完整藏文原文 · 德格版页 当前仅加载第 52 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
བུར་དུ་ནད་ཀྱིས་བཏབ་སྟེ་ཚེ་འཕོས་ནས་དུར་དུ་བསྐྱལ་ཏེ། ཤིན་ཏུ་མྱ་ངན་གྱིས་ཡིད་གདུངས་པ་དང་འདྲ་བར་དགེ་བསྙེན་དེ་དག་མྱ་ངན་གྱིས་ཡིད་གདུངས་པ་ཡང་དེ་དང་འདྲ་སྟེ། མཆོད་པའི་ཡོ་བྱད་རྣམས་གནས་གཅིག་ཏུ་བཞག་ནས། ཕྱོགས་གཅིག་ཏུ་ཅང་མི་སྨྲ་བར་འཁོད་དོ། །
D119.052.0006a01.01དེའི་ཚེ། གཞན་ཡང་ཀླུང་གང་གཱ་གསུམ་གྱི་བྱེ་མ་སྙེད་ཀྱི་དགེ་བསྙེན་མ་ཁྲིམས་ལྔ་ཡོངས་སུ་སྲུང་བ། སྤྱོད་ལམ་དང་ལྡན་པ་འདི་ལྟ་སྟེ། དགེ་བསྙེན་མ་འཚོ་བའི་ཡོན་ཏན་དང་། དགེ་བསྙེན་མ་དཔལ་གྱི་ཕྲེང་བ་དང་། དགེ་བསྙེན་མ་བྱི་ཤ་ཀ་ལ་སོགས་པས་ཐོག་མར་དྲངས་ནས་དགེ་བསྙེན་
D119.052.0006a02.01མ་བརྒྱད་ཁྲི་བཞི་སྟོང་སྙེད་ཐམས་ཅད་ཀྱང་དམ་པའི་ཆོས་ཡོངས་སུ་འཛིན་པ། སེམས་ཅན་ཚད་མེད་པ་བརྒྱ་སྟོང་གདུལ་བའི་ཕྱིར་བུད་མེད་ཀྱི་ལུས་སུ་སྟོན་ཅིང་ཁྱིམ་གྱི་ཆོས་ཡོངས་སུ་སྨོད་པ། བདག་གི་ལུས་ལ་སྦྲུལ་གདུག་པ་བཞིན་དང་འདྲ་བར་རྟོགས་པ། ལུས་ལ་རྟག་ཏུ་སྲིན་བུ་གྲངས་མེད་
D119.052.0006a03.01པས་ཟ་བ་དང་། ལུས་འདི་ལ་ཤིན་ཏུ་བཙོག་པ་དང་། འདོད་པས་ཡོངས་སུ་བཅིངས་པར་རྟོགས་པ། ལུས་འདི་ལ་ཁྱི་རོ་དང་འདྲ་བར་འཇིགས་སུ་རུང་བ་དང་། ལུས་འདི་ནི་མི་གཙང་བ་སྟེ། བུ་ག་དགུ་ནས་རྟག་ཏུ་ཟག་པར་རྟོགས་པ། ལུས་འདི་ནི་མཁར་དང་འདྲ་སྟེ། ཤ་དང་པགས་
D119.052.0006a04.01པ་དང་རྩ་དང་རྒྱུས་པས་རྣམ་པར་དཀྲིས་པ། ལག་པ་དང་རྐང་པ་ནི་མཁར་གྱི་ཉེན་ལྟ་བུར་གྱུར་པ། མིག་ནི་སྐར་ཁུང་ལྟ་བུར་གྱུར་པ། མགོ་བོ་ནི་ཁང་པ་ལྟ་བུར་གྱུར་ཏེ། སེམས་རྒྱལ་པོ་དང་འདྲ་བ་དེའི་ནང་ན་གནས་པར་རྟོགས་པ། ལུས་མཁར་དང་འདྲ་བ་འདི་ནི་སངས་རྒྱས་བཅོམ་ལྡན་འདས་རྣམས་
D119.052.0006a05.01ཀྱིས་ཡོངས་སུ་སྤངས་ཏེ། བུས་པ་སོ་སོའི་སྐྱེ་བོ་དག་ནི་དེ་ལ་ཆགས་པར་བྱེད་དོ། །འདོད་ཆགས་དང་། ཞེ་སྡང་དང་། གཏི་མུག་གི་སྲིན་པོ་གནས་པར་རྟོགས་པ། ལུས་འདི་ནི་སྙིང་པོ་མེད་པ་སྟེ། འདམ་བུའི་མྱུ་གུ་འམ། ཨེ་རཎྜ་འམ། ཆུའི་ཆུ་བུར་རམ། ཆུ་ཤིང་ལྟ་བུར་རྟོགས་པ། ལུས་
D119.052.0006a06.01འདི་ནི་མི་རྟག་པ་སྟེ། སྐད་ཅིག་སྐད་ཅིག་ཏུ་འཕོ་ཞིང་དཔེར་ན་གློག་གི་འོད་དམ། གཟར་པོའི་ཆུ་འམ། སྒྱུ་མ་འམ། སྨིག་རྒྱུ་འམ། ཆུ་ལ་རི་མོ་བྲིས་པ་ལྟ་བུར་རྟོགས་པ། ལུས་འདི་ནི་འགྱུར་ཞིང་འཕོ་བ་སྟེ། དཔེར་ན་ཆུ་འགྲམ་གཡང་སའི་སྡོང་པོ་ལྟ་བུར་རྟོགས་པ་ལུས་འདི་ནི་རིང་པོར་མི་ཐོགས་པ་སྟེ། སྤྱང་ཀི་
D119.052.0006a07.01