完整藏文原文 · 德格版页 当前仅加载第 52 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱབ་པ། སེམས་ཅན་ཐམས་ཅད་ཀྱི་བསོད་ནམས་ཀྱི་ཞིང་དུ་གྱུར་པ། བསོད་ནམས་ཀྱི་ཞིང་དུ་གྱུར་ཀྱང་ལེན་པ་མེད་པ། ཡོངས་སུ་དག་པ། རྙོག་པ་མེད་པ། ཟག་པ་མེད་པ། འདུས་མ་བྱས་པ། ཡངས་པ། མཐའ་ཡས་པ། སེམས་ཤིན་ཏུ་དུལ་བ། མཉམ་
D119.052.0286a01.01སྙོམས་པ། གཉིས་སུ་མེད་པ། མྱ་ངན་མེད་པ། རྟག་པ་མི་འགྱུར་བ་སྟེ། དེ་ནི་དགེ་འདུན་རྗེས་སུ་དྲན་པ་ཞེས་བྱའོ། །དེ་ལ་ཇི་ལྟར་ན་བསླབ་ཚིག་རྗེས་སུ་དྲན་པ་ཞེ་ན། བྱང་ཆུབ་སེམས་དཔའ་ཚུལ་ཁྲིམས་ཡོད་པ་ཡིད་ལ་བྱས་པས་མི་འཇིགས་པ། མི་ཟག་པ། མི་ཉམས་པ། མ་
D119.052.0286a02.01འདྲེས་པ། གཟུགས་མེད་དུ་ཟིན་ཀྱང་ཤིན་ཏུ་བསྲུང་བ། རེག་པའི་དངོས་པོ་མེད་ཀྱང་ཤིན་ཏུ་ཐབས་མཁས་པས་བསྙེན་པར་རྫོགས་པར་བྱེད་པ། ཉེས་པའི་སྐྱོན་མེད་པ། སངས་རྒྱས་དང་། བྱང་ཆུབ་སེམས་དཔའ་རྣམས་ཀྱིས་བསྔགས་ཤིང་བསྟོད་པ། ཤིན་ཏུ་རྒྱས་པ། ཡོངས་
D119.052.0286a03.01སུ་མྱ་ངན་ལས་འདས་པ་ཆེན་པོའི་རྒྱུར་གྱུར་པ། རིགས་ཀྱི་བུ་འདི་ལྟ་སྟེ། དཔེར་ན་ས་ཆེན་པོ་དང་། གྲུ་དང་སེ་མོ་དོ་དང་། རི་ཆེན་པོ་དང་། རྒྱ་མཚོ་དང་། ཐལ་བའི་ཁུ་བ་དང་། ཁང་ཁྱིམ་དང་། རལ་གྲི་དང་། ཟམ་པ་དང་། སྨན་པ་མཁས་པ་དང་། སྨན་བཟང་པོ་དང་། བྱུག་པའི་སྨན་
D119.052.0286a04.01དང་། ཡིད་བཞིན་གྱི་ནོར་བུ་རིན་པོ་ཆེ་དང་། རྐང་ལག་དང་། མིག་དང་། ཕ་མ་དང་། གྲིབ་མ་ནི་ཅིས་ཀྱང་མི་འཕྲོགས་ཏེ། གནོད་པ་བྱར་མེད། མེས་བསྲེག་ཏུ་མེད། ཆུས་གཡེང་དུ་མེད། རི་མཐོན་པོ་ལ་འཛེག་པའི་ཐེམ་སྐས་ལྟ་བུ་སྟེ། སངས་རྒྱས་དང་བྱང་ཆུབ་སེམས་དཔའ་
D119.052.0286a05.01རྣམས་ཀྱི་རིན་པོ་ཆེ་དམ་པའི་རྒྱལ་མཚན་ལྟ་བུའོ། །ཚུལ་ཁྲིམས་དེ་ལ་གནས་ན་རྒྱུན་དུ་ཞུགས་པའི་འབྲས་བུ་ཐོབ་པའི་སྐལ་བ་ང་ལ་ཡང་ཡོད་མོད་ཀྱི་ང་མི་འདོད་དོ། །དེ་ཅིའི་ཕྱིར་ཞེ་ན། གལ་ཏེ་རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ན་རྒྱ་ཆེར་སེམས་ཅན་ཐམས་ཅད་ཀྱི་དོན་
D119.052.0286a06.01བྱེད་མི་ནུས་སོ། །གལ་ཏེ་ཚུལ་ཁྲིམས་ལ་གནས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་བའི་སྐལ་བ་ཡང་ང་ལ་ཡོད་དེ། དེ་ནི་ང་འདོད་དོ། །དེ་ཅིའི་ཕྱིར་ཞེ་ན། གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་ན་སེམས་ཅན་ཐམས་ཅད་ལ་
D119.052.0286a07.01