན་པ། སེམས་ཤིན་ཏུ་ཟབ་མོའི་རོ་ལ་མོས་པ། ཚུལ་ཁྲིམས་ཡོངས་སུ་དག་པ། ཐམས་ཅད་ཀྱང་དེ་ལྟ་བུའི་ཡོན་ཏན་དང་ལྡན་པ། སེམས་ཅན་
D119.052.0004a06.01ཐམས་ཅད་ལ་སྙིང་རྗེ་ཆེན་པོའི་སེམས་བསྐྱེད་ཅིང་བུ་གཅིག་པ་དང་འདྲ་བར་གཉིས་སུ་མེད་པར་སྙོམས་པ་ཤ་སྟག་གོ། །དེ་དག་ཀྱང་སྔ་དྲོའི་དུས་ཉི་མ་ཤར་མ་ཐག་ཏུ་འོད་ཟེར་གྱིས་རེག་ནས་དེ་བཞིན་གཤེགས་པའི་པུར་ཞུགས་ལ་བཞེན་པའི་ཕྱིར་ཐམས་ཅད་ཀྱིས་སོ་སོ་ནས་སྤོས་ཀྱི་ཤིང་ཁྲི་ཕྲག་དུ་མ་བཤམས་
D119.052.0004a07.01